Skip to Content

COMENTARIOS

CALENDARIO

« Marzo 2024 »
LunMarMérXovVenSábDom
123
45678910
11121314151617
18192021222324
25262728293031

PRÓXIMAMENTE

  • No upcoming events available

Educación Infantil, Educación Primaria, Equipos de centro, Act. Complementarias, ENDL, TICs, Proxecto Lector

Imaxe de AnaFernandez

ENTROIDO

Chegou a festa do Entroido, tan esperada por todas as nenas e nenos!! 

O primeiro foi descubrir ao meco deste ano que foi... Rosalía de Castro!! A nosa escritora, a través da páxina web, todos os días contábanos o que tíñamos que traer ao día seguinte: unhas flores, un pano no pescozo, que se os ollos pintados, unha saia... Foi moi divertido e ao final, o xoves todos viñemos ao cole disfrazados de Rosalía de Castro. E ademais celebramos o seu día.

Durante toda a semana, nas aulas traballaron diferentes cousiñas relacionadas co entroido en Galicia a través de obradoiros de máscaras típicas e tradicionais, lecturas e contos de entroido, recuncho de disfraces e diferentes propostas de aprendizaxe: elaboración de gorros típicos, debuxos de personaxes de entroido (peliqueiros, cigarróns...), asociación de tarxetas, robótica, obradoiros de arte...

 

E para rematar a semana, o venres celebramos en cada unha das escolas a festa do Entroido. 

Todas e todos chegaron disfrazados do que mais lles gustaba, estaban ben fermosiñas e fermosiños e  moi felices.

Ao longo da maña fixemos diferentes actividades como pasarrúas pola parroquia, festa da fariña, instalación artística de xogo, photocall, bailes...

Tamén merendamos pan de ovo, orellas, rosquillas...típicos doces de entroido.

Pasamos unha xornada moi divertida!!

 

QUE VIVA O ENTROIDO!!!

Imaxe de AnaFernandez

ROSALÍA DE CASTRO

Durante a semana de Rosalía de Castro nas aulas levaron a cabo diferentes propostas de traballo relacionadas coa escritora galega. Fixeron quebracabezas, escritura con tinta, disfrazaron a Rosalía, robótica... Aprenderon moitas cousiñas.

Ademais, este ano a semana de Rosalía de Castro coincidiu coa semana do Entroido, así que o noso meco virtual foi a propia escritora. Que se o luns unhas flores na cabeza, un pano no pescozo o martes, unha saia... e así ata que o xoves todas e todos vimos ao cole disfrazados de Rosalía. 

Durante a semana traballamos nas aulas varios dos seus poemas, e as nenas e nenos realizaron uns fermosos dípticos para unha actividade a realizar o xoves.

Ese xoves, coincidindo co seu día realizamos a actividade: POEMAS VIAXEIROS.

Saímos de paseo polas parroquias vestidos de Rosalía a deixar os dípticos en diferentes lugares (parque, igrexia, porta dunha casa, buzón...). O obxectivo era que as veciñas e os veciños atopasen os poemas, gozasen coa súa lectura e o volveran a deixar noutro lugar diferente para continuar a cadena.

Ata a panadeira regaloulles unha barra de pan por un poema!! Foi unha experiencia e vivencia marabillosa.

Cada poema ten un código QR co poema cantado e un email para que a persoa que o atope poida escribirnos contándonos a súa experiencia, onde o atopou, sensacións coa súa lectura, onde o deixou... e mandarnos algunha foto.

Xa estamos a recibir as primeiras contestacións e fotos desde diversos lugares: a biblioteca Rego da Balsa, o concello, institutos, cole de Arteixo, veciños... 

 

A rapazada está emocionadísima, todos os días chegan ao cole preguntando!!! Foi unha experiencia moi linda e unha boa aprendizaxe.

 

Imaxe de teresa

MECO: MANDADIÑO VENRES

MANDADIÑO VENRES

Imaxe de teresa

MECO: MANDADIÑO XOVES

MANDADIÑO XOVES

Imaxe de teresa

MECO: MANDADIÑO MÉRCORES

MANDADIÑO MÉRCORES

Distribuir contido


by Dr. Radut