Novas

Estimadas Familias:

Estamos ultimando a organización, posta a punto e adaptación do noso centro á difícil realidade coa que nos toca convivir nos próximos meses, de maneira que o regreso ás aulas por parte dos nosos nenos/as sexa o máis seguro posible.

O vindeiro luns, día 7 de setembro faremos públicos na nosa páxina web unha serie de documentos clave nos que levamos traballando moito tempo e que nos servirán de guía para abordar o presente curso escolar coas máximas garantías. Son os seguintes:

1. PLAN DE ADAPTACIÓN Á SITUACIÓN COVID-19 NO CEIP VIRXE DO CORPIÑO

2. PLAN DE CONTINXENCIA

3. PLAN DE ACOLLIDA EMOCIONAL

Son 3 documentos de suma importancia e de lectura obrigada por parte de todos os membros da comunidade educativa.

Para poder explicar as súas claves e resolver calquera tipo de dúbida ou inquedanza, quedades convocados a unha reunión cos docentes que forman parte do equipo Covid-19 do colexio. As reunións terán lugar de maneira escalonada por niveis, evitando calquera tipo de aglomeración. Celebraranse no patio cuberto do noso centro, no seguinte horario:

MARTES 8 DE SETEMBRO

10:00 horas: familias de Educación Infantil

12:00 horas: familias de 1º, 2º e 3º de Educación Primaria

MÉRCORES 9 DE SETEMBRO

10:00 horas: familias de 4º E 5º de Educación Primaria

12:00 horas: familias de 6º de Educación Primaria

NORMAS XERAIS

• Á reunión só pode acceder UNHA soa persoa por familia.
• Acceder ao recinto escolar con máscara protectora e non retirala en ningún momento.
• Desinfectar as mans con xel hidroalcólico ao chegar.
• Manter unha distancia interpersoal de 1,5 m como mínimo.

Faise pública a relación defintiva de solicitantes admitidos e exluídos para a obtención das axudas para a adquisición de libros de texto e material escolar de cara ao vindeiro curso 2020/2021.

Pódese consultar a listaxe premendo --> AQUÍ

Os solicitantes tamén poden consultar a listaxe provisional accedendo á aplicación "Fondo Libros"

IMPORTANTE:

Entrega de vales de libros de texto e material escolar:  

15, 16 e 17 de xullo - De 10:30 a 13:30 horas.

Entrega de libros de texto do fondo solidario (3º,4º,5º e 6º Primaria):

7, 8 e 9 de setembro de 2020.

**Os pais e as nais do alumnado que recibe 4 libros, deberán poñerse en contacto co centro para saber cales teñen que mercar pola súa conta.

Faise pública a relación de libros de texto que se empregarán o vindeiro curso escolar 2020/2021.

Pódese descargar a listaxe dos mesmos facendo click --> AQUÍ

PRAZO: Do 1 ao 10 de xullo de 2020, ambos incluidos.

HORARIO: De 10:30 a 13:30 horas.

DOCUMENTACIÓN A PRESENTAR:

Alumnado que se escolariza por primeira vez (3 anos):

- Formulario de Matrícula cuberto e asinado (Descargar AQUÍ)

- Solicitude de Transporte Escolar (Descargar AQUÍ)

- DNI das persoas proxenitoras (fotocopia)

- Libro de vacinas (fotocopia)

- Tarxeta Sanitaria (fotocopia)

- 2 fotografías tamaño carné (co nome escrito no reverso)

- Elección sobre as ensinanzas de Relixión/Valores sociais e cívicos (Descargar AQUÍ)

- Elección sobre o uso da imaxe persoal (Descargar AQUÍ)

Alumnado que procede de outros centros educativos:

- Solicitude de Transporte Escolar (Descargar AQUÍ)

- Tarxeta Sanitaria (fotocopia)

- 2 fotografías tamaño carné (co nome escrito no reverso)

- Elección sobre as ensinanzas de Relixión/Valores sociais e cívicos (Descargar AQUÍ)

- Elección sobre o uso da imaxe persoal do alumno/a (Descargar AQUÍ)

Ábrese o prazo para a solicitude de praza no comedor escolar para o vindeiro curso 2020/2021

Deberán presentar solicitude:

• Alumnado matriculado no CEIP Virxe do Corpiño no curso 2019/2020 que queira seguir sendo usuario do comedor escolar no curso 2020/2021.

• Novo alumnado matriculado no CEIP Virxe do Corpiño para o curso 2020/2021 que queira facer uso do comedor escolar.

A solicitude debe presentarse cuberta e asinada.  Pode presentarse de dúas formas:

• Telemáticamente, escaneándoa e enviándoa por correo electrónico á seguinte dirección: ceip.virxe.corpinho@edu.xunta.gal.

• Presencialmente, no despacho de dirección do centro en horario de 10:30 a 13:30 de luns a venres.

Prazo: do 19 de xuño de 2020 ao 10 de xullo de 2020.

Pódese descargar a solicitude premendo AQUÍ.

13 de xullo de 2020: publicación da lista provisional de usuarios admitidos.

14 de xullo – 20 de xullo de 2020: reclamación á lista provisional.

21 de xullo de 2020: publicación da lista definitiva de usuarios admitidos.

De conformidade co previsto no artigo 14 do Decreto 132/2013 as familias dos comensais admitidos no comedor terán que cubrir en todos os seus extremos o modelo impreso de autodeclaración de prezos públicos; autodeclaración que deberá ser entregada no centro (polos medios anteriormente citados) entre o 1/09/2020 e o 10/09/2020

Mediante este impreso os adultos que exerzan a patria potestade, a tutela ou o acollemento familiar dos alumnos autodeclararán as circunstancias de carácter persoal e de renda neta per cápita familiar correspondente ao exercicio fiscal 2019, anterior ao ano actual, e, conseguintemente, determinarán a contía do prezo público que lles corresponde aboar, de acordo cos tramos fixados no citado Decreto.

Pódese descargar o modelo de autodeclaración premendo AQUÍ.