CEIP PLURILINGÜE A LAXE

Ola familias!!

Vaia semana tan intensa tivemos. E tamén triste por ter que despedirnos de Ana.

Aquí vos amosamos todo o traballado durante estes días.

Comezamos o luns cunha proposta sensorial e de creatividade posto que tivemos que ser xardineiros/as e decorar macetas con flores e como terra tivemos que botar lentellas, traballando así os trasvases.

Como propostas de lóxicamatemática, os peques da clase tivemos que ordenar cartas da baralla contando os elementos que había en cada unha, afianzando o conteo e a didentificación de números.

Os maiores completamos as flores numéricas, traballando o anterior e posterior e sumas e restar decenas.

E os peques de 4 anos completaron un gusaniño ao que lle faltaban números.

Tamén rematamos as nosas flores para o día do libro, pois este ano fixemos unha versión da flor de San Jordi e nós fixemos unha margarida, pintándoa da cor que quixéramos (toma de decisións) e escribindo nunha folliña o día que se celebraba e o ano.

En canto ao proxecto dos volcáns, nesta ocasión fixemos un experimento creando o magma,e vendo como pasa por cada unha das parte do volcán, así repasamos o traballado a semana pasada.

E como proposta de arte decoramos unha bolboreta con grafismos creativos escollidos por nós, o que supuxo aprender a facer algún novo e así avanzamos na realización de novos debuxos.

Outra das actividades para celebrar a Semana do Libro e que fixemos cos nosos compañeiros/as de primaria foi recomendar o noso libro favorito e para iso debuxamos a súa portada, escribimos o título e pintamos unhas estrelas segundo nos gustaba moito ou pouco.

E compartimos momentos especiais cos apadriñamentos lectores, onde os maiores lles leron as máis peques do cole.

E aquí vedes como expuxemos as nosas recomendacións de libros no mural de Bookflix.

Seguimos co flipbook das flores, nesta ocasión coñecemos o lirio e tivemos que debuxalo e formar o seu nome poñendo selos de letras de cores, sempre a actividade adaptada ao nivel do alumnado.

Outra das actividades foi debuxarnos e traballar a representación do esquema corporal, decorando despois o marco.

Esta semana tivemos unha proposta de minimundo relacionada coa primavera e pudiemos crear e manipular un material novo.

Tamén realizamos outra proposta de lóxicamatemática. Os maiores completamos os crucinúmeros, os peques de 4 anos colocamos osiños de cores dentro da táboa do 100 nos números que dicía a mestra, e os peques de 3 anos contamos elementos nunha tarxeta e poñiamos unha pinza no número correspondente, traballando conteo, motricidade fina e identificación de números.

Para rematar o mes da saúde, falamos da importancia de facer deporte e exercicio e nesta ocasión bailamos seguindo os pasos dunhas coreografías.

Os xoves nos xuntamos os peques de 4 e 5 anos das dúas aulas de infantil e esta semana traballamos a entrevista, entrevistando a un compañeiro/as realizándolle as preguntas da folla e deixando rexistro, traballando a expresión oral e a lectoescritura.

E rematamos a semana traballando as nosas mans coa plastilina.

Traballando a creatividade decorando un arco da vella con pompóns de cores.

E como proposta de lectoescritura tivemos que poñerlle o nome a unhas imaxes que había nunha folla buscamdo dito nome nuns carteis que estaban repartidos pola aula. Os peques de 3 anos tiñan que buscar a súa inicial.

E por último limos o conto de "Vivan as uñas de cores" e despois pintamos uñas traballando a concentración, a atención, a coordinación óculo-manual.

Logo seguimos vendo a película dos Octonautas e o Cinturón de fuego.

E como di o título desta publicación, esta semana tamén foi de despedida. A profe Ana rematou a súas prácticas e tivo que marchar, algo que nos puxo moi tristes porque a queremos moito e a imos botar de menos.

Ana queremos dicirte que foi un privilexio terte con nós, aprender de ti, compartir momentos contigo e que tes un lugar no noso corazón para sempre. Querémoste e sabes que poder vir cando queiras. Esta sempre será a túa clase.

Ola familias!!!

Esta semana as propostas xiraron entorno á primavera, a comida china e a comezar a preparar algo para o Día do Libro, que é a vindeira semana.

Nunha das propostas estreamos un material novo: xardín de flores. A mestra deunos unha opción, pero nós desenvolvimos a nosa creatividade e fixemos marabillas.

Tivemos na clase unha carreira de insectos para traballar aspectos da lóxicamantemática como a subitización, o conteo, a identificación de números, pero tamén o respecto das normas do xogo e o turno.

Seguimos coa lóxicamatemática, e os peques da clase tiveron que contar os elementos plantados na horta e identificar o número, asociando así a grafía- cantidade.

E os de 4 e 5 anos traballamos a descomposicón de números, pero duhna forma diferente ás casiñas. Nesta ocasión con flores e o dominó. Así no centro da flor había un número e nós tiñamos que atopar as ficha de dominó que representaban ese número. Canto coteo, subitización, atención, concentración...

E como traballamos as nosa mans? Pois as pipetas son unha ferramenta que nos fai traballar moito coas mans, aínda que no sexamos conscientes diso. E como nos gusta moito desconxelar, nesta ocasión tivemos que liberar do xeo elementos da natureza como follas, flores...

E seguimos co proxecto dos volcáns. Esta semana coñecimos as partes. Nunha pequena maqueta do interior do volcán démolles nome as partes e as coloreamos.

Como proposta de arte traballamos a simetría completando o corpo dunha xoaniña.

E máis traballo de mans collendo bichos escondidos nunha mesa sensorial de lentellas e clasificándoos por cores, traballando outro aspecto tan importante como é a clasificación.

Esta semana tocounos a nós ir a regar ao invernadoiro as leitugas.

E a vida práctica está presente en todo momento dentro da aula: que nos caen lentellas ao chan pois as recollemos coa vasoira e o recolledor.

Como vos dicimos ao principio, a semana que ven é a Semana do Libro e nós xa comezamos a preparar algo, que veredes rematado prontiño.

Tamén estivemos decorando a bata da profe Ana estampando esponxiñas con formas.

E esta semana coñecimos un pouco máis de China, nesta ocasión a súa gastronomía: arroz, té, galletas da sorte... E estivemos traballando os trasvases de líquidos servindo o té, manipulando e preparando platos de arroz, preparando comida para levar, pero nesta ocasión eran pompóns para traballar a pinza e tamén intentamos facer galletas da sorte, pero non nos saíron. E non pasa nada porque isto tamén é unha aprendizaxe: ás veces as cousas non saen como nos gustarían e non pasa nada. Equivocarse non é malo e o que temos que facer é non rendirnos e seguilo intentando, e iso é o que imos facer porque imos ver en qué nos puidemos equivocar e imos intentar facelas outro día. 

Ola familias!!!

Esta semana chegou o bo tempo e iso nos gusta moito. Ademais seguimos avanzando no proxecto dos volcáns e realizamos actividades sobre a primavera.

Tivemos propostas de lóxica matemática como esta nas que os peques da clase tiñan que poñer tantos amorodos como indicaba o número, traballando así grafía-cantidade e a motricidade fina.

Os maiores seguimos avanzando nas sumas e restas.

E os peques de 4 anos reforzamos formar números con deceas e unidades.

Ademais rematamos iso que comezamos a semana pasada e que algún non o puidera facer. Xa sabedes o que é? 

Unha das propostas de arte desta semana foi facer flores. O primeiro que tivemos que facer foi marcar o contorno dos pétalos con rolos de papel hixiénico e témpera de cores, traballando a concentración, a atención o control óculo- manual...

E seguimos coñecendo moito de China, nesta ocasión os medios de transporte. Sabíades que teñen unhas bicicletas moi chulas cunha especie de sofá detrás?

Con relación ao proxecto dos volcáns, esta semana coñecimos a profesión de vulcanóloga/o e os utensilios que necesita para realizar o seu traballo. Despois o maiores da clase intentaron ler unhas tarxetiñas co nome deses utensilios e poñelas debaixo do obxecto correspondente, iniciándose así na lectoescritura. E os peques de 3 anos formamos o nome deses utensilios.

E como di o título desta entrada do blogue, esta semana houbo actividades sobre as flores e imos realizar un flipbook con algunhas delas, así que o primeiro que fixemos foi a portada formando a palabra "flores" buscando as letras en xornais, recortándoas e pegándoas, traballando a lecto escritura, as tesoiras, a concentración, a atención...

Para realizar outra das propostas de lectoescritura tivemos que usar a ruleta. Así fixémola xirar, anotamos a letra que saía e escribimos unha palabra que comezase por ela.

Os máis peques seguimos afianzando esa conciencia fonolóxica, tan importante para a iniciación na lectoescritura.

Esta semana tamén pintamos con rotulador unha imaxe en madeira relacionada coa primavera, pero antes tivemos que escoller unha entre todas, estando moi presente a toma de decisións, aspecto importante na nosa vida.

E seguimos coa lóxica matemática: os maiores formaron a táboa do 100 por parellas (traballando en equipo) e logo por turnos tiñan que atopar o número que lle indicaba o compañeiro/a.

Outro grupo afianzamos as sumas.

E os máis peques seguimos interiorizando a grafía dos números, pero esta vez con osiños de cores.

Esta seguimos traballando a saúde. Nesta ocasión falamos da importancia de levar unha alimentación saudable. Despois elaboramos un nutriplato cos alimentos e proporcións que ten que ter e outros compañeiros/as botaron unha partida ao xogo da hixiene bucal.

E chegou o venres, día no que as propostas foron de lectoescritura formando as palabras da imaxe con este xogo que temos na clase.

Rematamos o debuxo das flores que fixemos o luns porque tivemos que esperar a que secara a témpera. Nesta ocasión coloreamos con cera o interior dos pétalos intentando non saírnos, polo que tivemos que estar tranquilos/as e concentrados/as. Para finalizar lle fixemos o talo e se queriamos as follas.

E co bo tempo que fixo saímos a merendar fóra.

Esta semana limos o conto do "El hotel para bichitos" que trata o respecto aos demais porque todos somos diferentes e iso fainos únicos/as. Logo, como sempre, fixemos un debuxo sobre a historia.

E para rematar a semana comezamos a ver a película dos Octonautas e o cinturón de fuego na que fala dos volcáns.

Boa fin de semana!!!!

Ola familias!!! 

Despois das vacacións volvemos coas pilas cargadas e preparados para afrontar este terceiro trimestre con enerxía.

Seguimos realizando na asemblea diversas actividades, entre elas as que teñen que ver coa lóxicamatemática.

Cando nos marchamos era marzo, pero voltamos en abril, entón tiñamos pendente facer o rexistro do tempo de marzo, e iso fixemos.

Esta semana houbo unha novidade no recuncho da casiña: agora temos unha casa da árbore coa que por suposto nos estivemos familiarizando.

E a profe nos puxo unha noticia sobre a erupción dun volcán e así descubrimos que este trimestre imos coñecer máis sobre eles.

Rafa nos trouxo un pedra volcánica do Teide e puidemos manipulala.

E comezamos con algo moi chulo que imos preparar, vos imaxinades que pode ser?

Como proposta de lectoescritura estivemos traballando o vocabulario da primavera, como sempre todo adaptado ao ritmo de cada un/unha. Nesta ocasión tiñamos que formar o nome das imaxes que aparecían nunhas tarxetas.

E o luns foi o Día das Artes Galegas, que este ano se lle adicou a Francisco Asorey, un escultor. Despois de coñecelo nos convertemos en escultores/as e creamos as nosas propias esculturas: unicornios, coches...

Como proposta sensorial tivemos que coller con pinzas unhas xoaniñas que había entre "herba". Traballamos moito a motricidade fina sen ser conscientes.

Outra das novidades desta semana foi este novo material: plus plus, cos que nos estivemos familiarizando de forma libre.

Ademais tivemos moita sorte de ver xogar ao noso compañeiro Antón de 1º cos seus compañeiros/as de hóckey. 

En valores, este mes llo adicamos á saúde e esta semana reforzamos a importancia dun bo lavado de dentes e un equipo xogou a un xogo de mesa sobre este tema, traballando tamén o respecto polo turno, o conteo...

Outra das propostas de lóxicamatemática foi, para os de 3 anos, traballar a grafía dos números poñendo fichas de cores sobre os número seguindo a súa direccionalidade.

Os peques de 4 anos tivemos que colocar as fichas de dominó no seu lugar. En primeiro lugar identificando os seus puntiños, pero logo vendo só os números tendo que asociar a grafía cantidade.

E os maiores realizamos sumas un pouquiño máis complicadas, posto que nos demos conta de que nos pasabamos de 10 nas unidade e tiñamos que cambialas por unha decea.

Outra das propostas foi traballar a direccionalidade cos insectos. Tiñamos unha plantilla na que buscabamos o insecto do que partir, traballando así a atención; despois seguiamos as flechas (direccionalidade) e viamos a que insecto chegábamos, buscando o seu debuxo.

O conto desta semana foi "Wanda y la abeja misteriosa" de Paula Merlán, unha historia fermosa que nos fala da aventura desta cadeliña por seguir a unha abella e na que coñece a unha amiga que se queda para sempre con ela no seu fogar. Así falamos da responsabilidade que supón ter unha animal na casa e que podemos facer se queremos adoptar un/unha.

Despois fixemos un debuxo da historia.

Os peques de 4 e 5 anos esta semana reforzamos a descripción, debuxando segundo as características que nos ía dicindo a mestra. Depois comprobamos se se parecía o noso debuxo ao  orixinal.

Ata a próxima semana!!!