DATAS DE MATRÍCULA PARA O CURSO 2024/25
1º ESO: 27 e 28 de xuño
2º ESO: 5 de xullo
3º ESO: 4 de xullo
4º ESO: 2 e 3 de xullo
1º BACH: 1 e 2 de xullo
De non poder presentar a matrícula nos días indicados, poderase presentar calquer día do 26 de xuño ao 5 de xullo en horario de 9 a 14.

Documentación e impresos     PDF 

Extraescolares outros cursos

ACTUACIÓN DE QUICO CADAVAL

 

 

O xoves, 31 de marzo, tivemos no centro a actuación de Quico Cadaval, gran contador de historias e profesional do mundo do teatro  para o alumnado de 1º e 2º de Bach e para 3º ESO A e B.

 

Á actuación tamén asistiu a alcaldesa acompañada doutros membros da corporación municipal. A actividade foi organizada polas Equipas de Normalización de As Barxas e do Paralaia e o Concello de Moaña.
Sempre con moito humor descubriunos os valores negativos que se agochan nos contos infantis máis tradicionais e a continuación relatou unha historia, de terror e amor a un tempo, cun final moi misterioso. O alumnado gozou coa vivacidade coa que empregou o galego o noso convidado. Posteriormente alumnos do proxecto Erasmus + realizáronlle unha entrevista.

 

 

 

 

8 DE MARZO, DÍA INTERNACIONAL DA MULLER

 

 

Con motivo da celebración do día internacional da muller, no noso centro temos unha exposición de frases referentes a esta data, así como a posibilidade de visualizar hologramas adicados a Maruja Mallo e feitos polos alumnos de plástica, guiados pola nosa compañeira Luz Beloso.

 

E para completar esta celebración, aquí vos deixamos un poema doutra compañeira, Iria Collazo:

 

Es as veas do río e seu o asombro reflectido das pólas que demoucas. Es o verde que procura a túa auga para nacer. Es o óleo de sangue callado na cunca das mans, en liñas humildes que marcan o destino do noso alimento. Es a mañá eterna en que te ergues e o labirinto poboado de bestas antigas en que procuras o camiño á escola. Es o liño en que mallas. Es a cor da derrota. Es a rede en que es presa. Es a la que te ispe. Es o insecto que tornas. Es a cova en que te agochas. E es a orixe do riso, a lingua que di os contos, a discreción do pranto, a dignidade na sombra. O tronco de todos os carballos. Os ósos. O van. Es unha muller. Es eu. Es nós.
 

 

 

UNHA SEMANA ADICADA AO MAR

 

 

 

Con motivo de adicar unha semana ao MAR, durante estos dias temos unha exposición de Gerardo Fernández, que leva por título ‘Pescando a lapis’, e que está formada por varias láminas de especies das capturas de baixura e artesanais de Galicia e que se verá completada, o luns 22, coa charla do doutor e investigador do CSIC de Vigo, Alexandre Alonso Fernández, que falará sobre as pesquerías artesanais de Galicia.

Ademáis, o venres 19, teremos unha charla titulada "Da pesca ás traiñas" , na que intervirán Victor Gallego de Mardefondo producion e Henrique Gil, veterán remeiro. Tamén ese día, os alumnos de 1ºESO  visitarán o Instituto Español de Oceanografía, situado en Cabo Estai.

 

 

 

Homenaxe a Rosalía de Castro

 

 

O pasado mércores 24 de febreiro, dia que conmemoramos o nacemento de Rosalía de Castro, o noso centro, e aproveitando a hora de lectura dese mesmo día, participou na difusión nas redes sociais "mobilizarosalia" cunha estrofa dun poema da escritora, ademais de visionar varias curtas feitas polo noso alumnado e que teñen a Rosalía como protagonista.

Tamén o noso centro, representado polas alumnas María Piñeiro e Lucía Parcero, participou en Cangas nun acto de homenaxe coa marabillosa lectura que fixeron dos seus poemas.

 

 

 

ENTROIDO NAS BARXAS

 

 

O pasado venres, 5 de febreiro, celebramos nas Barxas o festival do entroido. Durante a mañá poidemos degustar diferentes postres típicos destas datas que fixeron os alumnos de 4º ESO para recadar fondos para a súa viaxe de fin de curso. E por suposto, tivemos as actuacións das comparsas de practicamente dodos os cursos, incluida tamén a comparsa dos profes.

Os gañadores das diferentes categorías foron 1º ESO A, 4ª ESO C e 1º BACH. B.

 

 

 

Distribuir contido