«Teño que agradecer o gran labor do instituto»

Alumnos da zona destacan a riqueza dos ríos nun congreso de educación ambiental

La Voz 29/5/2009 

Os alumnos do Agra de Leborís, IES Ponteceso e Maximino Romero de Lema destacaron a riqueza ambiental do río Grande e do Anllóns na súa intervención no congreso promovido polo Centro de Extensión Universitaria e Divulgación Ambiental de Galicia (Ceida), que se celebrou onte no paraninfo da universidade coruñesa. A Costa da Morte tivo unha boa representación, xa que xunto aos escolares que interviñeron como relatores se desprazaron ao redor de 80 alumnos dos tres institutos. Os laracheses mostraron aos asistentes ao foro a variedade de flora e fauna intentando concienciar sobre a importancia do coidado e conservación do Anllóns. Os de Ponteceso fixeron fincapé na variedade ornitológica coa que conta este espazo. 

Todo chega, e como non, tamén, as despedidas, que son realmente benvidas a outras etapas da vida... 

 A todos aqueles e aquelas que conseguiron superar con éxito as súas previsións e que agora, (quedan as probas de acceso á universidade, pero seguramente as superen co mesmo éxito que superaron o bacharelato) afrontan novos desafíos académicos, naraboa e transmitir o noso desexo de que as súas traxectorias sigan sendo frutíferas no académico e tamén no persoal. A ledicia que supón que os nosos alumnos e alumnas vaian conseguindo os seus obxectivos académicos e que en moitos casos o fagan con brillantez, se une a pequena tristeza da despedida. Toda a comunidade educativa do IES Ponteceso quere o mellor para o voso futuro como así o intentou para o voso presente. A enfiar os novos retos e que esa aventura sexa próspera, completa e feliz.

Unha aperta a todos e a todas.