CEIP PLURILINGÜE A LAXE

En Infantil estivemos coñecendo dous contos e traballando coas súas historias: en "Los versos del libros tonto" puidemos coñecer diversas historias sobre unha veleta, unha serea e ata unha voda. Despois falamos de como nos sentimos con esas historias e fixemos tres equipos: o do amor, o da calma e o da ledicia e fixemos un debuxo que representase esas emocións. Con todos eles elaboramos un libroo de artistas moi bonito e especial.

Ademais tamén limos o libro "Versos de cuento" onde aparecen historias sobe vampiros, meigas e fadas, que nos encantan tamén polas súas rimas. Nesta ocasión, fixemos dúas actividades: unha de relaxación e outra de baile no que tiñamos que estar moi atento á lectura dos versos para poder facer os sons dos intrumentos que nese poema aparecían.

Na clase dos pequenos de A Laxe xa realizamos diversas actividades dentro do programa de Educación Responsable para traballar a resolución de dificultades que nos podemos atopar no día a día, ademais da toma de decisións, e tamén elaboramos a nosa fábrica de bicos para traballar as emocións.

   As actividades realizadas neste senso permitíronnos traballar aspectos do desenvolvemento afectivo como a identificación e expresión emocional, a empatía e a autoestima; do desenvolvemento cognitivo, como o autocontol, a toma de decisións e actitudes positivas hacia a saúde; e tamén do desenvolvemento social, como habilidades de interacción, de autoafirmación e de oposición.

   Este curso os nenos e nenas de infantil realizamos varias actividades dentro de LEE (Lectura e emocións) coas que coñecimos a un mago e desfrutamos da lectura de dous libros "Historia de ratones" y "No te vayas", ademais de elaborar o noso emociómetro.