Informamos ás familias de que non temos aínda resposta do Servicio de transporte escolar da Delegación da Coruña sobre a proposta de organización das rutas que presentamos no mes de xullo. Unicamente nos deixaron clara a necesidade de suprimir a parada de Bertamiráns, por non ser alumnado da zona escolar de Brión e estar xa o transporte saturado co desta zona escolar. Polo demais, ata que teñamos unha resposta, as rutas mantéñense como o curso pasado.

Nesta situación e á espera de resposta, temos que facer as seguintes aclaracións:

-Non se fará a parada de Bertamiráns

-Terán transporte escolar asegurado:

     -Todo o alumnado usuario lexítimo (de ESO, da zona escolar de Brión e que vive a máis de 2 km)

     -Todo o alumnado de ESO que vive entre 1 e 2 km.

     -O alumnado de 1º de ESO que vive a menos de 1 km (o que solicitara a parada de Río Pego),                collendo o autobús na parada da Gardería.

     O resto do alumnado que solicitou transporte só poderá utilizalo se quedan prazas libres.

Recordámoslles que a Empresa Ferrín, que pasa por Bertamiráns e Os Ánxeles, fai parada no instituto sobre as 8,20 h e de volta pode recoller ao alumnado na parada que hai perto do Centro social ás 14,40 h

Por outra parte, no contexto de Pandemia no que estamos, facemos un chamamento a todo o alumnado que poida vir andando ou en Bici para que o faga, habilitaremos aparcadoiro adecuado.