Novas

Ponse en coñecemento da Comunidade Educativa a publicación das novas Normas de Organización e Funcionamento do Centro avaliadas polo Claustro de mestres/as e polo Consello Escolar e aprobadas polo Director do colexio.

Como concreción do Plan de Convivencia do centro, trátase dun documento esencial para organizar a vida escolar, de obrigado coñecemento e aplicación por parte de todos os membros da comunidade educativa do CEIP Virxe do Corpiño (alumnado, mestres/as, persoal non docente, nais e pais).

Para consultar o documento faga click AQUÍ

Desde o minuto 0 traballamos por un Virxe do Corpiño que marque as diferenzas na educación en competencias dixitais. Hoxe demos un paso de xigante, xa que fomos seleccionados para participar no Proxecto “Digicraft”, impulsado por Vodafone España xunto coa Consellería de Educación.

Digicraft deixará aos nosos alumnos/as coa boca aberta e espertará de forma natural o seu interese pola tecnoloxía e o mundo dixital: traballaremos os contidos do currículo a través do deseño de videoxogos, escape room virtual, realidade aumentada, realidade virtual, creación dun avatar en 3 Dimensións…e moito máis.

Estimadas familias:

O xoves día 19 de setembro, o titor do seu fillo/a terá unha reunión con vostedes para falar de diversos temas escolares de interés. A reunión terá lugar ás 16:00 horas na aula de primeiro e segundo, situada na primeira planta do centro.

Dada a importancia que ten o labor conxunto para a educación, esperamos que acudan a esta convocatoria.

             Reciban un cordial saúdo.              

             O Director