O pasado 14 de abril estreamos RADIO PINGÜI da man de Luís, de Radio Espora, que estivo gravando co alumnado de 5ºA. Aquí vos deixamos o resultado da entrevista que lle fixeron os rapaces e rapazas deste curso. Así ademais de aprender o manexo dos aparelos electrónicos que conforman unha radio, o alumnado estivo traballando o texto da entrevista, a escaleta, a duración, a expresión oral... e un montón de contidos máis das linguas.  Aprenden facendo e cun uso social. Aquí vos deixamos a proba, van dous programas cos dous finais diferentes porque son unha xoia e escoitar a Luís sempre merece a pena. Grazas polas túas sabias palabras! 

Dende o Equipo de Dinamización da Lingua Galega e o de Biblioteca poñemos á vosa disposición esta recopilación de recursos musicais, lúdicos, informativos e bibliográficos para conmemorar as Letras Galegas que este ano están adicadas á editora, poetisa e escritora Xela Arias. Nos seguintes enlaces atoparedes moita información e ata unha proposta por días e cursos para traballar dende as aulas na hora de ler, bueno, na hora de ler pero tamén de escoitar, de xogar, de saber e ata de bailar. 

Durante o mes de abril Pingüi propúxonos coñecer máis sobre os animais e as plantas que nos rodean e a nosa biodiversidade. Puxémonos mans á obra e elaboramos un libriño para a biblioteca e tamén uns murais para a cortiza de entrada do cole. Mirade, mirade...