Iniciar sesión: Acceso

Blogues

VOLCÁNS, AMORODOS E MOITO MÁIS

Ola familias!!

Aquí estamos de novo para mostrarvos un poquiño todo o que fixemos esta semana.

Comezamos o luns traballando a medida e os utensilios que necesitamos para facelo: regra e metro, todo dependendo do que vaiamos a medir.

Desta forma decidimos qué medir, collíamos o utensilio necesario e medíamos. Despois deixamos todo rexistrado. Medimos de todo: pizarra, contenedor, mesa, bote ata aos nosos compañeiros/as, traballando lectoescritura, numeración, concentración, toma de decisións, estratexias...

Os máis peques seguimos traballando a asociación de grafía cantidade, ao mesmo tempo que seguimos coa coordinación óculo manual e a motricidade fina. Así tiñamos que formar torres de policubos segundo o número que nos indicaba un recadro. Houbo diferentes estratexias posto que non todos puxemos os policubos un enriba doutro, pero a cantidade que se pedía estaba.

Tamén realizamos debuxos seguindo os pasos indicados, aprendendo a facer debuxos que moitas veces nos custan un pouco ou cremos que non podemos facer. Para rematar os repasamos con rotulador negro. Canta concentración!!

Un das proopostas desta semana foi recoller xoaniñas do céspede e botalas nun recipiente, pero para iso usamos as pinzas para seguir co traballo das nosas mans.

Como proposta de lectoescritura tivemos que buscar nun bote insectos escondidos, pois estaban mesturados con arroz da mesma cor e non se vían moi ben. Despois anotábamos o seu nome. Os peques da clase tiñamos un soporte co nome do insecto.

E fixemos unha actividade de memoria e lecto, lembrando os utensilios que necesita o/a vulcanólogo/a para realizar o seu traballo. Para iso mirábamos o utensilio e buscabamos o seu nome entre varios carteis, cortábamos e pegamos.

Outra actividade de arte que fixemos foi pintar un amorodo seguindo a técnica de Andy Warhol, empregando sempre as mesmas cores en cada un dos debuxos, pero en zonas diferentes. Fíxémolos todos xuntos e pasiño a pasiño, aprendendo a pintar cada zona dun debuxo de distinta cor e respectando o tempo dos demais. E como a lectoescritura está presenta en calquera actividade anotamos o nome da froita.

O minimundo desta semana estivo relacionado cos paxaros.

E aquí podedes ver outra proposta de lóxica matemática para os máis peques: ordear cubitos de xeo do 1 ao 18, traballando a recta numérica e logo asociando outros cubitos con puntiños co seu número, traballando o conteo e a asociación de grafía cantidade.

E os peques de 4 e 5 anos traballamos a secuencia de obxectos para que un boneco pudiese chegar ao cofre do tesouro, pero tiñamos que fixarnos moi ben na dirección na que tiña que ir porque se non poñiamos ben os elementos non podría chegar.

Esta semana tocounos regar as leitugas.

Dentro da sesión de valores seguimos traballando a cooperación e nesta ocasión xogamos a xogos de mesa en grupos mixtos, respectando as normas, o turno de cada un e axudando aos máis peques se o necesitaban.

E o venres coñecimos a última clasificación dos volcáns, nesta ocasión segundo a súa erupción.

E como estamos e maio e non queremos rematalo sen traballar os maios, coloreamos un pouco a pouco, traballando cambio de cores, respecto de elementos, concentración...

No xogo libre con distintos materias desenvolvemos a nosa creatividade e aquí podedes ver as nosas flores con elementos imantados ou o sol que fixo o noso compañeiro Nico. Guiño

Xa levábamos varios venres sen película por diversos motivos e onte rematamos de ver a película dos Octonautas e o Cinturón de fuego. Que orgullosa estaba a mestra cando na peli empezou a entrar en erupción o volcán e falamos de que tipo de erupción era. Houbo moitas hipóteses, pero ao final decidimos que era peleano. Como aplicamos o que aprendemos!!!

Ata a semana que ven!!! Sorriso

SEMANA DAS LETRAS GALEGAS ESPECIAL GRAZAS Á VISITA DAS FAMILIAS

Ola familias!!

Esta semana foi máis curta do habitual, pero estivo chea de propostas diferentes.

Unha delas foi o minimundo da charca onde puidemos atopar, manipular e xogar con ras, peixes e sapoconchos.

Ademais demos por rematado o flipbook das flores, a última foi a amapola. Nesta ocasión escribimos o nome e como nas anteriores tamén a debuxamos.

Esta semana celebramos o día da familia e para ese día preparamos un pequeno agasallo con todo o noso corazón: un chaveiro no que pintamos un corazón con témpera e bastoncillos. Canta concentración, atención, tranquilidade e coordinación óculo manual.

Tamén coñecimos outra clasificación dos volcáns, esta vez pola súa forma. Despois clasificamos imaxes de cada tipo.

Como proposta de lóxica matemática, os máis peques da clase traballamos a grafía dos números repasándoos na pizarra co noso dediño. Que mellor que interiorizar un contido que vivenciándoo.

E os demais xogamos ao bingo, así identificamos números, respetamos as normas, traballamos a atención...

Outro minimundo desta semana foi o da area, pero nesta ocasión con vehículos e palas.

Este ano se lle adicaron as Letras Galegas a Luisa Villalta, unha muller polifacética que ademais de escribir tamén tocaba o violín. Despois de ler un fragmento da súa obra que falaba das estacións do ano, cada un/unha dixo a súa estación preferida, nos xuntamos os que escolleramos a mesma e fixemos un debuxo dela.

Seguimos ca maqueta dos volcáns, nesta ocasión pintamos o volcán, desenvolvendo estratexias e toma de decisións, xa que cómo fago se non chego a pintar polo outro lado? Pois doulle a volta.

E chegou o día da familia, no que tivemos a sorte de contar con vós e vivir un momento especial. Previamente fixemos un debuxo da nosa familia, traballando así o esquema corporal.

E aquí pode verse o resultado do noso tributo a Luisa Villalta: un retrato decorado coas cores de Mondrian e feito en equipo coas nosas familias. Tedes na páxina principal un vídeo resumo deste día.

 

A vindeira semana moito máis!!Sorriso

NOVAS PROPOSTAS E XOGOS EN FAMILIA

Ola familias, 

aquí voltamos para contarvos todas as novidades da semana.

Unha das propostas foi facer colares: que ben nos quedaron e como traballamos a coordinación óculomanual, aínda que non somos conscientes diso.

Tamén seguimos co noso flipbook das flores. Nesta ocasión coñecimos o Jacinto e para formar o seu nome buscamos as letras en revistas. Despois, como pasou coas outras flores, fixemos o debuxo.

O sol desta semana lembrounos a praia, así que a area chegou á nosa clase: traballamos os trasvases, fixemos figuras e ata algúns fixemos un volcán ( a profe síntese moi orgullosa de como relacionamos contidos e de como estamos avanzando).

Dentro do proxecto de China e seguindo coa súa escritura, debuxamos o significado dalgunhas palabras chinas.

E tamén avanzamos no proxecto dos volcáns. Nesta ocasión coñecimos os tipos de volcáns segundo a súa actividade e clasificamos imaxes de cada tipo.

As propostas de lóxica matemática xiraron entorno ao conteo e asociación de grafía cantidade no caso dos peques de 3 anos contando bichiños ou flores.

Completar as casiñas dos números, sempre adaptados a cada un, no caso dos peques de 4 anos.

E os crucinúmeros no peques de 5 anos. Como nos esforzamos e iso vese no proceso.

Outra proposta sensorial e de trasvases foi manipular boliñas de xel.

E seguimos co conteo cos peques de 3 anos. Nesta ocasión contaron as flores dos ramos e os puxeron na maceta correspondente.

Os maiores da clase reforzamos a resta, vendo que non só consiste en quitar elementos, senón tamén en ir hacia atrás.

E os peques de 4 anos reforzamos a suma con este robot tan simpático.

Este mes estamos de cheo traballando a cooperación, e que mellor que vivenciala. Por iso tivemos que traballar en equipo para que un globo non caese ao chan ou pillar aos compañeiros/as formando unha serpe humana.

Cando nos xuntamos os de 4 e 5 anos das dúas clases realizamos actividades de traballo en equipo, pero tamén de reforzo de lectoescritura. Esta semana tiñamos que anotar palabras, por parellas, que comezasen por a letra indicada no papel. Sairon palabras moi variadas: nomes de compañeiros/as, estilos musicais...

E rematamos a semana co area, pero nesta ocasión traballamos os grafismos de forma máis manipulativa e sensorial.

Os maiores xogamos ao quen é quen. Para iso limos o dato que nos daban, miramos quen cumplia co requisito, limos o nome o o anotamos (traballo de lectoescritura).

E os de 4 anos formamos o nome dunhas imaxes ordeando as letras que nos daban, pasiño a pasiño seguimos avanzando.

E como non, os peques de 3 anos somos uns campeóns avanzando na iniciación á lectoescritura formando os nomes de elementos da primavera.

Para rematar a semana tivemos a sorte de contar con tres mamás que nos adicaron o seu tempo e viñeron xogar a xogos de mesa con nós e os compañeiros/as da outra clase. Nesta ocasión os de 3 anos xogamos ao xogo dos Ourizos e a búsqueda de follas e ao Zingo, para traballar a atención, o vocabulario e o control inhibitorio; os de 4 anos ao Color Line e ao Speed Cups, intentando controlarnos e traballar o control inhibitorio como os nos compis; e os de 5 anos ao Monza e o Speed Jungle, reforzando a atención,a estratexia, a toma de decisións...

Boa fin de semana!!

DESPEDIMOS ABRIL E DÁMOSLLE A BENVIDA A MAIO

Ola familias!!

Esta semana foi un pouco rara con ese festivo no medio, pero nós seguimos traballando moito.

Continuamos co flipbook das flores. Nesta ocasión coñecimos o tulipán e para formar o seu nome tivemos que cortar as letras e colocalas por orde. Despois debuxamos un tulipán. Así traballamos lectoescritura, arte e o manexo das tesoiras.

Tamén fixemos unha actividade de arte diferente ás que estamos acostumados. Cun patrón dunha imaxe fixemos o seu contorno, nós a rematamos poñendo os detalles, as coloreamos e despois escribimos o seu nome. Canto estamos avanzando!!

E seguimos con China. Esta semana coñecimos o seu alfabeto. Que símbolos empregan!!! Para poder practicalos escribimos o noso nome en chino nunha tela máxica empregando unha pincel con auga, que cando a auga se vai secando o escrito desaparece.

E como rematamos abril, tivemos que facer o rexistro do tempo. Afianzando o conteo e grafía dos números.

Grazas a Valentina e Marco puidemos tocar lava do volcán das Palmas.

E este mes en valores estamos traballando a cooperación e que mellor que vivenciala para poder interiorizala. Así que nos xuntamos en pequenos grupos para montar quebracabezas.

Na asemblea seguimos traballando moitisimo e afianzando contidos como o anterior e posterior e as equivalencias.

A vindeira semana moito máis!!Guiño

SEMANA DO LIBRO E DE DESPEDIDA

Ola familias!!

Vaia semana tan intensa tivemos. E tamén triste por ter que despedirnos de Ana.

Aquí vos amosamos todo o traballado durante estes días.

Comezamos o luns cunha proposta sensorial e de creatividade posto que tivemos que ser xardineiros/as e decorar macetas con flores e como terra tivemos que botar lentellas, traballando así os trasvases.

Como propostas de lóxicamatemática, os peques da clase tivemos que ordenar cartas da baralla contando os elementos que había en cada unha, afianzando o conteo e a didentificación de números.

Os maiores completamos as flores numéricas, traballando o anterior e posterior e sumas e restar decenas.

E os peques de 4 anos completaron un gusaniño ao que lle faltaban números.

Tamén rematamos as nosas flores para o día do libro, pois este ano fixemos unha versión da flor de San Jordi e nós fixemos unha margarida, pintándoa da cor que quixéramos (toma de decisións) e escribindo nunha folliña o día que se celebraba e o ano.

En canto ao proxecto dos volcáns, nesta ocasión fixemos un experimento creando o magma,e vendo como pasa por cada unha das parte do volcán, así repasamos o traballado a semana pasada.

E como proposta de arte decoramos unha bolboreta con grafismos creativos escollidos por nós, o que supuxo aprender a facer algún novo e así avanzamos na realización de novos debuxos.

Outra das actividades para celebrar a Semana do Libro e que fixemos cos nosos compañeiros/as de primaria foi recomendar o noso libro favorito e para iso debuxamos a súa portada, escribimos o título e pintamos unhas estrelas segundo nos gustaba moito ou pouco.

E compartimos momentos especiais cos apadriñamentos lectores, onde os maiores lles leron as máis peques do cole.

E aquí vedes como expuxemos as nosas recomendacións de libros no mural de Bookflix.

Seguimos co flipbook das flores, nesta ocasión coñecemos o lirio e tivemos que debuxalo e formar o seu nome poñendo selos de letras de cores, sempre a actividade adaptada ao nivel do alumnado.

Outra das actividades foi debuxarnos e traballar a representación do esquema corporal, decorando despois o marco.

Esta semana tivemos unha proposta de minimundo relacionada coa primavera e pudiemos crear e manipular un material novo.

Tamén realizamos outra proposta de lóxicamatemática. Os maiores completamos os crucinúmeros, os peques de 4 anos colocamos osiños de cores dentro da táboa do 100 nos números que dicía a mestra, e os peques de 3 anos contamos elementos nunha tarxeta e poñiamos unha pinza no número correspondente, traballando conteo, motricidade fina e identificación de números.

Para rematar o mes da saúde, falamos da importancia de facer deporte e exercicio e nesta ocasión bailamos seguindo os pasos dunhas coreografías.

Os xoves nos xuntamos os peques de 4 e 5 anos das dúas aulas de infantil e esta semana traballamos a entrevista, entrevistando a un compañeiro/as realizándolle as preguntas da folla e deixando rexistro, traballando a expresión oral e a lectoescritura.

E rematamos a semana traballando as nosas mans coa plastilina.

Traballando a creatividade decorando un arco da vella con pompóns de cores.

E como proposta de lectoescritura tivemos que poñerlle o nome a unhas imaxes que había nunha folla buscamdo dito nome nuns carteis que estaban repartidos pola aula. Os peques de 3 anos tiñan que buscar a súa inicial.

E por último limos o conto de "Vivan as uñas de cores" e despois pintamos uñas traballando a concentración, a atención, a coordinación óculo-manual.

Logo seguimos vendo a película dos Octonautas e o Cinturón de fuego.

E como di o título desta publicación, esta semana tamén foi de despedida. A profe Ana rematou a súas prácticas e tivo que marchar, algo que nos puxo moi tristes porque a queremos moito e a imos botar de menos.

Ana queremos dicirte que foi un privilexio terte con nós, aprender de ti, compartir momentos contigo e que tes un lugar no noso corazón para sempre. Querémoste e sabes que poder vir cando queiras. Esta sempre será a túa clase.

Distribuir contido