Nesta ocasión, e gracias a COGAMI, o alumnado de 1º, 2º, 5º e 6ºEP disfrutou dunha amena sesión de toma de conciencia das dificultades diarias ás que se enfrontan as persoas con discapacidade.

Coincidindo co Día Europeo do Voluntariado e a Semana de actividades encamiñadas a sensibilizar a sociedade sobre as dificultades das persoas con discapacidade, realizamos unha actividade co alumnado de 3º e 4º de EP, coa colaboración do Voluntariado Miúdo do colexio, integrado no Plan Proxecta. O alumnado comprobou as dificultades das persoas con discapacidade motórica , podendo valorar o esforzo e as dificultades as que se enfrontan cada día.

Nesta primeira semana de decembro de 2015 realizamos diferentes actividades co alumnado para  achegarlles o día a día das persoas coas que convivimos, e que teñen algunha discapacidade. Nesta ocasión contamos con dúas accións diferenciadas; por unha banda a Fundación Abrente desenvolveu a actividade do Proxecto ENKI que patrocina a Fund. María José Jove relacionada co deporte adaptado, dirixida ao alumnado de 6ºEP. Por outra banda a especialista en linguaxe de signos, Ana Espinosa, realizou actividades de contacontos para infantil, 1º e 2º. Agardecémoslles dende aquí a implicación e o esforzo desinteresado nestas actividades.

No marco de mellora da convivencia escolar nos centros educativos galegos realízase unha recollida de datos masiva que ten por obxecto detectar cal é o clima escolar da nosa comunidade e guiar as accións de mellora que foran necesarias para establecer o novo Plan de Convivencia en cada colexio.

Para isto, todos os membros da comunidade educativa(alumnado de 5º e 6º, profesorado, familias e persoal de administración e servizos) terán a oportunidade de participar nesta masiva recollida de datos, a través dos formularios correspondentes e utilizando a clave aleatoria que contén a folla recibida no Colexio. Tedes ata o 30 de novembro e podedes acceder facendo clic na imaxe de abaixo.

Grazas pola participación e colaboración.

Tras 38 anos de traballo como mestra e orientadora, Mercedes acaba de poñer punto e final a súa traxectoria profesional na docencia. Queremos aproveitar para agradecer públicamente o seu traballo neste Colexio, recordando, ademáis, que era a única profesional en activo das que inauguraron o Colexio en 1992. Desexámoslle unha merecida xubilación chea de saúde e felicidade. Moitas gracias COMPAÑEIRA!! e moitos parabéns.

Para conmemorar o Día Mundial das Persoas con Discapacidade, este curso decidimos realizar unha actividade na que o alumnado tivo a oportunidade de experimentar coas sensacións, e sobre todo limitacións das persoas con discapacidade visual, motriz ou da linguaxe. Todos, dende 3 anos a 6º de Primaria   realizaron un circuito axudados polos propios compañeiros. Esta actividade, un curso máis, organizouna o Equipo de Dinamización da Convivencia do Colexio, coa colaboración dos profes de educación física.

 Durante esta semana, derradeira de maio, celebramos a Semana da Interculturalidade. Trátase de facer visible ante o alumnado a existencia de  compañeiros de diferentes nacionalidades e culturas, poñendo en valor as súas tradicións, música, xogos, comida, etc. Actividades que van dende a elaboración dun mural conmemorativo, pasando por contacontos na biblioteca o venres, exposición de libros sobre a diversidade das diferentes culturas no mundo, xogos do mundo o xoves, actuación dun grupo africano o mércores, así como outras actividades a desenvolver nas aulas coa axuda do departamento de Orientación, promotor desta actividade.

Presentación "Paises do Cole"

Bandeiras

Este curso adicamos a conmemoración anual con motivo do Día Mundial das Persoas con Discapacidade a aquelas que teñen limitada a súa capacidade visual. Todo o alumnado de primaria e algúns de infantil tiveron a oportunidade de realizar un circuito cos ollos vendados, poñendose así, por uns instantes, na pel das persoas con discapacidade visual.