FESTIVAL DAS LETRAS GALEGAS

O venres 14 de maio celebramos nas escolas o festival das Letras Galegas. Como podedes ver gozamos dunha maña moi diferente e divertida.

As nenas e nenos fixeron unha exposición no exterior das escolas en homenaxe a Xela Arias, cos traballos realizados ao longo de toda a semana.

A continuación non paramos de bailar e cantar no marabilloso concerto de Pakolas. Vaia forma de mover o esquelete a ritmo de rock!!

Paramos un pouco a repoñer forzas cunha boa merenda.

E para rematar gozamos un bo rato con xogos populares e tradicionais: os birlos, carreiras de sacos, zancos, as lorchas, torres de mazarocas, circuito de chapas, os trompos, o pedal...