IES de Melide

A conselleira impartiu unha charla no IES de Melide e pediulles aos alumnos participantes que se impliquen a través da formación na tarefa de consolidar “o noso rural como referente de calidade e bo facer”

Destacou o potencial dos sectores gandeiro, agrícola e forestal e repasou outras actividades tamén en auxe no agro galego, caso da produción de castañas, planta ornamental, kiwis e outros froitos.

Seguir lendo...

Enlace a FALAMELIDE (Entrevista) http://falamelide.weebly.com/curso-2017-2018.html

O pasado martes, 20 de Febreiro, o alumnado do IES de Melide tivo o pracer de visitar as instalacións da empresa JIM Sports, situada no concello de Palas de Rei.

Os grupos de 3º ESO, Economía de 1º de Bacharelato e Xeografía de 2º de Bacharelato, a cargo dos departamentos de Educación Física, Economía e Xeografía e Historia, puideron coñecer o funcionamento da maior empresa galega do sector deportivo. (Ler máis).

O equipo de 1º BAC B Η ΤΑΝ Η ΕΠΙ ΤΑΣ, formado por Ainhoa García Simón, Yara González Barral e Adrián Iglesias Campos resultou gañador de Galicia no Concurso Odisea, que organiza a sección galega da SEEC (Sociedade de Estudos Clásicos), dirixido ao profesorado e alumnado de cultura clásica, latín e grego.

O noso equipo, campión de Galicia, competirá na fase estatal o próximo xoves 1 de marzo, da que sairá o equipo gañador do Estado Español. Seguir lendo.

O pasado 20 de febreiro o alumnado de 4º ESO e de artes de 2º BAC estivo na conferencia impartida por Carolina Munáiz "A ARTE DEXENERADA".

 A charla tiña como obxectivo primeiro dar a coñecer a purga que o réxime nazi fixo dende a súa chegada ao poder en 1933 de todas as manifestacións artísticas que se alonxasen e/ou non reflectisen exactamente o ideal de beleza que se pretendía para a sociedade xermánica. (seguir lendo)

O pasado venres día 9 de febreiro celebramos o entroido no instituto, aquí tedes un resumo do que foi o festival.

O pasado mércores 7 de febreiro tivo lugar en Santiago a fase galega da IX olimpíada de xeoloxía. Asistiron á mesma Paula Cordero Sánchez, Sara Folgueira Fernández e Lucía Vázquez Arias, alumnas de 4º ESO B.

Pola mañá fixeron unha proba práctica en grupo, coa que puideron demostrar, sobre o terreo, os seus coñecementos xeolóxicos. Pola tarde tivo lugar a proba individual. Tras esta puideron visitar o animalario da facultade de bioloxía, onde descubriron a importancia que teñen animais como os ratos ou a robaliza na investigación biomédica.

Aínda que non resultaron clasificadas para participar na fase nacional, seguro que fixeron unha probas magníficas. Parabéns rapazas pola vosa actitude e aptitude!

O pasado venres 12 de xaneiro do 2018 tivo lugar en Vigo a XIII Olimpíada de Bioloxía (Fase autonómica). Asistiron á mesma Paula Ares Turrado, Iria Barreiro Vázquez, Patricia López Andrés e David Sesar Casal, acompañados pola súa profesora Cristina Viqueira Gómez. Unha vez alí gozaron, xunto con outros 100 alumnos procedentes de 31 institutos de Galicia, dunha interesante xornada aprendendo bioloxía e demostrando o aprendido durante todos estes anos. Aínda que non foron seleccionados entre os 3 gañadores, non dubidamos que os nosos alumnos fixeron una proba magnífica, polo que dende aquí, queremos felicitalos.

O pasado 12 de xaneiro tivemos a sorte ter no IES de Melide a Teresa Amado, profesora de grego da USC, que impartiu unha conferencia sobre a orixe da ciencia na antiga Grecia e a creación de léxico científico ao alumnado de 4º ESO e ao de grego de BAC.... (preme aquí para seguir lendo).

O pasado 11 de xaneiro o alumnado de 4º ESO de artes escénicas e de 1º BAC asisitiron en Santiago de Compostela ó espectáculo "REQUIEM POR UN MONICREQUE", peza deliciosam que partindo dunha anécdota histórica operística indaga con ironía na relación do escénico co extraescénico (preme aquí para ler máis)

Un documental e un xantar de reencontros poñen o broche de ouro ós actos conmemorativos do 50 aniversario de ensino medio en Melide.

O alumnado de 2º de ESO que cursa a materia de eNPRoXECTO doulle vida a un documental que, baixo o título “Letras que adornan números”, deu coñecer as idas e benvidas das avenidas das vidas do Colexio Libre Adoptado (1967-1969), da sección Delegada do Arzebispo Xelmirez (1969-1973), do Instituto Nacional de Bacharelato (1973-1966) e do IES de Melide.

Nun emotivo acto, as testemuñas de alumnado, profesorado, persoal de administración e servizos e pais e nais de diferentes décadas, nos lembraron 50 anos de pasos cruzados compartidos, anos de historias respectuosas coas novas xeracións, que queren ceder o seu protagonismo as letras que non están escritas.

Así remataba o documental, apostando polo liderado compartido, para sermos quen de seguir enfrontando con ilusión os retos do ensino do século 21: unha aposta pola ensinanza plural, sostible, integradora e atenta coa realidade que nos toca vivir para interpretar e construír un mundo bo, xusto e bonito.