Orientación

Publicada a Circular 1/2021 da Secretaría Xeral de Educación e Formación Profesional, pola que se regulan para o curso

2020-2021 as probas de certificación das ensinanzas de idiomas de réxime especial.

NIVEIS E IDIOMAS:

A Consellería de Educación convocou as probas para a obtención dos certificados dos seguintes niveis:

• Básico A2: nos idiomas alemán, árabe, chinés, español como lingua estranxeira, francés, galego, inglés, italiano, portugués, ruso exaponés.

• Intermedio B1: nos idiomas alemán, árabe, chinés, español como lingua estranxeira, francés, galego, inglés, italiano, portugués, ruso e xaponés.

• Intermedio B2: nos idiomas alemán, árabe, español como lingua estranxeira, francés, galego, inglés, italiano, portugués e xaponés.

• Avanzado C1: nos idiomas alemán, francés, español como lingua estranxeira, galego, inglés, italiano e portugués.

• Avanzado C2: nos idiomas alemán, francés, galego, inglés, italiano e portugués.

REQUISITOS PARA PRESENTARSE:

• Cumprir alomenos 16 anos antes do 31 de decembro de 2021, naqueles idiomas cursados como primeira lingua estranxeira.

• Cumprir alomenos 14 anos antes do 31 de decembro de 2021, naqueles idiomas non cursados como primeira lingua estranxeira.

• O alumnado libre deberá pagar as taxas correspondentes.

• Consultar máis requisitos na Circular 1/2021.

MATRÍCULA NAS PROBAS:

A matrícula realizarase en liña, dende o enderezo seguinte: https://www.informaticacentros.com/xunta/

O prazo de matrícula vai do 10 ao 26 de marzo de 2021, ambos incluídos.

A aplicación web de matrícula permanecerá aberta ata as 12:00 do mediodía do 26 de marzo.


CALENDARIO DAS PROBAS

Meses de xuño e xullo. (Ver calendario no anexo VI da Circular 1/2021)

MÁIS INFORMACIÓN:

http://www.edu.xunta.gal/portal/node/33379

https://sites.google.com/site/escolacee/home

Recentemente levouse a cabo no IES, unha charla sobre "Identidade e orientación sexual" destinada ás familias e impartida por Noa Tilde, psicóloga dos Centros Quérote +.

Os obxectivos deste encontro, foron os seguintes:

• Dar a coñecer os Centros Quérote +
• Presentar a diversidade sexual como un feito inherente ao ser humano.
• Introducir os conceptos e as nocións básicas sobre identidade e orientación sexual.
• Analizar as fortalezas e as feblezas que temos para afrontar a realidade social da diversidade sexual.
• Coñecer estratexias básicas de afrontamento na familia en relación á educación sexual.

Moitas grazas a Noa, ás familias e profesorado asistente.

DIEGO, O PROTAGONISTA DO VÍDEO, ENFRÓNTASE A UNHA TAREFA COMPLEXA: FACER UN TRABALLO SOBRE AS CORES DAS FLORES.

Ola a todos/as,

Dende o IES Lamas de Castelo queremos anticipar a acollida do alumnado que o vindeiro curso comezará 1º ESO no noso centro, a través desta presentación virtual.

Con ela pretendemos achegarnos a vós e ás vosas familias dun xeito diferente aos cursos anteriores, por mor da situación sociosanitaria.

Esperamos que o vindeiro mes de setembro poidamos vernos de xeito presencial e aclarar tódalas vosas dúbidas.

Namentres, bo verán a todos/as!

Unha das actividades previstas para a semana cultural deste curso 2019-2020, que tivo que ser suspendida pola pandemia da Covid-19, era a charla do noso veciño de Muros Santiago Caamaño, na que ía relatar a súa experiencia como ludópata rehabilitado coa finalidade de sensibilizar a toda a comunidade educativa  contra estoutra pandemia.
Santi accedeu á nosa proposta de dirixir unhas palabras ás familias e alumnado do noso centro, as cales como el mesmo comenta, pretenden ter un carácter preventivo ante a nova situación que estamos a vivir.
Debemos lembrar que é moi importante extremar as medidas de prevención, especialmente en nenos/as e adolescentes ante o dano que pode provocar este tipo de ocio baseado na aposta de diñeiro e tan facilmente accesible vía online.

Moitísimas grazas Santi pola túa colaboración.
Esperamos contar contigo de xeito presencial, o vindeiro curso.

Desde o IES Lamas de Castelo tamén che enviamos moitos ánimos!