IES Lamas de Castelo |

Xornadas culturais 2024

Do 13 ao 16 de maio celebráronse as xornadas culturais do IES Lamas de Castelo, onde se levaron a cabo numerosas actividades dende os distintos departamentos.

Foi unha semana intensa pero moi produtiva!

BOLSAS DE ESTUDO MEC 24/25 - CONVOCATORIA XERAL

O prazo de presentación de solicitudes para as BOLSAS DE ESTUDOS MEC é do 19 de marzo de 2024 ás 9 horas ata o 10 de maio de 2024 ás 15 horas.

Dende o IES queremos ofrecer formacións para as familias. Buscamos dar resposta ás inquedanzas ou dúbidas sobre aspectos que poidan ser de utilidade cos vosos fillos e fillas. Só vos levará uns minutos cubrila e será de gran utilidade para planificar futuras actividades. Podedes acceder a ela nesta ligazón á enquisa anónima para as familias

Acreditación da competencia dixital do alumnado

O alumnado de 4º de ESO que titule obterá automaticamente o nivel de iniciación de Competencia Dixital. O alumnado de 4º de ESO tamén pode acreditar o nivel intermedio de Competencia Dixital realizando unha proba voluntaria e gratuita. Para realizar a proba é preciso que cubran o formulario de solicitude (Anexo IV da Resolución) e o entreguen na secretaría do centro antes do 15 de marzo ás 14:10.

A alumna/o debe responder nun tempo máximo de 90 minutos a un total de 60 preguntas referidas a cada unha das cinco áreas de dominio. Para superar a proba específica de nivel intermedio deberase responder correctamente a un 70% do total de preguntas, sendo necesario obter un mínimo do 60% de respostas correctas en cada unha das cinco áreas.

Poden consultar a información completa relativa á acreditación da competencia dixital do alumnado de 4º de ESO aquí.

Matrícula curso 2024/2025

O alumnado que reservou praza neste centro dende algún dos centros adscritos (CEIP Plurilingüe de Carnota ou CEIP do Pindo) ten praza asignada e non precisa realizar o proceso de admisión. O próximo trámite que teñen que facer as familias deste alumnado é formalizar a matrícula no mes de xuño, unha vez rematado o curso.

Para máis información consultar https://www.edu.xunta.gal/portal/node/42051