Ás nenas e aos nenos de 5 anos gústanos ver os animais vivindo en liberdade. Así que decidimos representar ao "Circo do Sol" xa que non utilizan animais. Como aprendemos sobre todo mediante os nosos sentidos, mergullámonos no circo mediante as técnicas do artista Arno Stern e así utilizamos o tacto e a vista. A música do espectáculo "Alegría" fíxonos gozar co oído. As emocións que sentimos foron ledicia, pracer de crear, sorpresa e satisfacción polo resultado. Aprendemos que as actividades en grupo teñen algo especial. Non sería posible sen a colaboración de todas e cada unha das persoas que participaron. Grazas Rosa e Tere pola vosa axuda!

Hoxe, 8 de marzo, "Día da Muller traballadora" realizamos un acto sinxelo, pero moi significativo.

O alumnos e alumnas de 3ºB fixeron de mestres/as de ceremonias no salón de actos para cantar todos e todas xuntas o rap que tan maxistralmente compuxeron e interpretaron.

Nunha caixa preparada para tal fin, o alumnado de todo o colexio, deixou os seus debuxos sobre mulleres do circo.

Á hora da salida os familiares que se achegaron ó patio puideron contemplar algúns destes traballos.

Queremos que todos os días sexan 8 de marzo!

 O 8 de marzo celébrase o Día da Muller traballadora.

En 1911 algúns países (Dinamarca, Alemaña, Austria e Suiza) realizaron a primeira convocatoria deste día; non foi ata 1977 cando a ONU proclamou o 8 de marzo:

"Día Internacional por los Derechos de la Mujer y la Paz Internacional"

Porta decorada de 3º B, inspirada nunha obra de Botero

Este ano, atendendo o noso PDI: "Había unha vez...", aproveitamos un excelente traballo do alumnado de 3º B, que comparte con nós para este día. 

Rap: "As mulleres do circo son"

As mulleres no circo poden ser

todo aquilo que elas queiran ser.

As mulleres do circo presentan a función,

ao final do acto apluidimos un montón.

Si, mulleres no circo hai

sendo trapecistas e domadoras de leóns.

As mulleres do circo magas son

sacando os coellos de chisteiras de cor.

Bailarinas son e comezan a bailar,

non paran de xirar, de xirar e xirar.

As mulleres do circo acróbatas son

moi boas saltando e volteando ao chou.

Coas pallasas a función podes asistir

e xa verás como non paras de rir.

As mulleres do circo son...

As mulleres do circo son...

Grazas por compartir o voso traballo!

Mañá todas e todos subiremos ó salón de actos a cantar este rap!

 O Equipo Tic recoméndavos os seguintes enlaces  ::

	LIM da nosa compañeira Belén Junquera de "Casa de tol@s"
	A nosa compañeira, Nela Abella, comparte este lim sobre muller e ciencia
	Tamén de  Nela Abella, e  este Lim sobre Clara Campoamor
	En LIM  tamén, Clara Campoamor e o inicio do voto feminino. Para o 3º ciclo de primaria
	Para Educación Infantil e 1º ciclo A nosa compañeira Ana Martínez, para traballar o tema da igualdade libro lim sobre un POEMA de CARMEN GIL, titulado POEMITAS DIVERTIDOS.

O 24 de febreiro a nosa comparsa "Había unha vez...o circo", que con tanto esmero estivemos a preparar, tomou as rúas do noso barrio. Coellos saíndo de chisteras, pallasos, mimos, Fofitos, magos, emocións e nenos e nenas anuncio desfilaron para os seus familiares e veciños.

Antes de saír á rúa posamos cos nosos disfraces:

Preparándonos nas aulas antes do desfile, reportaxe fotográfica feita polo alumnado de 6º: