Educación Infantil, Educación Primaria, Equipos de centro, Act. Complementarias, ENDL, TICs, Proxecto Lector

O venres 14 de maio celebramos nas escolas o festival das Letras Galegas. Como podedes ver gozamos dunha maña moi diferente e divertida.

As nenas e nenos fixeron unha exposición no exterior das escolas en homenaxe a Xela Arias, cos traballos realizados ao longo de toda a semana.

A continuación non paramos de bailar e cantar no marabilloso concerto de Pakolas. Vaia forma de mover o esquelete a ritmo de rock!!

Paramos un pouco a repoñer forzas cunha boa merenda.

E para rematar gozamos un bo rato con xogos populares e tradicionais: os birlos, carreiras de sacos, zancos, as lorchas, torres de mazarocas, circuito de chapas, os trompos, o pedal...

A semana anterior ao 24 de febreiro, día de Rosalía de Castro, comezamos a traballar nas aulas sobre a gran poetisa galega.

Este ano escollimos o poema "Parece unha rosa", e despois de falar cos nenos e nenas sobre Rosalía e sobre este poema, levamos a cabo diferentes propostas de aprendizaxe moi interesantes e divertidas.

Mirade, mirade todo o que aprendimos!!

        Caricaturas chistosas de Rosalía                    Pintura con acuarela

                    A cara de Rosalía                                    Rosas na luz

          Rimas co nome                                         Robótica 

               Flores co tangram                              Facemos unha rosa?

           Experimento con rosas                      Lavar unha meniña ou meniño

                Vocabulario do poema                 Composicións conxuntas de Rosalía

            Murmurador de poesía                           Flores con plastilina

Chegou o día de Rosalía e o celebramos facendo unha gran búsqueda do tesouro.

No patio tíñamos que atopar unha serie de pezas que, todas xuntas formaban un quebracabezas coa cara de Rosalía de Castro. Para atopar as diferentes pezas tíñamos pistas a través de códigos QR.

Non podedes imaxinar o divertido que foi, os nenos e nenas non se cansaron de correr e buscar ata conseguilo, realizando un gran traballo en equipo.

E como non podía ser doutra maneira ao final conseguiron un agasallo. Parabens!!!