Skip to main content

FAMILIAS

RECEITAS E COCIÑA DE ENTROIDO #FamiliasnaBE #bibliotecacreativa #bescolaresgal #bescolaresgalabertas

Un grupo de familias toma a iniciativa e realiza unha gran proposta.

Obradoiros de cociña para o entroido. Unha xornada a mar de doce e divertida.

Cantidades, produtos, pasos, perigos no cociñado, colaboración... unha gran

mestura de saberes e novas aprendizaxes para conseguir

unha merendola fantástica e emotiva.

Gracias familias!!

 

 

 

 

BIBLIOTECA HUMANA/POLOS CREATIVOS A CIDADANÍA VOLTA Á ESCOLA!! #FamiliasnaBE #STEAM #bibliotecacreativa #EscribiraBE #bescolaresgal #bescolaresgalabertas

A Biblioteca Humana volta este ano con novidades dentro do proxecto "Lectura e familias"!

Está claro que as nosas xentes son fonte de recursos diversa.

Ademáis a biblioteca, as mestras e os mestres somos consciente do poder motivador

que pode exercer que a avoa, o tío, a madriña, a veciña, o curmán, mamá, papá...

veña á escola e forme parte dela, que cree, ensine, lea, constrúa coñecemento.

Por todas estas razóns e moitas máis, este curso abrímonos á creación

dun banco humano para abarcar tres grandes obxectivos:

 

a)Continuar ampliando as persoas libro (contar oralmente unha vivencia, experiencia, saber...

a un grupo pequeno de persoas que logo teñen opción a facer preguntas sobre o comentado).

 

b)Acudir na hora de ler a contar unha historia a tódolos

compañeiros e compañeiras da aula do seu familiar.

 

c)Realizar un ou varios obradoiros sobre a temática que se solicita co alumnado.

 

O centro recibíu unha gran dotación de recursos materias de Polos Creativos.

Somos moi afortunadas e afortunados pois temos un centro con gran cantidade de material.

Agora é necesario sacarlle o máximo partido para aprender do mellor xeito que sabemos, Xuntos!!


 

 

 

 

 

OS VAGALUMES EN: "ESTRELA... FUGAZ?" DE CARLOS LABRAÑA #teatronaBE #aBEtenapalabra #bibliotecacreativa #bibliotecainclusiva #bescolaresgal #bescolaresgalabertas

Trinta e dous meses pasaron da montaxe desta obra tan peculiar,

unha obra representada nun estado de alarma.

Este venres 13 celebramos que o texto brillara.

 

Carlos Labraña está de parabéns e nós tamén, a súa obra está publicada.

Non hai mellor momento para agradecer, agradecer ás familias e a esta promoción de Vagalumes

 

(agora xa en 1º da ESO) a súa infinita colaboración: aportando ideas, creando xuntos ás súas

fillas e fillos atrezzo, disfraces, debuxos, grabando audios e facendo que todo isto viaxara

polas canles necesarias para centralizar a información e poder facer unha edición da obra

na que non nos podíamos xuntar.

Agradecer a Diego Cheda, as súas ilustracións que dan vida ás personaxes.

E por suposto, agradecer ao artífice de todo, Carlos Labraña, xa que son os seus textos

os que proporcionan divertimento, aprendizaxe dramático e sobre todo temáticas

controvertidas cheas de sensibilidade.

Se quedastes sen ver a obra podes aproveitar agora.

Tamén podes coller as obras de Carlos Labraña na biblioteca e

se queres tela en posesión xa está editada e a venda nas librerías da vila!

 

 

 

 

ESTRELA... FUGAZ? VAGALUMES & CARLOS LABRAÑA #teatronaBE #aBEtenapalabra #bibliotecacreativa #bibliotecainclusiva #bescolaresgal #bescolaresgalabertas

Dous anos atrás envoltos nunha pandemia, un grupo de Vagalumes,

as súas familias e a mestra sacaban adiante unha obra de teatro.

Unha obra que se converteu nun radio teatro, pois non podían interactuar

máis que de xeito virtual. Roupas, voces, fotos, atrezzo... voaban a través das liñas telefónicas, internet...

A obra era "Estrela... fugaz?", naquel momento, obra inédita do dramaturgo

que da nome á nosa biblio "Carlos Labraña". Autor que escribe para divertir, pero sempre utilizando

o teatro coma unha ferramenta para achegar temáticas controvertidas.

Este ano, Carlos Labraña volveu sorprendernos e esa obra saíu á luz coma unha estrela.

Do mesmo modo, un bosque cheo de especies diversas volverá a escintilar e reunirnos,

desta volta si, para ver aos Vagalumes no seu radio teatro, con "Estrela... fugaz?".

Quedades todas e todos convidados! Ata encher aforo.

 

 

 

 

 

O MELLOR AGASALLO PAZ E PAN! ANUNCIO NADAL! #Radionabiblio #bibliotecacreativa #bibliotecainclusiva #bescolaresgal #bescolaresgalabertas

Por un Nadal de Paz e Pan! A rapazada de 1º de Primaria escoita

o conto adaptado pola aula de 4ºB, baseado en O Principio de Paula Carballeira.

Así deciden realizar a terceira fase nunha lectura "Despois da lectura".

Un anuncio que pretende abrir os ollos sobre realides actuais.

Sobre as necesidades reais de países e xentes (incluso moi próximas a nós).

De que non todo o importante é algo material e que a paz pode conseguirse con un bico,

unha conversa, unha aperta, unha mirada ou un sorriso,

estas cousas alimentan e sanan os problemas do mundo.

Unha semente para todas e todos,

pero en especial para os que poden plantar o bosque.

Felices Festas!

Esta actividade non sería posible sen a colaboración do pai dun alumno ao piano:

Antonio Rodríguez Bustabad, a profe de Música: Antía Pita Martínez que realizou a

tradución da letra ao galego e a grabación radiofónica, as mestras de 1º de E.P

(Dulce, Carlota e María José) e o mellor que temos na escola: as nenas e os nenos!

 

 

 

 

 

 

 

 

 

CLUB DE LECTURAS - TERTULIAS DIALÓXICAS #Clubsdelectura #LecturaeFamilias #FamiliasnaBE #bibliotecacreativa#bescolaresgal #bescolaresgalabertas

Este ano voltaron as Lecturas dialóxicas, dentro dos Club de Lecturas "Chocolate

con libros", da man dos Vagalumes de 1ºC.

 

O clásico escollido é Carrapuchiña Vermella,

unha adaptación de Lesley Sims, da editorial Pequelibros Usborne.

 Primeiro escoitaron a lectura, posteriormente mantiveron varias lecturas individuais,

con máis ou menos apoio considerando o nivel lector deste alumnado de 6 anos.

A semana anterior á convocatoria das Lecturas dialóxicas coas familias o alumnado levou

o libro para compartir coa familia e  unha pequena nota, con data

e horario para participar, se así o desexaban e podían.

A Tertulia foi do máis animada e xudiron temas do conto

que lles chamaban a atención ou os inquedaban:

- Por qué Caperucita colleu outro camiño?

- É bo obeceder sempre?

- A avoiña ten un camisón, pero o lobo logo ten outro diferente, que pasou?

- De que se alimentan os lobos?

- E as persoas?

- Por qué lle brilan os ollos ao lobo?

- Como é que non esperta cando lle abren a barriga?

Nos grupos interactivos tamén lemos  outra versión:

"¿Qué me cuentas Caperucita" de José Carlos Andrés,

A comparación deu lugar a novas preguntas:

- Que Caperucita che gusta máis?

- Que diferencias atopamos nas dúas, de carácter e de vestimenta?

- Como actúan as personaxes da historia en cada un?

A intervención, estivo moderada pola mestra e unha alumna.

A rapazada ergue a man e as moderadoras apuntan nun papel a todos os

que desexan intervir. Porteriormente, pregúntase e trátase cada unha das preguntas

en particular, conversando entre todas e todos de cada aspecto. Estas aportación

enriquecen a conversa e dan novas perspectivas sobre o que cada un pensa sobre algo.

Durante un mes, outros obradoiros creativos xurdiron a raiz da lectura, creación de bosque

natural con escea, lobos con reciclaxe de diccionarios antigos, paisaxes coa técnica gouache,

algúns deles inspirados en fotos do instagram de josephinemo e Celine de parciparlaenmaternelle.

 

 

 

 

 

 

 

RECOMENDACIÓNS LECTORAS PARA O NADAL #LecturasRecomendadas #recomendaciónslectoras #bescolaresgal #bescolaresgalabertas

 

Xa chegan as vacacións e ler é unha actividade de ocio ben divertida.

Quen quere viaxar coa imaxinación?

Aquí as recomendacións lectoras da BE Carlos Labraña.

Ilustración de Diego Cheda.

GRUPOS INTERACTIVOS NA BIBLIOTECA - COMUNIDADES DE APRENDIZAXE #FamiliasnabE #bescolaresgal #bescolaresgalabertas

Desta volta os interactivos dos Vagalumes xiraron ao redor de "Carrapuchiña Vermella".

Coa axuda das familias fixeron pizzas de Carrapuchiña e o lobo,

leron outra versión do conto "¿Qué me cuentas Caperucita" de José Carlos Andrés,

escribiron palabras arredor do conto cun xogo de letras

e fixeron un obradoiro cos protagonistas.

 

 

 

 

 

GRUPOS INTERACTIVOS COAS FAMILIAS - COMUNIDADES DE APRENDIZAXE #FamiliasnabE #bescolaresgal #bescolaresgalabertas

A investigación INCLU-ED, realizada en 15 países, entre eles España,

demostrou que ante diversas formas de organización de aula,

os grupos heteroxéneos con voluntarios daban os mellores resultados de aprendizaxe e convivencia.


- AUMENTA O NIVEL DO GRUPO.
-REDUCEN CONFLITOS.


Os voluntarios son adultos: familias, alumnado dos últimos cursos

do instituto, membros de asociacións, avos, tíos, mestres xubilados...


NON NECESITAN TER HABILIDADES ACADÉMICAS POIS A

SÚA FUNCIÓN É FOMENTAR O DIÁLOGO IGUALITARIO E A PARTICIPACIÓN.

Máis información

Iniciamos as primeiras sesións na aula para pasar posteriormente á biblioteca.

 

 

 

MOCHILAS VIAXEIRAS NA CASA #Mochilasviaxeiras #FamiliasnaBE #bescolaresgal #bescolaresgalabertas

Posted in

Un anaquiño da biblioteca viaxa semana a semana á casa do alumnado!

Agasallando con verbas e intres de compartir lecturas en familia,

ao calor do fogar e coa mellor compaña.

 

 

 

 

 

COIDAMOS OS DENTES! #MesdaCienciaenGalego #Ciencia #FamiliasnaBE #bescolaresgal #bescolaresgalabertas

O alumnado de cinco anos está inmerso nun proxecto sobre

"Os dentes e o seu coidado. Este ano iníciase o proceso de caída

dos dentes de leite e a aparición dos novos. Así que estes días o

Ratiño Pérez visitou moitas casas.

Para documentarse debidamente buscaron a unha dentista profesional:

Mey Lin Apac, que ofreceu moita información e resolveu unha manchea de 

dúbidas que transitaban polas súas cabeciñas.

Estes peques xa están montando unha pequena clínica dental na aula

e traballando con  numerosos recursos para coñecer o fascinante mundo dos dentes.

Sendo o proxecto o eixo motivador para numerosos conceptos

básicos da etapa infantil na que se atopan.

 

 

 

 

 

LECTURAS EN FAMILIA #FamiliasnaBE #bescolaresgal #bescolaresgalabertas

Posted in

O alumnado de 5 anos xa leva as bolsas lectoras para gozar en familia a fin de semana!

 

 

 

 

 

FORMACIÓN DE USUARIOS/AS #Formacióndeusuarios #bescolaresgal #bescolaresgalabertas

A actividade central ao comezo do curso é a formación de usuarias e usuarios da nosa biblioteca.

Este curso xa coa ledicia de abrir as portas ás familias. Comezamos refrescando e

conversando sobre as normas e actividades que poden gozar na biblioteca e continuamos

con tres grupos interactivos (comunidades de aprendizaxe) da man de familias

voluntarias que nos agasallaron co seu tempo e bo facer.

 

 

O alumnado traballou a identificación dun libro, a CDU e os tejuelos.

Sendo Biblioteca Creativa como somos, non podían faltar actividades como maxia,

para representar logo na casa e canción tradicional. O alumnado aprendeu e interpretou

unha pequena estrofa típica da nosa vila. Para valorar dende pequenos a tradición oral.

O empréstito (de libros, xogos, película e música) e a lectura na sala foi outra das actividades.

 

 

Creamos unha pequena presentación para a actividade inicial que aquí compartimos.

 

 

 

 

 

 Recordamos que a biblioteca está aberta ás familias en horario de tarde.

 

 

 

"NO TODO ES SUERTE!" POR JUAN RODRÍGUEZ MARTÍNEZ - PROGRAMA "LECTURA E FAMILIAS" #LecturaeFamilias #FamiliasnaBE #aBEtenapalabra #bescolaresgal #bescolaresgalabertas

 

O 20 de xuño ás 18:00 horas na Biblioteca Escolar "Carlos Labraña"

 

Apúntate! Aberto a tódolos públicos.

 

Manda unha mensaxe de whatsapp ao 615143625,

 

pon o título do libro que queres ler e o teu nome e apelido.

 

 

 

Unha experiencia de vida para chegar a xogar en primeira división.

 

 

 

 

PRESENTACIÓN E TITORIAL "A viaxe de Percebiño" #LecturaeFamilias #FamiliasnaBE #bibliotecacreativa #bescolaresgal #bescolaresgalabertas

 

Por fin chegou! Dende o mércores podedes vir coller en empréstito

o libro "A viaxe de Percebiño" de Quique Vázquez e Diego Cheda.

Ademáis, este martes 31 na Ferira do Libro, teremos a Diego Cheda!

 

 

 

 

 

FORMULARIO AVALIACIÓN DA BIBLIOTECA #bescolaresgal #bescolaresgalabertas

 

Agradecemos que o alumnado, familias e mestras/es cubran

o formulario de avialiación da biblioteca. É un dos xeitos de avaliar

o funcionamento, recursos, actividades, espazos... e así poder reflexionar

e establecer vías para mellorar. A opinión de todos e cada un é moi valiosa.

Gracias!

 


 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

OS NOSOS LIBROS HUMANOS - PROGRAMA "LECTURA E FAMILIAS" #LecturaeFamilias #FamiliasnaBE #aBEtenapalabra #bescolaresgal #bescolaresgalabertas

 

 

BIBLIOTECA HUMANA

 

23 de maio, de 10:00 a 13:00h.

 

Apúntate a ler un libro humano!

 

Manda un whatsapp ao 615143625, co teu nome e apelidos

 

e o título que queres escoitar. Aforo de 10 persoas por libro!

 

Carlos Labraña 10:00h.  Fabiana Feijóo Musi 11:00h

 

Bibiana Córdoba Piñeira 12:00h  Jose de Vigo 13:00h

 

 

 

 

 

 

VIDEOCLIP " Ua, ua, ua! A viaxe de Percebiño " LECTURA E FAMILIAS #LecturaeFamilias #FamiliasnaBE #bibliotecacreativa #Radionabiblio #bescolaresgal #bescolaresgalabertas

 

A viaxe de Percebiño, unha historia escrita e musicada por Quique Vázquez

e Tonino, e ilustrada por Diego Cheda. Un videoclip no que canta e participa toda

a rapazada da escola e por suposto a nosa comunidade escolar: familia, mestras/es,

persoal non docente, axentes sociais... Porque a escola somo todos, unha gran comunidade.

 

Esta viaxe non sería posible sen todas e todos. Celebramos a Semana Mundial das Nacións

Unidas sobre a Seguridade Vial coa canción "Ua, ua, ua" de A viaxe de Percebiño!

 

Gracias á todos/as os que o fixeron posible!

 

Canción, conto e ilustracións para colorear.

 

 

 

 

 

 

BIBLIOTECA HUMANA - PROGRAMA "LECTURA E FAMILIAS" #LecturaeFamilias #FamiliasnaBE #aBEtenapalabra #bescolaresgal #bescolaresgalabertas

 

Xa estamos na fase final do proxecto "BIBLIOTECA HUMANA".

Un proxecto no que as bibliotecas escolares de Cedeira e o Concello unimos

esforzos para dar voz ao pobo, porque todas e todos temos algo que contar.

A oralidade é parte do noso patrimonio, reflexa a nosa identidade cultural e social,

a de todas as persoas que conformamos a vila: os de sempre, os que viñeron e os

que marcharon, pois todas/os imos deixando pegada e conformando a nosa sociedade.

A nosa rapazada de Antropoloxía de 1º de Bacherelato e o alumnado de 6º de Primaria,

están ultimando os preparativos para levar a cabo as lecturas e difundilas.

 

 

 

 

 

 

 

 

Distribuir contido