CEIP PLURILINGÜE A LAXE

Ola de novo familias!!

Esta semana estivo chea de propostas novas e rematámola celebrando o magosto e o día do peón. 

Comezamos a semana sendo rescatadores de dinosuarios, tanto con pinzas como coas nosas manciñas.

Tamén os maiores repasamos a grafía dos números, posto que ás veces nos despistamos e facémolos ao revés, e non ven de máis lembrar a súa direccionalidade. E os peques comezamos a familiarizarnos con ela.

E mentres uns estaban cos dinosaurios e outros cos números, outro grupo traballamos de forma cooperativa para resolver un quebracabezas traballando en equipo.

O luns limos outro dos libros de flamengos, nesta ocasión o do noso amigo Lucas e gustounos tanto que fixemos un debuxo da historia.

No proxecto de China coñecimos a súa casa e comparámola coas nosas. Ademais falamos das dependencias e dos obxectos que hai en cada unha, poñéndolle nome a eses elementos traballando así a lectoescritura, cada un/unha ao seu nivel. Tamén coñecimos a pagoda, un templo chino. Sabedes que os hai con diferentes pisos?

Vistes como traballamos coas nosas manciñas? Nesta ocasión aproveitamos a pasta de samaín que tiñamos na clase e fixemos uns colares preciosos. Pero non quedou aí a cousa porque tamén contamos cantos elementos puxemos traballando o conteo.

No proxecto dos Flamengos identificamos as súas partes. Os maiores identificaron os nomes das partes, cortáronos e pegáronos no lugar correspondente, traballando a lectoescritura e o uso das tesoiras. Os máis peques identificamos as vogais na palabras.

E seguimos coa lecto, pero esta vez usando plastilina e moldes. Identificamos letras e collemos forza nesas mans.

Os maiores tamén adiviñaron palabras segredas. E como? Pois identificando a inicial de cada debuxo e anotándoa (conciencia fonolóxica en estado puro).

E os peques comezamos a familiarizarnos coa escritura do noso nome, respectando sempre o ritmo de cada un/unha.

En valores seguimos traballando a responsabilidade e a reciclaxe. Nesta ocasión lembramos que tamén podemos elaborar os nosos xoguetes empregando material de refugallo, ao mesmo tempo que desenvolvemos a nosa creatividade. Fixemos pulseiras, cohetes, polbos, casas...

Sabiades que os flamengos son ovíparos? Pois nós si e ordeamos o seu ciclo de crecemento, desde que nacen ata que son adultos.

E chegou o día do peón!! A mestra deunos unhas peonzas feitas reciclando obxectos que podemos atopar de forma sinxela (cds, tapóns e canicas) e nós decorámolas con gomets e desfrutamos xogando.

E para rematar a semana saímos á pista a celebrar o Magosto cos nosos compañeiros/as de primaria. Tomamos leite, castañas e desfrutamos cos xogos tradicionais!!

Ata a semana que ven!!!

Ola familias!!

Esta semana despedimos o Samaín por todo o alto, pero tamén tivemos tempo para realizar outras actividades!!

Aquí tedes un vídeo da nosa reacción ao chegar o luns á clase e ver todo o que había.

Dentro das propostas estaba a primeira provocación co cubo Montessori, nesta ocasión relacionada co Samaín. Como experimentamos e deixamos voar a nosa imaxinación!

Tamén tivemos unha mesa sensorial moi terrorífica: creamos brebaxes de bruxa mesturando líquidos de diversas cores, sen esquecer que estamos traballando moito a nosa motricidade fina (aínda que non sexamos concientes do gran traballo que facemos).

E tamén seguimos a receita dunha apócema chea de bichos, reforzando o conteo e a asociación grafía- cantidade.

Esta semana o conto foi este no que coñecemos a orixe do Samaín e como se celebraba hai moitos anos.

E como proposta de arte decoramos unha tea de araña, tanto de cores diversos desenvolvendo a nosa creatividade como con grafismos creativos que nos achegan a lectoescritura.

Ademais a auxiliar de conversa nos contou un conto de Spot, un canciño ao que lle temos moito agarimo.

Na sesión de valores, este mes traballamos a responsabilidade. Dentro dela está o coidado do medio ambiente, e a reciclaxe é unha labor importante para poñer o noso graniño de area e coidar o entorno que nos rodea.

O xoves démoslle a benvida a un mes novo e polo tanto tivemos que facer o rexistro do tempo do mes anterior. Nesta ocasión probamos a facelo todos a o mesmo tempo para traballar o tempo en espera, posto que cada un ten o seu ritmo.

E por fin tivemos a primeira sesión de XOGANDO EN FAMILIA!!! Algunhas das nosas familias viñeron a xogar con nós a xogos de mesa.

Os peques de 3 anos xogamos a "El frutal" no que tiñamos que gañarlle ao corvo e coller todas as froitas das árbores antes de que se formase o quebracabezas do corvo, e tamén ao "Dobble" no que temos que estar moi atentos para atopar o obxecto común entre dúas tarxetas.

Os peques de 4 anos xogamos ao "Grabolo" e ao "Zingo", dous xogos nos que a atención é moi importante para poder coller o obxecto que nos indica o dado no primeiro xogo, ou completar o cartón cos elemento que temos e gritar Zingo!!!

E os peques de 5 anos puidemos disfrutar do "Color line" no que temos que conseguir completar o cartón con todas as boliñas de cores que lle corresponden, pero temos que traballar o noso control inhibitorio posto que se tocamos o timbre antes de tempo e non debíamos perdemos bola.

Tamén xogamos ao "Speed cups", no que a atención e rapidez visual son fundamentais.

Moitas grazas familias!!! Estamos desexando repetir e poder xogar coas demais familias!! Pronto outra sesión 

Ata a próxima semana!!

Ola familias!!

Na nosa clase esta semana xa chegou o Samaín por todo o alto!! Realizamos diferentes propostas como as que agora vos amosamos.

O luns tiñamos a tuff tray (bandexa) chea de bichos mesturados co arroz larancha e unha tela de araña que nos impedía collelos, pero o conseguimos. Como traballamos as nosas mans coas pinzas e as tesoiras bola!!

Como proposta de lectoescritura tiñamos que identificar a inicial de diferentes elementos de Samaín como momias, arañas ou cabazas.

E no recuncho de lóxica matemática tiñamos que colocar na tela de araña tantas arañas como nos indicaba o número, asociando así grafía-cantidade.

Ademais xogamos a Monster Kit, un xogo no que coa axuda dunhas cartas tivemos que formar un monstro, traballando a asociación de grafía-cantidade e a lectoescritura porque lle puxemos o nome que se formou coas sílabas que había en cada carta.

O martes as propostas foron diferentes. No recuncho de lóxica matemática tiñamos que contar cantos elementos había en cada tarxeta, buscar o número e poñer unha pinza nel, traballando non só o conteo senón tamén a nosa motricidade fina.

E seguimos co traballo das nosas mans porque con contas de cores decoramos os mangos dunhas vasoiras de bruxas. Que boa coordinación óculo- manual temos!!!

E a bruxa meteu no seu caldeiro unha morea de bichos, pero non nos deixaba velos. Así que a través do tacto tivemos que adiviñar que había no caldeiro e rexistralo. Os peques de 3 anos identificaron o son A nos nomes dos bichos que adiviñaron.

Esta semana limos varios contos de Samaín. Un deles foi "8 patas" que nos narra a historia de Lucy, unha araña á que non lle gusta tecer e que ten un don para pintar cadros cheos de cores. Despois da lectura fixemos un debuxo sobre o conto, cada un debuxando o que máis lle gustou del (Lucy, a tea de araña...)

E o venres despedimos a semana xogando ao bingo terrorífico, traballando a escoita activa e a atención.

E vos preguntaredes que máis fixemos, pois resolver uns retos cos que nos atopamos ao chegar á clase e dos cales a mestra non tiña nin idea de quen os puxera alí.

O primeiro día de retos cada equipo tivo que resolver unha proba matemática para poder rescatar a un rapaz da xaula dunha bruxa porque nos deixou unha carta pedindo axuda.

Os peques de 3 anos tiveron que formar un monstro seguindo as indicacións e nunha lenda obtivemos o primeiro número.

O equipo dos leóns (4 anos) tiveron que completar a serie numérica ata o 20 e na última casilla descubrimos o seguinte número.

E os peques de 5 anos atoparon unha folla con moitas portas e unhas chaves con sumas. Ao resolvelas podían abrir cada unha das portas, pero só na última conseguimos o outro número.

Por fin tiñamos os tres números do candado para poder liberar ao rapaz!!!

O seguinte día de retos foi tamén intenso, jeje. O rapaz estaba moi agradecido por salvalo e quixo darnos unha sopresa, pero non de forma tan sinxela, senón que resolvendo tamén uns retos para adiviñar unha palabra.

Cada equipo tiña dúas probas. A primeira letra conseguímola ao formar un quebracabezas de Samaín onde había unha S.

A segunda letra (A) ao sacar a unha momia dun labirinto e levala á súa tumba, pasando por esa letra.

A terceira letra conlevou descifrar unha palabra segreda grazas a unha lenda e identificando a inicial (M).

A cuarta letra era unha A, e para iso houbo que adiviñar a palabra que se escondía detrás dunha adiviña (araña) e a súa inicial deunos outra letra (A).

A quinta letra (I) estaba escondida nunha proba de buscar diferenzas. Como se nos dan tan ben atopámolas moi rápido.

E a última letra (N) estaba nunha lenda que tivemos que ter en conta despois de clasificar palabras polo seu número de sílabas (a palabra que máis sílabas tiña nos daba esa derradeira letra).

Entre todos conseguimos adiviñar a palabra (SAMAÍN) e puidemos conseguir a sorpresa, un caldeiro con chocolatinas que puidemos degustar despois de merendar.

No vídeo podedes ver todo o que fixemos e como sabemos traballar en grupo, axudándonos uns aos outros para logar un obxectivo común.

Ola familias!!!

Aquí estamos de novo para contarvos todo o acontecido esta semana. Estades preparados?

Os peques de 3 anos seguiron afianzando o seu nome, pero nesta ocasión tamén nos centramos na direccionalidade da grafía das letras e no traballo das mans posto que tiñamos que rasgar papeis de cores e pegalos nas letras do noso nome seguindo a súa direccionalidade.

No recuncho de plástica manipularon plastilina para traballar as súas mans e a súa creatividade, porque como di María Montessori  "Canto menos cousas faga o xoguete, máis cousas fará a mente do neno".

No proxecto de China coñecemos un dos seus emblemas:a muralla. Coñecimos de qué está feita, canto mide, que a fixo, por que ten esa forma... e despois en grupos construimos a nosa muralla con diversos materiais.

Esta semana comezamos co proxecto dos flamengos e o primeiro de todo e darvos as GRAZAS por todo o material que nos envíachedes.

Neste primeiro contacto con este animal, o que coñecimos foron as súas características, as cales recollemos nun papel (como sempre todo adaptado ao nivel de cada grupo).

Na asemblea comezamos a completar a táboa do 100, repasando o conteo, a identificación de números, o anterior e posterior, as familias de números...

Como proposta de arte, nesta ocasión a xuntamos coa lectoescritura. Primeiro falamos de cal é o nome en galego dese alimento tan característico do outono: a CABAZA. Despois identificamos as letras que forman ese nome e as estampamos nos catro anacos que rodeaban a cabaza. A continuación pintamos a cabaza estampando a pintura coa axuda dunha esponxa.

En relación á proposta de lóxica matemática, non teño fotos dos peques realizándoa posto que non puiden estar presente, pero vos contamos en qué consisitía. Os peques de 3 anos, na mesma plantilla que usaron noutra ocasión para poñer tantos osiños como indicaba o número, nesta ocasión formaban torres con policubos segundo o número. Os peques de 4 e 5 anos completaban a serie atribuíndolle a cada obxecto do outono o valor que lle correspondía dentro da recta numérica, repasando así dita recta e a grafía dos números.

E o venres limos un dos contos que nos trouxo Nico sobre os flamengos: Renato Nicanor. Encantounos a súa historia e despois fixemos un debuxo relacionado coa historia, cada un ao seu ritmo.

Ademais, para rematar a semana, xogamos a un xogo para  repasar a conciencia fonolóxica. A mestra colocaba unha letras pola clase e dicía un son. Nós tiñamos que ir hacia a letra que representaba ese son ao mesmo tempo que o repetíamos.

A próxima semana comezamos a celebrar o Samaín. Que ilusión!! 

Ata logo!!

Ola familias!!!

Aquí vos deixamos unha mostra das propostas desta semana, que foi curta pero que deu para moito.

No recuncho de experimentos e mesa sensorial traballamos os trasvases con lentellas. Cantas caeron ao chan? Unhas pouquiñas, jeje

Como actividade de lectoescritura seguimos co nome. Os peques de 3 anos formaron a súa inicial con pedriñas de cores seguindo a direccionalide, ademais de realizala nunha bandexa co arroz.

Os peques de 5 anos seguiron co afianzamento da grafía do nome en minúscula. Fano xenial!!

E os peques de 4 tamén fixeron a súa inicial con pedras, para reforzas esa direccionalidade.

Como proposta de lóxica matemática os peques de 3 anos asociaron grafía- cantidade, poñendo tantos osiños como indicaba o número. Ademais co dedo repasaron a súa grafía.

Os peques de 4 anos introducíronse no mundo das sumas e por suposto de forma manipulativa coas castañas que recollemos a semana pasada. Que orgullosa estou deles!!

E os peques de 5 anos seguimos afianzando estas operacións.

Como proposta de arte fixemos unha actividade de grafismo creativo decorando unha bellota con diferentes grafismos con cores de outono.

No proxecto de China, nesta ocasión coñecemos como lle chaman aos anos os chinos, coñecendo o seu horóscopo. Así descubrimos que o 2023 é o ano do coello de auga, que será o 2024? Cando chegue o saberemos 

Ademais vimos que animal era o ano no que nós nacemos e o deixamos rexistrado. Escribimos o noso nome e pegamos o animal que o representaba.

Ademais anotamos o significado que ten para a cultura china o coello e a auga: paz, traballo e saúde.

Tamén tivemos tempo para xogar ao bingo de outono. Tivemos que estar moi atentos!!!

Esta semana coñecemos á auxiliar de conversa ca que vamos a familiarizarnos máis co inglés.

E como traballamos coas mans? Pois con pinchos desenvolvendo a nosa creatividade.

Desfrutade da ponte!! Vémonos o luns!!