Despois de moito traballo por parte do equipo de internacionalización do IES Eduardo Pondal e en especial da súa coordinadora, Silvia Candia, o noso centro vén de conseguir a Acreditación Erasmus en Educación Escolar (KA-120 SCH) para mobilidades do alumnado da ESO e do Bacharelato ata o 2027. 

Esta acreditación súmase á Acreditación Erasmus en Formación Profesional (KA-120 VET) que xa tiñamos, polo que todo o noso alumnado e profesorado poderá beneficiarse dos proxectos de internacionalización. Unha magnífica oportunidade para ampliar os horizontes da nosa comunidade educativa.

Erasmus+ é un programa da Unión Europea con case 40 anos de existencia que apoia a educación, a formación, a xuventude e o deporte en Europa. 

O luns 9 de outubro comezou cunha charla na biblioteca do centro para o alumnado dos ciclos de Atención a persoas en situación de dependencia e de Electromecánica de vehículos automóbiles sobre as posibilidades de realizar este curso o periodo de prácticas 

O alumnado participante o curso pasado, relatou as súas experiencias tanto a nivel profesional e de formación como a nivel relacional e de ocio, a cal delas máis produtiva.

O mércores 11 continuouse co relato sobre as experiencias ERASMUS+, neste caso para profesorado e para o alumnado dos primeiros cursos dos ciclos de Formación Profesional.

Así mesmo, inaugurouse un espazo ERASMUS+ na biblioteca, que nace coa idea de que o noso alumnado poda atopar recursos de interese para as súas viaxes e experiencias: guías de viaxe, dicionarios, guías de conversa, e recursos dos países onde vaian realizar as súas viaxes.

Aquí tedes toda a información sobre os certames literarios (e xa van 8 anos) que organizamos no noso centro, tanto o de Creación Literaria para alumnos de Ponteceso, como o Eduardo Pondal de Poesía para alumnado de toda Galicia.

Veña, a escribir XA!

VIII Certame de Creación Literaria do IES de Ponteceso

VIII Premio de Poesía Eduardo Pondal para alumnos de ESO e Bac

Outro ano máis no que convocamos os nosos certames literarios: o certame de creación literaria para calquera estudante do noso centro, no que poderán participar nas categorías de relato curso ou poesía, e o VII Certame de Poesía Eduardo Pondal, para alumnos de Secundaria e Bacharelato, coa novidade nesta edición de que está aberto a estudantes de calquera centro público de Galicia.

Nos seguintes enlaces atoparedes as bases de ámbolos dous concursos.

Animádevos a participar e moita sorte!

VII CERTAME DE CREACIÓN LITERARIA do IES de PONTECESO

VII PREMIO DE POESÍA EDUARDO PONDAL