A COMISIÓN AVALIADORA DO PROXECTO, FORMADA POR:
- A Directora, Mª Teresa Varela Abelenda
- A Vicedirectora, Patricia Iglesias Pereira.
- O Xefe de Estudos de Adultos, Andrés López Fontán.
- O Colaborador nos Proxectos Erasmus Plus, Emiliano Rivero Fuentes
- A Coordinadora do Proxecto, Mónica González Sánchez
Realiza a presente convocatoria para informar sobre as características da mobilidade que se oferta e o proceso de selección do alumnado de 2º curso de Formación Profesional do IES Eduardo Pondal, Ponteceso para facer a FCT nunha empresa ou institución europea.
TIPO DE MOBILIDADE:
Período de formación (FCT) nunha empresa ou institución europea.
REQUISITOS:
1º - Estar matriculado no IES Eduardo Pondal, Ponteceso, en 2º Curso de FP (Ciclos Medios).
2º - Ter todos os módulos aprobados no momento en que presenten a sua candidatura.
3º - Ter 17 anos cumpridos na data na que se desenvolva o proxecto.
4º - Comprometerse á participación en charlas informativas ou presentacións de futuros proxectos para á difusión da experiencia vivida, tanto dentro como fora do centro.
5º - Conceder a cesión dos seus datos e imaxe persoal para a difusión da participación no proxecto Erasmus.
6º - Presentar a solicitude en tempo e forma.
CRITERIOS DE SELECCIÓN:
1º - Informe do Equipo Docente, onde se valorará a actitude e a madurez do alumnado durante o curso: 50%.
2º - Valoración do Cuestionario da Solicitude presentada polo alumnado: 30%
3º- Asistencia a clase: o alumando que teña todas as faltas xustificadas acadará o 20% neste apartado. O alumando que teña entre 5 e 10 faltas sen xustificar acadará o 10%. O alumnado que teña hasta 15 faltas sen xustificar acadará o 5%.
No caso de empate, terá prioridade o alumnado que teña a nota media máis alta no primeiro curso.
COMENZO E DURACIÓN DAS MOBILIDADES:
A mobilidade farase entre marzo e xuño de 2019 e a súa duración será de dez días naturais, incluídos os días da viaxe.
PRAZO DE INSCRIPCIÓN:
O prazo para presentar a solicitude é de dúas semanas, contando a partir da data de publicación desta convocatoria. O formulario para a solicitude recollerase e poderase entregar á titora ou en Dirección.
RESOLUCIÓN E PUBLICACIÓN DA SELECCIÓN:
A Comisión Avaliadora realizará a selección dúas semanas despois do remate do prazo de inscipción e publicará a resolución na páxina web e no Aula Virtual do centro e no blog do proxecto, https://erasmusplus-ponteceso.blogspot.com.es/
MODELO SOLICITUDE