arquivo
Maio
Chegou maio! O mes das letras e as flores! Desde o EDLG, e coa colaboración do alumnado, realizáronse uns fermosisímos maios que decoraron varios recunchos do noso centro. E así de espectacular permaneceu a entrada da biblioteca!
Ademais, a ocasión permitiu afondar no estudo da flora autóctona (xestas, fieitos, fiúnchos...). Xa sabedes que na nosa biblioteca tamén podedes consultar libros sobre esta temática.
Tags: Ler en familia
Hoxe, 15 de maio, conmemoramos o Día Internacional da Familia e desde a biblioteca do centro queremos impulsar a lectura no fogar. Porque a lectura tamén é afecto, coñecemento e tolerancia; que mellor que compartila coas persoas que máis queremos. 
Día das Letras Galegas
Como ben sabedes, o pasado mércores 17 conmemorouse o Día das Letras Galegas. Este ano o autor homenaxeado é Carlos Casares (Xinzo de Limia, 1941- Nigrán 2002). Desde a biblioteca do noso centro, fixemos unha selección dalgúns dos seus libros (A galiña azul, Toribio contra o profesor Smith ou Lolo anda en bicicleta) e incorporamos material novo como As miñas primeiras Letras Galegas, da colección dos Bolechas. Agardamos que gocedes coa súa lectura!
