O pasado mércores, día 5 de xuño, un numeroso grupo de actrices e actores do noso colexio estreou, por fin, a obra que levaban preparando desde comezo de curso.
No nome dos coordinadores deste proxecto queremos...
Ante todo, felicitar A TODOS OS ACTORES E ACTRICES QUE ESTÁN PARTICIPANDO NESTE PROXECTO, tanto aos que tivestes a sorte de ver no impresionante escenario do Calvo Sotelo; como a todos
os que non puideron actuar alí, pero que van deleitarnos, en próximas datas, no noso moi mellorado escenario do Emilia.
Todas e todos demostraron que non só son grandes actrices e actores; senon que, o que é máis importante, teñen unha grande capacidade de esforzo, autocontrol, valentía, gañas de facer as cousas ben e habilidade para traballar en equipo.
Todos os profesores estamos moi orgullosos deles!
En segundo Lugar, queremos agradecer encarecidamente aos organizadores do Certame Candilejas, que nos proporcionaron tan espectacular escenario e nos deron todas as facilidades para poder levar a cabo esta obra.
Por suposto,
queremos dar as gracias a todo o público que nos acompañou e animou. A súa presenza e apoio axudounos inmensamente.
E non podemos rematar este artigo sen agradecer, de corazón, a súa axuda a todo o CLAUSTRO DE PROFESORES e persoal non docente do centro. TODOS (profesores, administrativo, persoal de conserxería e persoal de limpeza) colaboraron, dun xeito ou doutro nesta macro empresa: arranxando vestiario, pintando decorados, cosendo telóns, axudando nos ensaios, engadindo moitas horas á súa xornada laboral, de xeito totalmente altruista, maquillando, axudando a vestir, colocando decorados,cosendo, doando roupa, etc., etc.. etc,)
Realmente esta foi unha verdadeira labor de equipo.
Sen todos e cada un de vós, isto non sería posible.
GRACIAS A TOD@S!
Se queredes ver as fotografías dos grupos participantes no certame, así como ler ou facer comentarios sobre as obras; só tedes que entrar nesta páxina :
www.certamendeteatrocandilejasdonbosco.blogspot.com.es
