IES Maximino Romero de Lema

Adxúntase o documento coa instrución 4/2016 emitida pola Consellería de Cultura, Educación e Ordenación Universitaria para a contratación do servizo de xestión e explotación da cafetería en centros públicos non universitarios dependentes da Consellería.

Ver o documento coas bases

ORDE do 27 de abril de 2016 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2016/17.

Enlace ó DOG
Ficheiro PDF coa información

Acto de despedida ao alumnado de 2º Bac o pasado 27 de maio no Auditorio de Baio

Rematou a excursión dos alumnos de 4º de ESO. Podedes ver a continuación un par de fotos da viaxe deste ano:

Unha produción do alumnado de Artes Escénicas e Xestión Cultural:

E por fin chega a primavera ao instituto coa XI Semana Cultural, con cheiro a circo, teatro, música, danza, pintura, audiovisual e moita conciencia. Porque vivimos tempos nos que a cultura precisa, unha vez máis, ser activista das emocións. Unha semana das letras para lembrar as ensinanzas do grande mestre Manuel María e compartir un sentimento común de identidade.

Agardamos que as portas abertas do noso centro sexan máis contedor cultural que nunca.

Avante e Benvid@s!!!

O IES Maximino Romero de Lema acaba de ser recoñecido, unha vez máis, polos premios de Proxectos de Innovación Lingüística ao "Proxecto Regueifesta".

Enlace á resolución da convocatoria
Sitio web da Regueifesta

Ao mesmo tempo acaba de presentase en Compostela o encontro co alumnado do IES de Arratia para participar no primeiro encontro de Regueifa e Bertso entre escolares.

Estas actividades forman parte dunha xornada que leva por lema "A regueifa está na mesa… camiño da escola", enmarcada no Proxecto Regueifesta. O Concello de Santiago, a través dos departamentos de Lingua e de Educación, colabora con esta iniciativa, que quere poñer en valor a regueifa como método de normalización lingüística e desenvolvemento persoal e social.

O proxecto está impulsado polo IES Maximino Romero de Lema de Baio e o IES Marco do Camballón, de Vila de Cruces. O seu alumnado visitou esta mañá Compostela, dentro do encontro que están a manter cos estudantes dun instituto biscaíño, o IES de Arratia.

Esta Regueifesta enmárcase tamén no 1º Encontro Regueibertso Galiza-Euskal Herría. O intercambio escolar do proxecto Regueibertso continuará entre os días 13 e 16 de maio, cando serán os rapaces do Maximino Romero de Lema de Baio, os que visiten Euskadi, xunto cos alumnos do IES Perdouro, de Burela e do IES Marco do Camballón.

Información na web do Concello de Santiago de Compostela
Información no diario Faro de Vigo
Información no diario Que pasa na Costa

O vindeiro sábado 30 de xaneiro, para continuar co seu programa de actividades culturais, o alumnado de Artes Escénicas e Xestión Cultural do IES Maximino Romero de Lema prepara “un estreo mundial de cine”.
Seguramente moitas persoas lembren unha película que se gravou fai anos na Carballeira de Baio, para a que se construíra un grande barco e na que participaron moitas e moitos veciños da vila. Pois ben, chegou a hora de poder ver “A casa da luz”, un filme recomendado para todos os públicos e que está baseado nun libro escrito por Xavier P. do Campo.
A proxección comezará ás 19:00h, no centro sociocultural de Baio, e ao remate gozaremos de un pequeno debate con Carlos Amil Serantes (director da película) e Xosé Xoán Cabanas Cao (produtor de Vimbio Filmes). A película non puido ser estreada nos cines e por iso este grupo de grupo de alumnos/as -que participaron algúns deles na película- buscaron o xeito de poder facer realidade un dos seus soños: verse na gran pantalla.
A casa da luz quere convidar aos nenos e nenas - e tamén os que deixaron de selo- a unha viaxe na que descubran por medio da diversión, as emocións e a sorpresa que cada día podemos volver á casa máis sabios se conseguimos superar o medo ó descoñecido, que a amizade é máis indestrutible do que supoñiamos e que a solidariedade e a unión entre os pequenos pode vencer aos poderosos.
 
Agardámosvos!!!
 
Alumnado de Artes Escénicas e Xestión Cultural do IES Maximino Romero de Lema