Skip to Content

Novas

AXUDAS DE LIBROS DE TEXTO E MATERIAL ESCOLAR - CURSO 2021/2022

A Consellería de Educación vén de publicar a ORDE do 6 de maio de 2021 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos, para o curso escolar 2021/22 (código de procedemento ED330B).

Elaboramos un pequeno resumo das instruccións a seguir. Para consultalo fai click AQUÍ

O CENTRO RESULTA SELECCIONADO PARA DESENVOLVER O PROGRAMA EDIXGAL

O CEIP Virxe do Corpiño resulta seleccionado para implementar o Proxecto de Educación Dixital (EDixgal) a partir do vindeiro curso 2021/2022.

·  O alumnado de quinto e sexto de primaria cursará todas as materias en modalidade dixital, sen empregar libros en papel.

·  Para iso, as aulas serán dotadas con encerados dixitais interactivos e cada alumno/a recibirá un ordenador portátil para o seu emprego na aula e na casa durante todo o curso.

·  As nosas familias veranse beneficiadas cunha maior alfabetización dixital na súa contorna próxima ademais dos aforros en custos nos materiais educativos.

·  Novo paso adiante do noso centro en materia de innovación educativa cunha incorporación decidida das novas tecnoloxías ao proceso de ensino e aprendizaxe.

LISTA PROVISIONAL DE ALUMNADO ADMITIDO PARA O CURSO 2021/2022

Publicada a LISTA PROVISIONAL DE ALUMNADO ADMITIDO PARA O CURSO 2020/2021 no taboleiro interior de anuncios do colexio. De acordo coas Instrucións da Dirección Xeral de Centros e Recursos Humanos sobre o Proceso de Admisión do Alumnado, e coa Lei de Protección de Datos, non podemos publicar nin trasladar información desta lista a través doutro medio.

 

A información sí chegará ás familias interesadas a través do medio que marcaron na solicitude para a recepción da resolución (electrónico ou postal).

 

Dada a incomodidade que a consulta presencial pode ocasionar para as familias, máis na situación de Alerta Sanitaria por COVID-19, querémosvos trasladar que a totalidade do alumnado que presentou solicitude de admisión no noso centro está admitido provisionalmente.

MATRÍCULA 2021/2022

 

Horario de Atención ao Público

Luns a venres: 09:30 – 16:00

 

ADMISIÓN ALUMNADO | Curso 2021/2022

 

CALENDARIO

Do 1 de marzo

ao 22 de marzo

 

Presentación de Solicitudes de Admisión

Modelo ED550B

23 de abril

 

Publicación da Lista Provisional

Do 26 de abril

ao 3 de maio

 

Presentación de reclamacións á Lista Provisional

14 de maio

 

Publicación da Lista Definitiva

Do 21 de xuño

ao 30 de xuño

 

Formalización da Matrícula

 




MÉTODOS DE PRESENTACIÓN DAS SOLICITUDES

Papel

 

·    

Impreso ED550B

·    

Anexo II (Comprobación de datos)

·    

Libro de Familia ou DNI

Aplicación

Admisión Alumnado

 

https://www.edu.xunta.es/admisionalumnado/

 

Sede Electrónica

Xunta de Galicia

https://sede.xunta.gal/detalle-procedemento?codtram=ED550B

COMO PODEMOS ACCEDER Á AULA VIRTUAL DO COLE?

O equipo TIC do noso cole elaborou este pequeno titorial de acceso á nosa aula virtual. Agardamos que sexa o máis proveitoso para todos e todas!

 

CALENDARIO ESCOLAR 2020/2021

Pódese descargar o calendario escolar correspondente ao presente curso 2020/2021 premendo --> AQUÍ

MAGOSTO 2020

Este vindeiro venres día 6 de novembro celebraremos na escola a festa do outono por antonomasia: O Magosto.

Será unha xornada na que os nenos/as disfrutarán de xogos populares, e do tradicional magosto que, por motivos de seguridade, realizaremos separados en grupos de convivencia estable.

Pedimos a vosa colaboración para que cada neno/a achegue antes do venres unha bolsiña cun puñado de castañas xa picadas.

Moitas grazas, unha vez máis, pola vosa axuda.

SAMAÍN 2020

 

Estimadas familias: 

Como sabedes, achégase a festa máis terrorífica do ano: o Samaín. No colexio xa estamos comezando cos preparativos e precisamos da vosa inestimable colaboración. 

Para axudarnos coa ambientación propoñémosvos unha actividade para realizar en familia: decorar unha cabaza e que os nenos/a a traigan ao cole ao longo da semana próxima. A cabaza máis orixinal de cada clase levará un premio. 

A celebración do Samaín no colexio terá lugar o vindeiro venres día 30 de outubro. Ese día os nenos/as que o desexen, poderán vir caracterizados ao colexio con disfraces relativos ao Samaín.

Durante ese día, levaremos a cabo diferentes talleres, funcionando en grupos burbulla e coas mesmas medidas establecidas no protocolo de adaptación ao COVID-19: cociña terrorífica, manualidades de Samaín, contos de medo, Teatro do terror...

MODELO DE AUTODECLARACIÓN PARA USUARIOS DE COMEDOR ESCOLAR

Como se fixo público na web do centro no pasado mes de xullo, de conformidade co previsto no artigo 14 do Decreto 132/2013 as familias dos comensais admitidos no comedor terán que cubrir en todos os seus extremos o modelo impreso de autodeclaración de prezos públicos; autodeclaración que tiña que ser entregada no centro  entre o 1/09/2020 e o 10/09/2020

Vencido o prazo de entrega, rogamos que todos/as aqueles pais e nais de alumnado usuario de comedor escolar durante o presente curso 2020/2021 que fixeran a declaración da Renda do ano 2019 envíen ao centro á maior brevidade posible, se non o fixeron aínda, o MODELO DE AUTODECLARACIÓN E ESPECIFICACIÓNS cuberto e asinado.

De non facelo, o seu fillo/a perdería a condición de usuario/a do comedor escolar.

 

 

HORARIO DE DOBRE SESIÓN

Mañá xoves día 1 de outubro comezaremos a funcionar co horario de dobre sesión, do seguinte xeito:

09:30 - 13:30: Clases de mañá.

13:30 - 15:00: Comedor.

15:00 - 16:00: Clase de tarde.

Recordamos que, aínda que este é o horario oficial aprobado para o centro, debido á situación excepcional que nos atinxe, as entradas no entorno das 09:30 e as saídas no entorno das 16:00 seguirán realizándose segundo o establecido no Plan de Adaptación á situación Covid 19 do noso centro.

Os nenos/as que NON fan uso do servizo de comedor escolar serán recollidos na primeira cancela do peche do recinto (ao lado do patio cuberto) por un responsable ás seguintes horas:

4º Educación Infantil (3 anos): 13:15 horas.

5º - 6º de Educación Infantil (4 -5 anos): 13:20 horas.

1º-2º-3º de Educación Primaria: 13:25 horas.

4º-5º de Educación Primaria: 13:30 horas.

6º de Educación Primaria: 13:35 horas.

Estes nenos/as volverán a acceder ao colexio para a clase da tarde pola mesma porta ás 15:05 horas.

Distribuir contido


by Dr. Radut