Coa finalidade de organizar da mellor maneira posible o peche do curso 2019/2020 e, dada a situación de alarma sanitaria que nos atinxe, establécense unha serie de prazos para diferentes procedementos:
RECOLLIDA DE MATERIAL
Lugar: Recibidor exterior do colexio
O restante material dos nenos/as que se atopa no centro (mandilóns, gorras, patíns, dicionarios, estoxos…) será preparado e colocado previamente polas mestras titoras co fin de minimizar o tempo de permanencia das familias nas instalacións do centro.
| Ed. Infantil, 1º e 2º Primaria | 3º e 4º de Primaria | 5º e 6º de Primaria |
|
Mércores 17 de xuño 10:30-11:30 |
Xoves 18 de xuño 10:30-11:30 |
Venres 19 de xuño 10:30-11:30 |
RECOLLIDA DOS BOLETÍNS DE NOTAS
Lugar: Recibidor exterior do colexio.
Data: Venres 19 de xuño de 2020.
Horario: de 11:30 a 13:30.
Os sobres cos boletíns das notas estarán colocados nos bancos do recibidor exterior do centro, divididos por aulas.
DEVOLUCIÓN DOS LIBROS POR PARTE DO ALUMNADO USUARIO DO FONDO SOLIDARIO DE LIBROS NO PRESENTE CURSO
Lugar: Recibidor exterior do colexio.
- 3º e 4º de Primaria: luns 22 de xuño de 11:30 a 13:30
- 5º e 6º de Primaria: martes 23 de xuño de 11:30 a 13:30
As familias devolverán os libros empaquetados nunha bolsa ou caixa co nome do alumno/a colocado nun lugar visible e os depositarán no lugar habilitado para tal fin no recibidor exterior do centro.
NORMAS COMÚNS
- O acceso ao centro realizarase pola porta habitual, mais a saída terá lugar pola cancela do outro lado das escaleiras, fronte ao patio cuberto.
- É obrigatorio desinfectar as mans con xel hidroalcólico ao acceder ao centro e facer uso de máscara protectora.
- Non será necesario solicitar cita previa.
- Se hai coincidencia de varias persoas no centro ao mesmo tempo, gardarase escrupulosamente a distancia de seguridade establecida en 2 metros.
- Coa finalidade de evitar calquera tipo de aglomeración, só se permitirá o acceso ao centro dunha persoa por familia.
