home      mail      xade      PortalEdu      CorreoEdu      Abalar

Programa de apoio e reforzo escolar muncipal 2019-2020 (Praemo)

O programa de apoio e reforzo escolar municipal abre a súa preinscrición do 1 ao 11 de outubro. O comezo das sesións nos centros socioculturais será a partir do 14 de outubro.

Descarga da Solicitude.

Carreira contra a Fame

Desde Acción Contra el Hambre remitíronnos a confirmación da recepción do donativo que se realizou no noso centro a través da participación na 22 Carrera contra el hambre.

Queren agradecer a colaboración e participación de toda a comunidade educativa do centro.

Desde o colexio agradecemos a vosa colaboración.

GRAZAS!!

Inicio do Curso 2019 - 2020

Aquí estamos comezando un novo curso.

En primeiro lugar, queremos tranquilizar a tódalas familias do centro informando, tras conversa mantida cos representantes da anpa, que o comedor escolar comezará mañá con normalidade.

Asimesmo, queremos indicar que o transporte, á falta de dous días para o remate do prazo de renovación e solicitude de praza en precario, e tendo en conta que aínda se están a realizar matriculacións ao londo destes días, tamén funcionará con normalidade.

E unha vez, aclarado os temas que máis preocupación vos causaban estes días, informámosvos como se vai desenvolver o primeiro día de clase:

No edificio de educación infantil de 5º e 6º nivel de EI e os alumnos de 1º, 2º de EP entrarán pola porta principal, unha vez que os nenos transportados se atopen no centro. Bordearase as aulas do edificio pola parte esquerda e irán para a entrada do patio cuberto onde xa están marcadas as filas para poder acceder ao interior do centro.

Os nenos de Infantil colocaranse na fila correspondente ao color da súa aula (4 anos A cor: amarela; 4 anos B: cor azul; 5 anos A: cor verde e 5 anos b: cor laranxa).

Os alumnos de 3º curso terán que mirar, en primeiro lugar, no patio cuberto do edificio B de Primaria, en que curso están asignados e despois, 3º A e 3º B desprazaranse ao patio cuberto de Infantil onde os esperarán as súas titoras.

Os nenos de 3 anos que están no período de adaptación entrarán e sairán polas portas de aula que dan ao patio no edificio de infantil e que xa están marcadas coas cores (3 anos A: vermello e 3 anos B: rosa) das aulas nos escalóns de acceso.

No patio do  edificio de Eduación Primaria Estarán expostos os listados dos novos grupo de 3º e 5º.

Os alumnos de 6º, 4º e 2º de primaria entrarán de como facían de forma habitual no curso pasado.

Animo e bo comezo de curso para tod@s

ABALARMOBIL

   

O colexio Valle-Inclán, conta coa ferramenta abalarMóbil. Trátase dunha aplicación que permite ás familias consultar a información dos seus fillos a través do teléfono móbil dende calquera lugar, de forma cómoda e rápida.

AbalarMóbil é unha aplicación que se pode instalar tanto no teléfono móbil como nunha tablet, e que permite ás familias consultar a información de calquera dos seus fillos a través destes dispositivos.

As familias que descarguen abalarMóbil, entre outras, van poder dispoñer das seguintes funcionalidades:

  • ·         Acceder aos datos persoais
  • ·         Consultar as cualificacións
  • ·         Comprobar e xustificar as faltas de asistencia
  • ·         Consultar o apartado de faltas de conduta
  • ·         Solicitar, anular e consultar o estado dunha titoría
  • ·         Consultar os datos do centro educativo
  • ·         Consultar os avisos ou notificacións
  • ·         Consultar as incidencias
  • ·         Modificar o idioma da aplicación
  • ·         Contactar co servizo técnico

Pode tamén consultar a guía para as familias:

Anexo: guia-mobil-familias-galego.pdf

Tamaño 1.74 MB

 A descarga desta aplicación faise dende Apple store (se o sistema operativo é IOS) ou dende Play Store (se o sistema operativo é Android). 

   

   

Por que me aparece unha mensaxe indicando que o meu teléfono non está asociado a ningún alumno?

  • Para poder acceder á aplicación abalarMóbil é preciso que o seu número de teléfono estea rexistrado na plataforma XADE (base de datos do centro educativo).
  • Para solucionar este problema, deberá acudir á secretaría do seu centro e solicitar que se actualicen os números de teléfono móbil na súa ficha como responsable do alumno.

Por que me aparece unha mensaxe indicando que existe máis de un usuario con ese número de teléfono?

  • O número de teléfono móbil que utilice para acceder á aplicación abalarMóbil soamente pode estar asociado a un usuario, é dicir, nin o alumno nin ningún outro responsable pode ter rexistrado ese mesmo número de teléfono.
  • Para solucionar este problema, deberá acudir á secretaría do seu centro educativo e solicitar que modifiquen os números de teléfono móbil que están asociados ao alumno e/ou aos responsables..

Que requisitos debe cumprir o meu contrasinal de usuario?

O contrasinal de usuario debe cumprir os seguintes requisitos:

  • Conter como mínimo 4 carácteres.
  • Non pode estar composto polo DNI nin o nome ou apelidos do propio usuario

 

Becas e axudas para alumnos con necesidades específicas de apoio educativo do Ministerio de Educación e FP.

Dende o día 28 de xullo do 2019, está aberto o prazo de solicitude de becas e axudas para alumnos con necesidade específica de apoio educativo convocadas polo Ministerio de Educación e Formación Profesional.

O prazo de remate para ditas solicitudes remata o día 26 de setembro do 2019.

Toda a a información sobre a convocatoria está na páxina web do Ministerio de Educación e FP.

Convocatoria axudas para asistencia a comedores escolares curso 2019/2020 do Concello de Oleiros.

No Boletín Oficial da Provincia de onte saiu publicado o extracto da convocatoria de axudas para asistencia a comedores escolares no curso escolar 2019/2020.
As bases e o modelo normalizado para solicitar a axuda atópanse na web do Concello de Oleiros, na concellería de Ensino e Xuventude.
Para o voso coñecemento achegámosvos a antedita documentación.
O prazo de solicitude ábrese hoxe día 16 de xullo e remata o 30 de setembro. A solicitude hai que entregala no Rexistro xeral sito no Centro Cultural A Fábrica.

Entrega de libros do Fondo da Xunta

Publicadas as listaxes definitivas de solicitudes admitidas no Fondo de Libros da Xunta. Os lotes e vales admitidos poderanse recoller entre os días 8 e 19 de xullo de 9:00 a 14:00h

Aberto o prazo para que as familias soliciten axudas para libros e material escolar e acceso ao fondo solidario da Xunta

ORDE do 3 de maio de 2019 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos, para o curso escolar 2019/20 (código de procedemento ED330B). DOG do luns, 20 de maio de 2019

Máis información no seguinte ENLACE

O prazo para presentar solicitudes será do 21 de maio ao 21 de xuño de 2019, ámbolos dous inclusive.

As solicitudes presentaránse preferiblemente por vía electrónica nos formularios normalizados dispoñibles na aplicación informática fondolibros: www.edu.xunta.gal/fondolibros

Opcionalmente, poderanse presentar as solicitudes presencialmente nos centros docentes. ANEXOS I e II

Distribuir contido