Do 14 ao 20 de abril nove estudantes de 4º de ESO, alumnos e alumnas das seccións bilingües (inglés) do IES Laxeiro, participaron nunha estadía con familias e estudantes de Finlandia. A escola acolledora, Jynkänlahden koulu, atópase na cidade de Kuopio; alí os alumnos e alumnas viviron o día a día dos seus "hosts", tanto na escola como nas casas. Ademais da inmersión nas actividades lectivas, puideron coñecer de primeira man diversos aspectos da vida e cultura finesas, así como poñer a proba o seu inglés de maneira altamente satisfactoria. A hospitalidade e acollida por parte dos amigos fineses foi exquisita e entrañable, tanto do persoal da escola como das familias. Toda unha enriquecedora experiencia que terá a segunda parte no mes de outubro cando o IES Laxeiro e as familias dezás recibirán aos alumnos-as e profesores de Kuopio.

 Fotogalería

A Consellería de Cultura, Educación e Ordenación Universitaria convoca 682 prazas para realizar actividades de formación en linguas estranxeiras para o alumnado no ano 2016.

Prazo aberto do 29 de marzo ata o 28 de abril (ambos incluídos).

Aquí podedes consultar:

a) Orde da Convocatoria

b) Extracto da convocatoria

c) Cartel anunciador

d) Impreso da Solicitude

e) Guía para cubrir a solicitude

Máis información en http://www.edu.xunta.es/axudasle e nas oficinas do centro.

O venres 4 de marzo tivo lugar a entrega dos premios extraordinarios da ESO correspondentes ao alumnado que rematou no 2014-15 a ESO.

O noso centro conta con 2 alumnas premiadas: Sonia Varela García e Meryem Zerguit.

A ceremonia tivo lugar na Cidade da Cultura en Santiago de Compostela, onde outros 38 alumnos/as de toda Galicia, recolleron os diplomas de mans de diversas autoridades: o presidente da Xunta Alberto Núñez Feijoo, o conselleiro de educación Román Rodríguez González, do director xeral de educación Manuel Corredoira López e do director do noso centro Uxío Grande Sierra.

Estas alumnas forman parte dun listado de anteriores alumnos/as do noso centro, que tamén foron premiados:

Curso 2009-10: José Luis Peña

Curso 2010-11: Aurora Peña e Xiana Rielo

Curso 2011-12: Sandra Rodríguez

Curso 2012-13: Mª José Sanmartín, Mª José González, Rubén Carballude e Andrés Machado

Curso 2013-14: Jesús Angel Taín

Para tod@s un agarimoso saúdo.

[01/02/2016] O día 1 de febreiro comeza o plazo para a admisión do alumnado en centros docentes sostidos con fondos públicos para o curso 2016/2017.

Do 1 ao 15 de febreiro será o prazo para as reservas internas e de centros adscritos e do 1 ao 29 de marzo será o prazo de admisión para o alumnado que desexe cambiar de centro ou ir a un centro non adscrito.

En breve se publicará neste mesmo canle informativo o calendario de todo o proceso de admisión.

Información e documentación:

Orde do 12 de marzo de 2013 pola que se desenvolve o procedemento para a admisión do alumnado (DOG)

Anexo I: Reserva de praza interna (galego)

Anexo II: Formularios de admisión (galego)

A Consellaría de Educación, Cultura e O.U. ven ce convocar a proba de obtención da ESO  para maiores de 18 anos.

Períodos de inscricción:     1ª convocatoria: do 7 ao 18 de marzo

                                             2ª convocatoria: do 1 ao 8 de xullo

Datas da proba:                   1ª convocatoria: 27 de maio

                                              2ª convocatoria: 8 de setembro

Lugar: Nos que aparecen na Resolución da convocatoria( DOG do 28 de xaneiro)

Máis información no portal da xunta www.edu.xunta.es e na propia convocatoria do DOGA (Resolución DOG Xoves, 28 de Xaneiro de 2016)

Podedes descargar o impreso de solicitude Aquí 

A Consellaría de Educación, Cultura e O.U. ven ce convocar a proba de obtención de bacharelato para maiores de 20 anos.

Período de inscricción: do 18 de febreiro ao 3 de marzo

Data da proba: 22 de abril

Lugar: IES San Clemente de Santiago de Compostela

Máis información no portal da xunta www.edu.xunta.es e na propia convocatoria do DOGA (Resolución DOG Xoves, 28 de Xaneiro de 2016)

Podedes descargar o impreso de solicitude Aquì 

Durante o pasado mes de outubro o profesor de EF do IES Laxeiro, Xosé Manuel García, participou dunha estadía en Canadá, enmarcada no programa PIALE. O Programa Integral de Aprendizaxe de Linguas Estranxeiras comprende unha serie de itinerarios formativos para a mellora da competencia lingüística  e comunicativa do profesorado.
A súa participación consistiu na integración na vida escolar da Academia Beurling, unha high school situada en Verdún, un distrito da cidade quebequense de Montreal... ler máis

Pódese consultar as listaxes definitivas de admitidos no fondo solidario de libros de texto, así como os libros que lles foron asignados.

O reparto dos libros asignados levarase a cabo na Secretaría do noso centro a partires do día 16 de setembro.

Listaxe definitiva de admitidos.

O pasado fin de semana recibiamos con grande ledicia a nova do Premio da Crítica na categoría de narrativa en galego a Zapatillas rotas, a novela do compañeiro e profesor de Lingua e Literatura Galegas Xabier Quiroga, premio que xa obtivera en 2010 coa súa novela anterior, O cabo do mundo. Os Premios da Crítica, considerados entre os máis prestixiosos do estados español, leva distinguido en edicións anteriores, entre outros, a autores como Luz Pozo, Xohana Torres, Salvador García-Bodaño, Víctor Freixanes ou Manuel Rivas.
O portavoz do xurado, R. Nicolás, destacou  que “Zapatillas rotas é unha obra sobre a busca da identidade”, citando entre as calidades do texto “a mestría do autor na combinación de recursos narrativos, así como o tratamento da vellez cunha visión crítica e case cáustica, que tamén dá pé ao humorismo e o divertimento”.
Un recoñecemento que ven a confirmar a X. Quiroga como un dos nosos grandes narradores actuais. E, por suposto, un orgullo contar entre nós cunha persoa da valía, literaria e humana, de Xabier. Moitos parabéns!
Entrevista ao autor no Diaro Cultural da Radio Galega (min. 5.50 ao 12), xunto ao galardoado no apartado de poesía, Gonzalo Hermo.

[21/01/2015] Con data de hoxe veñen de publicarse as convocatorias de probas libres tanto para Bacharel como para a obtención do Graduado en Educación secundaria. Nos arquivos adxuntos tendes toda a información, recordando que tamén podedes acudir ao portal da xunta www.edu.xunta.es para máis consultas e modelos de probas de anos anteriores (Clic Aquí).

 - Aviso de probas libres da ESO

 - Aviso de probas libres para Bacharel

 - Convocatoria de Probas libres ESO

 - Convocatoria de Probas libres Bacharel

 - Impreso de inscripción probas libres ESO

 - Impreso probas libres Bacharel

 Para mais información ->  (Clic Aquí).