Skip to Content

RELACIÓN LIBROS DE TEXTO CURSO 2024-2025

Xov, 13/06/2024 - 23:28 — directora

Nos seguintes adxuntos podedes consultar a Relación de Libros de Texto e outros materiais para o vindeiro curso escolar 2024-2025.

PROCESO ADMISIÓN PARA ALUMNADO DE NOVA INCORPORACIÓN OU PROCEDENTE DOUTRO CENTRO 2024/25

Lun, 08/04/2024 - 22:54 — directora

Tedes á vosa disposición no taboleiro do centro as listaxes DEFINITIVAS do alumnado admitido no noso centro para o curso 24/25. Puidemos colgalas antes da data prevista porque non foi necesario baremar ningunha instancia, xa que todo o alumnado que o solicitou foi admitido.

A continuación proporcionamos toda a información para a formalización de matrícula de todo o alumnado. 

*OS IMPRESOS DE MATRÍCULA  e AUTODECLARACIÓN DO COMEDOR XA ESTÁN DISPOÑIBLES:

IMPRESOS MATRÍCULA INFANTIL E PRIMARIA 24-25

IMPRESOS MATRÍCULA 1º ESO 24-25

IMPRESOS MATRÍCULA 2º ESO 24-25

IMPRESOS MATRÍCULA 3º ESO 24-25

IMPRESOS MATRÍCULA 4º ESO 24-25

AUTODECLARACIÓN COMEDOR 24-25

 

Xaora mil primaveras máis

Xov, 13/06/2024 - 23:36 — admin

Como colofón ao mes das letras, o Equipo de dinamización da lingua galega-EDLG, da man do dpto de Plástica-EPVA, lanzamos este vídeo para concienciar da importancia de non deixar que a nosa lingua morra e da necesidade de transmitila e usala, sobre todo por parte das persoas que son o seu futuro: o noso alumnado.

Xaora mil primaveras máis!

Agradecemos a colaboración do alumnado, da exallumna Ángela Arnosa, do profesorado e de Carmen Bouza, Carmen Couce, Cruz Piñón, de " teño unha horta en San Sadurniño "

Dálle á imaxe para velo!

 

Tamén podedes ver esta outra versión máis longa!

FALADOIROS 2024

Xov, 13/06/2024 - 18:20 — EDLG

De novo, tras a boa acollida no curso pasado, buscamos crear un espazo confortábel para que o alumnado use a nosa lingua e reforzalo cun encontro de persoas de diferentes xeracións, neste caso ligadas ao colexio e aproveitando os 50 anos do noso centro.

Esta proposta xurdiu o curso pasado dentro dunha colaboración do Equipo de dinamización da lingua galega- EDLG do CPI con Amparo Calvo e o Concello de San Sadurniño. Recollemos a idea da definición de faladoiro como espazo para contar, conversar en galego... situándonos fisicamente en pequenos grupos sentados arredor dunha mesa...

Alumnado da ESO, de 4º de Primaria e de 4º de E. Infantil puido conversar con ex alumnado, ex profesorado do centro e comparar diferentes aspectos da vida escolar no pasado coa situación actual.

As actuacións do grupo de alumnado “Ferreñas club” e de Diego de Braelle enriqueceron o acto xunto co chocolate ofrecido polo Concello.

Expresamos un sentido agradecemento cara ás persoas que colaboraron desinteresadamente nesta actividade e ao tempo fixérona posible:

Amparo Calvo, Manolo Seco, Anabel (biblioteca San Sadurniño), Ana Rico, Mª José Pouso, Emilia García.

Juan Ramil, Antonio Bello, Xosé Pantín, Xesús Breijo.

Manolo López V., Ángela Arnosa, Bieito Beceiro, Iria Grandal, Araceli Graña, Salomé Mouriz,

Profesorado: Carmela Franco, Vanesa Prado, Yolanda Reimonde, Mónica Pouso, Fernando García, Uxío Leira.

ANPA do CPI San Sadurniño

Concello de San Sadurniño


Dende o EDLG seguiremos buscando crear situacións para favorecer que a nosa lingua siga viva!

Pinchando na imaxe pódense ver as fotografías da xornada

Nova recollida na Voz de Galicia do 11 de maio:

https://www.lavozdegalicia.es/noticia/ferrol/san-sadurnino/2024/05/11/span-langglencontros-falar-galego-cpi-san-sadurninospan/0003_202405F11C9996.htm

 

HORTA ESCOLAR E COMPOSTAXE no curso 2023-2024

Mér, 12/06/2024 - 21:02 — EDLG

 HORTA ESCOLAR E COMPOSTAXE no curso 2023-2024

Continuamos avanzando e ampliando a nosa horta escolar e o noso programa de compostaxe, que xa forman parte da vida escolar e desenvólvense sendo todo un exemplo de traballo en equipo por parte do alumnado da ESO, Primaria e Infantil, do profesorado, persoal de cociña e conserxería e conseguindo puntualmente a participación das familias, Concello e establecementos comerciais da zona.

Desenvolvemos o CPinnova e dentro do PFPP un curso e un grupo de traballo sobre o tema

Agradecemos a colaboración ás seguintes entidades e persoas:

  • Cruz Piñón, Carmen Couce e Carmen Bouza de “teño unha horta en San Sadurniño”

  • Ás persoas relatoras nas actividades de formación: Emilio R. Fabal, Ángel Lorenzo e Xan Pouliquen

  • Concello de San Sadurniño

  • Dzine

  • Atrium

  • Café del Palacio

  • Familias que colaboraron con achegas de sementes para o horta

  • Misión biolóxica de Galicia-CSIC, que nos facilitou sementes autóctonas

 

Xuntamos un resumo en imaxes:

Curso de estruturas para a compostaxe:

https://drive.google.com/file/d/1y5GknvaYlb6cjBF8Rk_XC_c5q_KdwgL0/view?usp=sharing

Compostaxe e horta escolar:

https://drive.google.com/file/d/1byA0aywZuygTXJzc3mAdoBxxOtyzYEuw/view?usp=sharing

 

 

ESTAMOS DE CELEBRACIÓN: 50 Aniversario do CPI de San Sadurniño

Dom, 09/06/2024 - 19:04 — directora

50 Anos de Escola Pública…

50 Anos de Ensinanza…

50 Anos de Aprendizaxes…

50 Anos sendo unha Comunidade Educativa…

 

Unha escola que foi evolucionando e cambiando cos tempos, adaptándose, innovando, creando e formando diferentes xeneracións, como non podía ser doutro xeito.

O sábado 8 de xuño de 2024 foi un día especial no que familias, alumnado, docentes e persoal non docente compartimos momentos celebrando os 50 Anos do CPI de San Sadurniño. Unha celebración que foi posible grazas a TOD@S os que asistimos, un evento cheo de emocións e amenizado coa música do grupo “3D Band” e o DJ “Sebas”, que contou coa colaboración da comisión organizadora do CPI, profesorado implicado, ANPA e Concello.

Destacar e agradecer, entre outros, a presenza da primeira conserxe  que inauguró o noso cole aló polo 1974, Marina que anos despois lle pasou o testigo ao noso actual conserxe Juanjo.

                                                  GRAZAS por este día!!!

          Clica no ENLACE e escoita.                              Clica na imaxe e desfruta.

 

I Xornada ABX no CPI de San Sadurniño

Dom, 02/06/2024 - 15:31 — directora

O pasado 28 de maio foi o Día Internacional do Xogo e dende o cole o alumnado de EI e EP quixemos festexalo levando a cabo a 1ª edición das Xornadas de Aprendizaxe Baseado no Xogo (ABX). Foi un día no que o alumnado de diferentes idades colaborou e xogou unido, amosándonos a todos e todas os grandes beneficios de aprender xogando.

Clica no cartel e desfruta connosco.

CONVOCATORIA PARA A PARTICIPACIÓN NO FONDO SOLIDARIO DE LIBROS DE TEXTOS E AXUDAS PARA ADQUIRIR LIBROS DE TEXTO E MATERIAL ESCOLAR PARA O CURSO 2024/25

Xov, 23/05/2024 - 10:28 — directora

A Orde do 7 de maio de 2024 convoca estas axudas destinadas ao alumnado matriculado en educación primaria, educación secundaria obrigatoria e educación especial para o curso 2024/25 (código de procedemento ED330B) ( Diario Oficial de Galicia do 20.05.2024).

O alumnado dos cursos incluídos en E-DIXGAL (ESO, 5º e 6º de EP) queda excluído da participación no fondo solidario de libros de texto e nas axudas para adquirir libros de texto, non obstante, terá dereito á axuda para adquirir material escolar.

Prazo de presentación das solicitudes: do 21 de maio ao 21 de xuño de 2024, ambos inclusive.

As solicitudes presentaranse preferiblemente dende a SEDE electrónica: https://sede.xunta.gal/detalleprocedementocodtram=ED330B&ano=2023&numpub=1&lang=es

Tamén poden presentarse de maneira presencial no centro. Neste caso as familias que teñan máis dun fillo poderán presentar unha única solicitude.

Podedes descargar a solicitude clicando neste enlace:

https://sede.xunta.gal/doc-invia/rest/anexos/231121791

 

Conmemoramos o día das Letras Galegas 2024.

Mar, 14/05/2024 - 23:44 — directora

 

A través da curtametraxe "Arpexio da Luz" realizado polo alumnado de 4° ESO coa colaboración do EDLG, do profesorado e alumnado de Infantil, Primaria e Secundaria achegámonos ao mundo poético de Luísa Villalta, a homenaxeada deste ano 2024.

Clica na imaxe para ver a curtametraxe.

 

Triste Nova

Sáb, 11/05/2024 - 16:54 — directora

Estimada comunidade educativa: sentimos comunicar o falecemento de A.C.B. compañeiro do noso alumnado no equipo de  volei Club Aldebarán.

Dende o departamento de Orientación e o Equipo Directivo, ante esta triste nova, acompañaremos ao nosoalumnado e a toda a comunidade educativa no proceso desta dó.

Solicitamos a vosa colaboración neste proceso tendo en conta as seguintes recomendacións:

- Respectar a dor da familia tratando a información de xeito coidadoso.

- Respectar e acompañarnos nas diferentes fases do dó.

Dende o centro educativo estamos a traballar para atender as necesidades dos vosos fillos e fillas.

Como ven sendo habitual estamos á vosa disposición. Un cordial saúdo

O Equipo Directivo

Distribuir contido


by Dr. Radut