Biblioteca, Animación á lectura, Recomendámosche

Onda Ti

Mar, 01/12/2020 - 19:04 — admin

O noso estudo de radio segue a pleno rendemento e preparando o programa de decembro. Hoxe foi Isabel Naveira, actriz de series tan coñecidas como Mareas Vivas, Matalobos, Serramoura... na TVG e Fariña, Las chicas del cable , Néboa... a nivel nacional, entre outras moitas, a que se atreveu a contestar as nosas preguntas e que nolo puxo moi fácil.

Moitísimas grazas pola túa colaboración e a túa visita

Onda Ti

Mér, 11/11/2020 - 17:10 — admin

Unha das actividades máis motivadoras e que nos uniu durante ese longo confinamento, foi o noso programa de radio Onda Ti. Esperabamos con ansia o domingo pola mañá para poder escoitarnos e sentirnos un pouquiño máis preto e que rematou cando xa nos podiamos ver e saír de novo.

A entrevista á nosa Alcaldesa, Inés Rey, foi o remate desa primeira tempada e con ela quixemos comezar esta nova, pero agora en directo, no noso recentemente estreado estudio de radio.

Hoxe puidemos realizar esa entrevista que poderedes escoitar a partir da vindeira semana na que publicaremos o programa que se foi preparando nos meses de outubro e novembro.

Moitísimas grazas pola túa visita!!!!

Escoitámonos en Onda Ti!

REMATADA A EMISIÓN DO PROGRAMA "ONDA TI" DA NOSA RADIO EMILIA NA ONDA

Dom, 24/05/2020 - 12:09 — carloscouceiro

Moitísimas grazas a Diego e a Manuel e ao resto de colaboradores por facernos levadeira a etapa de confinamento e darnos a posibilidade de achegarnos ao resto da comunidade educativa a través da radio en directo. Máis información na web da nosa biblioteca: https://bibliotecaepb.blogspot.com/

Todos os programas emitidos no seguinte enderezo:

https://www.spreaker.com/show/biblioteca-epbs-ondati

Día Internacional do Libro e o Dereito de Autor: lemos O Principiño

Xov, 23/04/2020 - 21:08 — carloscouceiro

Para celebrar o día do libro este ano a biblioteca escolar do noso centro fixo un enorme esforzo de recompilar os fragmentos da lectura multilingüe do famoso libro "O PRINCIPIÑO". Grazas a todos os colaboradores. Podedes ver o vídeo e toda a información na web da nosa biblioteca.

Novos álbumes de actividades de 5ºEP

Xov, 20/02/2020 - 21:09 — Anónimo

Publicamos dous novos álbumes do alumnado de 5º de primaria:

"EMILIA NA ONDA"

Mér, 18/12/2019 - 13:43 — admin

A nosa emisora de radio xa ten nome: "Emilia na onda"

Dentro do programa "Radio na Biblio" fixemos un concurso para escoller o logo e o nome da emisora do noso cole.

Despois de moitas deliberacións, a gañadora foi Martina de 4º EP.

No día de hoxe, mércores 18, fixemos entrega do seu agasallo que recibiu acompañada cos seus compañeiros e compañeiras que a premiaron con un forte aplauso.

NORABOA MARTINA!

OBRADOIRO DE ANÁLISE SENSORIAL DOS ALIMENTOS NO BLOGUE O GUSTO É NOSO

Xov, 21/11/2019 - 15:01 — carloscouceiro

O blogue "O gusto é noso" actualiza o contido coas imaxes dun obradoiro sensorial realizado en educación infantil. Premer na imaxe para acceder.

Presentación da autora Ana Alcolea do seu libro "EL RETRATO DE CARLOTA"

Lun, 25/02/2019 - 13:20 — carloscouceiro

Ana Alcolea estivo no noso centro para presentarnos a súa obra "EL RETRATO DE CARLOTA"

O alumnado de sexto estivo disfrutando coa lectura e moito mais coa súa presentación que foi moi interesante. Estamos encantados tendo o noso libro asinado pola autora.

Moitas grazas Ana. Galería de fotos.