IES Lamas de Castelo |

8M 2023 - Biblioteca

8M 2023

O tema do #DIM2023: Innovación e tecnoloxía para a igualdade de xénero

Hoxe en día a presenza da tecnoloxía e do mundo dixital na vida cotiá é cada vez maior: pedir citas na Administración ou no sistema sanitario, xestionar moitas das operacións bancarias... Porén un 37% das mulleres do mundo non teñen acceso ás tecnoloxías.

Datos para a reflexión

Calcúlase que para o 2050, o 75% dos traballos estarán relacionados coas áreas STEM*. Porén, as mulleres hoxe ocupan apenas o 22% dos postos en intelixencia artificial, por mencionar tan só un sector, e o seu acceso ao mundo dixital é más limitado, particularmente en países en vías de desenvolvemento. (*Polas siglas en inglés de Ciencia-Tecnoloxía-Enxeñería e Matemática) Fonte: https://www.un.org/es/observances/womens-day

Seleccións das bibliotecarias (FR-LG-LC):

Na Internet:

Páxina da ONU do Día Internacional da Muller
8 mulleres que marcaron a historia da tecnoloxía
Selección de libros na nosa biblioteca:

8M Mulleres na literatura na “IES Lamas de Castelo”

Día de Rosalía 2023: Día da Poesía

Día da Poesía 2023: #cumpriuseaxustiza

Un ano máis celebramos o Día da Poesía e o Día de Rosalía no 23 de febreiro. Seguindo coa convocatoria da Asociación de Escritores e Escritoras en Lingua Galega (AELG) este ano poñemos o foco na xustiza ou na falta da mesma. O manifesto para esta ocasión foi redactado por Carme Adán e podedes lelo aquí.

Fixemos un recital no centro o xoves 23 febreiro a 3ª hora, no espazo entre a biblioteca e o ximnasio.

Logo, un pequeno grupo de 7 alumnas e alumnos, acompañados polas profesoras e bibliotecarias Mariluz (LG) e Renée (FR) asistiron e participaron no recital poético organizado polo Concello de Carnota no seu salón de plenos.

Entroido 2023

Aquí tedes os vídeos das actuacións e despois a galería de fotos.

Álbum: CURSO 2022/23 -> Entroido 2023

Fotos da visita a Cee

O 21 de decembro de 2022 o alumnado do noso IES foi de excursión a Cee. Vimos a película A todo tren 2 no cine. Despois os estudantes matriculados en Relixión visitaron o belén da Igrexa Santa María da Xunqueira onde estaba Román Rodríguez González, conselleiro de Educación. Mentres, o alumnado de Valores Éticos ou Proxecto Competencial visitou o museo Fundación Fernando Blanco de Lema.

Álbum: CURSO 2022/23 -> Excursión a Cee

Fotos da visita a Santiago de Compostela

O 28 de outubro de 2022 todo o alumnado foi de excursión a Santiago. Visitamos a catedral entrando pola porta Santa, o Gaiás, o Museo de Historia Natural, o Museo do Pobo Galego, vimos unha película en francés no IES Rosalía de Castro, comemos no centro comercial As Cancelas... Aquí poderás ver as fotos dese día.