Educación Infantil

UN POUCO DE DEPORTE

Mér, 06/05/2020 - 12:02 — afconde

Os organizadores do Plan Proxecta da Xunta de Galicia envíannos esta proposta para quen queira seguila. Son unha serie de vídeos semanais para facer algo de actividade física mentres vivimos esta situación. Está máis enfocado a alumnos de Primaria, pero vendo os vídeos vemos que é moi sinxelo adaptalas aos máis pequenos.

A continuación podedes ler a mensaxe e ver o link onde están as actividades:

A/A centros participantes nos programas Aliméntate ben e PDC

A Dirección xeral de Educación, Formación Profesional e Innovación Educativa pon en marcha a iniciativa “Móvete connosco na casa”. Unha programación semanal relacionada coa actividade física e as técnicas de relaxación para axudar aos escolares de educación primaria a a manter a calma e seguir protexendo a saúde durante o tempo de confinamento.

Os vídeos constan dunha serie de actividades físicas cunha duración de 15 minutos aproximadamente, deseñadas para ser desenvoltas na casa, sen apenas material específico e dunha maneira sinxela, divertida e significativa.

É fundamental que, nas idades máis temperás onde se adquiren os hábitos, o noso alumnado continúe con rutinas de traballo físico que incidan sobre os compoñentes da condición física para a saúde (Resistencia Cardio-respiratoria, Forza-resistencia muscular, flexibilidade e composición corporal), combinadas coas habilidades motrices e coordinativas.

Podedes atopar máis información sobre esta iniciativa na seguinte ligazón: http://www.edu.xunta.gal/portal/moveteconnosconacasa

Esperamos que vos sirva de axuda! Moito ánimo!

VÉMONOS PRONTO!!!

anterior posterior

blogue de afconde

XOGOS PARA ESTES DÍAS DE CONFINAMENTO

Lun, 27/04/2020 - 17:32 — afconde

A continuación deixámosvos o link onde podedes atopar actividades como as seguintes:

Estas actividades son de Nestlē: https://www.nutriplatonestle.es/nutrinanny/juegos-para-ninos.html?utm_source=BdD&utm_medium=email&utm_content=D2_CTA_NuevasActividades&utm_campaign=Nutriplato_NewPlan_Abril_2004

anterior posterior

blogue de afconde

MAIS LIBROS INTERESANTES

Ven, 17/04/2020 - 23:29 — mppa

Con tódolos libros que buscaramos cando comezamos o proxecto, e para todo o tempo, aínda atopamos algúns máis, interesantes.

Esperamos que tamén vos sirvan, estes e outros, para estes momentos que temos que estar na casa.

Moito ánimo! Vémonos pronto!

anterior posterior

blogue de mppa

SOMOS COCIÑEIROS

Ven, 17/04/2020 - 22:57 — mppa

Case se nos esquece ensinarvos por aquí un traballo que fixemos antes de rematar presencialmente o cole. Seguro que vos encanta!

Con tanta alimentación saudable, preparámonos para ser uns bos cociñeiros.

E preparámonos de tódolos xeitos, imos contar os ingredientes que nos fan falla.

anterior posterior

blogue de mppa

RECEITAS PARA A CASA

Ven, 17/04/2020 - 11:33 — afconde

Ola familias, debido a esta situación que estamos a vivir, o noso proxecto quedou un pouco parado, pero imos continuar, xa que non faltan os ánimos nin as ideas.

A continuación deixámosvos unha recompilación de ideas, algunhas delas tiñamos pensado facelas nas aulas, pero xa que non pode ser así, esperemos que vos animedes a facer algunha na casa, éstas ou outras similares.

Estamos xa en primavera, e por sorte temos moita froita rica desta época do ano.

Se alguén quere enviarnos algunha creación, pode facelo ao seguinte correo: epbinfantil@gmail.com, poñendo no asunto: receitas con froitas.

Moitos ánimos!!! Vémonos pronto!!!

Xa chegan os primeiros preparados artísticos con froitas...

unhas caras...

un sol...

un tren...

Qué boa pinta teñen, deben estar boísimos!!!

anterior posterior

blogue de afconde

CULTIVAMOS A NOSA HORTA

Lun, 30/03/2020 - 23:49 — mppa

Imos plantar a nosa horta, e levamos todo o que precisamos para facer a nosa plantación. O carro coas ferramentas, as sementes e as regadeiras.

Xa estamos preparados para sementar.

Primeiro, retiramos un pouco a palla para ver ben onde facer os buratos para poñer a semente.

Despois, poñemos a semente en gran ou planta.

Para despois tapar con terra, a semente ou as raíces da planta, para que prenda ben.

Cando rematamos, voltamos poñer a palla para que non medren as malas herbas...

...e regamos.

Agora toca agardar a que medren, e regar de vez en cando.

Plantamos porros, allos, cenorias, brócoli morado, leitugas, rábanos, cale, acelgas, fabocas, escarola.

Así de estupendo nos medrou, e xa toca recoller os froitos do noso traballo para probalos.

Qué bos estaban!!!

anterior posterior

blogue de mppa

ARTE CON FROITAS E VERDURAS

Ven, 27/03/2020 - 12:30 — afconde

Giuseppe Arcimboldo foi un pintor italiano que debuxaba os seus cadros a partir de froitas, verduras, plantas e animais. Nós propuxémonos facer algo similar. Aquí podedes ver o resultado.

Iniciamos esta actividade coas láminas de Arcimboldo.

Despois comezamos coas coas nosas creacións.

Estas foron os resultados.

anterior posterior

blogue de afconde

EDUCACIÓN INFANTIL NA CASA

Mar, 17/03/2020 - 13:29 — carloscouceiro

FACEMOS FROITAS E VERDURAS CON PLASTILINA

Mar, 17/03/2020 - 12:15 — afconde

Como xa sabedes somos uns artistas, así que nesta ocasión fixemos froitas e verduras con plastilina. Por certo, sabemos como se chaman todas elas!

anterior posterior

blogue de afconde

BATIDO DE CAMPIÓNS E CAMPIOAS!!!

Mar, 17/03/2020 - 12:10 — afconde

Para facer esta receita eliximos as 2 froitas máis populares, plátano e o amorodo. Ademáis escollimos unha verdura que nos aporta moita enerxía, as espinacas.

Primeiro fixemos o batido coas froitas, estaba delicioso! O plátano e o amorodo son unha mestura moi saborosa, cremosa e cunha cor vermella moi bonita, a todos nos encantou!!!

Despois fixemos o mesmo batido, engadindo tamén as espinas. A cor mudou un pouco, porén o sabor era case o mesmo porque as espinacas non fan que saiba diferente. Nesta ocasión estabamos algo reticentes para probar, pero como somos moi valentes probamos e a moitos de nós encantounos. É unha forma de consumir verdura moi fácil!