Regueifas para o alumnado do terceiro ciclo

Hoxe tivemos o pracer de compartir con Luis "O Caruncho" e Pinto d'Herbón un obradoiro de regueifas organizado pola Concellería de Normalización Linguística do Concello de Vigo para potenciar o noso Galego.

Acompañados de zanfona e con moi imaxinación arrincaron cunha regueifa:

Explicáronnos que  as regueifas ou Pan de voda son unha estrofa ou copla popular onde hai unha rima asonante ou consonante entre os versos 2º e 4º, cun ritmo moi pegadizo.

Fixemos as nosas propias regueifas; aprendemos moito; pasámolo moi... moi ben; e sobre todo practicamos o noso Galego dun xeito diferente.

Podédelo ver no seguinte vídeo e reportaxe fotográfica:

Moitas grazas a todos e todas, os que facedes posible este tipo de actividades!

A voltas coa Lingua

O alumnado de 3º e mais 2º B participou nunha actividade chamada "Ludoteca lingüística". Dun xeito lúdico, fixeron distintas probas para combater un "virus" que paraliza a lingua cando queremos falar no idioma galego. Pasárono moi, moi ben.

E para finalizar unha foto de familia.

Hoxe día 11 de Outubro, os nenos e as nenas de 5º, participamos nun obradoiro titulado: CAMIÑO DA LINGUA, cuxo obxectivo principal foi achegarnos un pouco máis a lingua galega. Fixemos varios tipos de xogos e concursos, aprendimos cousas sobre a nosa cidade, xogamos cos refráns e as adiviñas... por suposto, utilizando a nosa lingua. Pasámolo realmente ben. Moitas grazas as monitoras Ana e Patricia.

POR LUZ SALVADOR

Dentro do noso proxecto "Un bosque para ler e navegar", o curso pasado cada grupo-clase apadriñou unha árbore do noso patio. Este ano, novamente dirixidos polo mestre Victorio, queremos completar esta  actividade facendo  un calendario co seguimento da evolución das árbores, observando directamente as mesmas, o longo de todo o curso. A primeira toma de datos a fixemos no mes de novembro:

(Lembra que para velo a pantalla completa debes premer no cadrado superior)

No seguinte enlace podes recordar a actividad: "Apadriñamos unha árbore"

O noso proxecto "Un bosque para ler e navegar" estanos ofrecendo unha morea de posibilidades, esta vez cada grupo clase do colexio acompañados polos seus mestres e polo profe Victorio, apadriñaron unha árbore. Como? pois... aprendendo as singularidades de cada unha das especies que temos no noso frondoso patio e deixando preto de cada árbore unha ficha técnica da mesma.

Na seguinte reportaxe fotográfica podedes ver a cada clase coa súa árbore.