Tras disputarse o Cross escolar celebrado na carballeira de Caritel, en Ponte Caldelas, algúns nenos/as do noso colexio clasificáronse para o Cross Provincial que tivo lugar o pasado sábado 1 de febreiro no Parque de Castrelos, en Vigo. A pesar de que a xornada estivo pasada por auga e algún contratempo cos dorsais, os nenos das categorías bexamín, alevín e infantil, disfrutaron dunha bonita experiencia en compañía dos seus familiares, que non deixaron de apoiar en ningún momento.

Aínda que tiveron algúns nervios iniciais, propios da competición, viviron en primeira persoa o que é competir con nenos/as de distintos niveis de toda a provincia de Pontevedra. 

Preparación para a saída...

...e a correr!

Últimos metros antes de chegar a meta!

Pais, nais, mestres e compañeiros están moi orgullosos de vós. Parabéns pola vosa capacidade de esforzo e superación. Unha experiencia inesquecible!

O pasado martes 21 de xaneiro, asistimos ao Cross escolar organizado pola Asociación Deportiva Terra de Montes. Nela participaron centos de nenos/as de diferentes centros da contorna (Campo Lameiro, Cerdedo, Soutelo, Tenorio, Ponte Caldelas, A Lama, Fornelos, etc.); e como non, os alumnos/as do CEIP Pedro Antonio Cerviño non podías faltar a esta cita tan esperada. Correron os nenos/as de 3º, 4º, 5º e 6º nas categorías mixtas de benxamín, alevín e infantil respectivamente. Despois de moito pospoñelo por mor da climatoloxía, quedounos unha bonita xornada na que disfrutamos da práctica deportiva e tamén da competión.

Antes de comezar tivemos que recoñecer o noso percorrido.

Tras un breve quencemento, o primeiro turno foi para os máis pequenos: os benxamíns.

Agora é o turno dos alevíns de 4º e 5º

Finalmente, os nenos/as da categoría infantil cerraron a xornada

E para rematar...tomamos unha taza de chocolate ben quentiño para repoñer forzas!

Para o ano repetimos seguro!

FinDeportivos en familia!

Como xa sabedes, dende a área de Educación Física creamos unha iniciativa que consiste en realizar actividade física en familia no tempo libre, especialmente durante as fins de semana. O obxectivo non é outro que incrementar o tempo de práctica física entre o alumnado, ca intención de mellorar a súa calidade de vida, as súas relacións socio-afectivas e lograr que prime o movemento sobre o sedentarismo.

Aínda que acollida foi bastante boa no mes de novembro, esperamos que máis alumnos/as e familias se sumen a esta iniciativa, para que a práctica deportiva en familia se convirta finalmente nun hábito.

Recordarvos que aqueles alumnos/as máis participativos terán un pequeno agasallo ao finalizar cada trimestre.

Podedes ver as fotos deportivas do mes de novembro no noso "recanto findeportivo"

Fermosas fotografías e gran variedade de actividades deportivas. Se é en contacto ca natureza mellor!

Como tódolo anos por estas datas, xuntámonos todo o centro para conmemorar unha das celebracións máis fermosas da cultura e da tradición galega: O magosto. 

Despois de pospoñer a celebración do Magosto varias semanas por culpa do mal tempo, decidimos celebralo o pasado mércores 27 de novembro. A pesar de que non é o mesmo ca celebralo nun entorno excepcional como pode ser a área recreativa de San Antonio de Penalba, a xornada levada a cabo no centro resultou igual de divertida.

Ao longo da semana, o alumnado foi traendo candanseu puñado de castañas picadas e unha pouca leña para o asado e posterior degustación deste manxar tan esperado. Para gañarse un rico cono de castañas, os nenos e nenas do centro participaron nunha xornada de xogos populares e tradicionais coordinados polos alumnos/as de 6º. Mentres algúns compañeiros/as se encargaban de asar as castañas, os demais dedicámonos a xogar. Os xogos nos que participamos foron: a carreira de sacos, o pano, o aro-guía, lanzamento de aros, o xogo da culler, a soga-tira...,e como non, o divertido "come-castañas".

Velaí unhas cantas fotos da xornada de xogos populares.

Carreira de sacos/canguros para os de infantil. Aroa foi a encargada de dirixir e animar aos pequenos saltamontes!

Logo intentamos meter o aro no cono. Máis preto para os de infantil e máis lonxe para os nenos/as de primaria. Neste caso, Sara foi a coordinadora do equipo de infantil 2. 

No xogo da soga-tira había que deixar tódalas forzas!. Aitana encargouse de repartir aos forzudos e forzudas para que fose equilibrado.

Yaiza encargouse de cantar os números para que os nenos/as correran a polo pano!

Eva e Carla explicáronlles aos nenos e nenas de infantil como guiar o aro. Menuda habilidade teñen!

O xogo da culler e a castaña nunca defrauda!

Todos estaban esperando chegar ao "come-castañas". Diego encargouse de que as castañas foran por dentro!

Tras esta intensa xornada de xogos, tocaba degustar unhas ricas castañas para repoñer forzas.

Para o ano repetimos!

Calquera tipo de deporte sempre é ben acollido nas nosas claes de educación física, e cando se trata do atletismo aínda mellor!

Ao longo desta semana viñeron visitarnos os compañeiros do Clube de Atletismo Rías Baixas para acercarnos un pouquiño máis a ese interesante mundo do atletismo e as súas modalidades, tocando aspectos como técnica, as regras, o funcionamento das probas e como debemos organizarnos na xornada de atletismo en pista á que asistiremos posteriormente. 

Despois dunha breve explicación teórica, chegou o momento de practicar!

Agora é o momento de que poñan en práctica todo o aprendido nunhas instalación oficiais, para que se sintan como auténticos atletas. Tocou ir ao Centro de Alto Rendemento galego, en Pontevedra, onde se reuniron colexios de toda a contorna para desfrutar dunha xornada de sol e deporte.

Turno para os de lanzamento de peso!

Os atletas de salto de lonxitude xa están preparados!

Turno de Guillermo. Este rapaz ten madeira!

É o momento de correr! Chegan os 60 e 500 metros lisos

Mentres tanto, no outro lado da pista comezaban os lanzamentos de xavelina ou vórtex. Menudos lanzamentos!

...e para rematar, todo o colexio participou nunha carreira de relevos do máis divertida. Velaí unhas instantáneas no momento xusto de entragar o testigo!

Yaiza está moi concentrada para a saída!

Boa mañá para vivir novas experiencias, compartir e desfrutar; sempre da man do deporte! 

Este último trimestre ímolo dedicar a coñecer e a practicar deportes coñecidos e outros que nin saben que existen. Un deles e o Baloncesto, un deporte que nos permite traballar multitude de aspectos importantes nas nosas clases, ademais de ser unha toma de contacto para darlle continuidade fóra do horario escolar. 

Nesta ocasión démoslle un enfoque teórico-práctico, tendo que recopilar información para crear unha presentación e expoñerlla aos seus compañeiros

Na práctica, e cos máis pequenos, dedicámonos a facer xogos predeportivos relacionados co baloncesto.

Cos máis maiores, aprendemos a botar correctamente, a executar os diferentes tipos de pases, as regras básicas...e todo isto por medio de xogos, retos e competicións.

O partido é o momento máis esperado polo rapaces, pero tamén é o momento no que teñen que poñer en práctica todo o aprendido anteriormente.

Para finalizar esta unidade didáctica de baloncesto tivemos unha visita moi especial, Fabián e Ismael, os primos suízos dunha alumna de 5º cos que fixemos unha sesión divertida de entradas a canasta, concurso de mates e partido final.

Como vedes o deporte une e traspasa fronteiras! 

Xa case rematou este segundo trimestre...Pasou ben rápido pero as clases de educación física foron moi produtivas. Antes de afrontar no último trimestre temas máis divertidos para os nenos/as coma os deportes alternativos, xogos populares e actividades de orientación no medio natural, estivemos a traballar habilidades, capacidades físicas, bailes e xogos predeportivos que nos van a preparar para sacarlle moito partido ao último tramo do curso.

A continuación podedes ver algunhas fotos do realizado nas clases:

Velaí a Joaquín intentando darlle a "volta á tortilla" 

Tamén temos tempo para relaxarnos, escoitar a nosa respiración e pensar en lugares paradisíacos...ZzzZzz 

Neste xogo de forza os nosos alumnos/as tiñan que intentar desplazar as mans do compañeiro para derribalo

Traballo conxunto de forza e equilibrio tratando de desplazar ao contrincante lateralmente. Quen gañaría?

Nesta ocasión déusenos por representar números e letras cos nosos corpos.

Xogo ben divertido no que a galiña tiña que evitar que o "raposo" lle comera os "pitiños"

Aos nenos/as gústanlle moito os retos e as competicións pero para iso deben aprender a traballar en equipo

Este trimestre tamén fixemos moitos xogos para traballar o equilibrio con obxectos e a coordinación, pero non debemos esquecer concentrarnos moito! 

Noutras sesións aprendemos a reptar coma as serpes!! 

Como vedes, eles mesmos montan os seus propios circuitos de habilidades nos que logo practican. Imaxinámonos que cruzamos ríos sobre pedras, reptamos sixilosamente, pasamos areas movedizas, trepamos por lianas...

Agora un pequeno descanso para volver con máis forzas! 

O nosos rapaces e rapazas levaban moito tempo esperando, pero por fin comezou o deporte escolar!! 

Bonita mañá de disfrute a do pasado venres 23 de Febreiro en Tenorio, na que os nosos alumnos participaron nunha xornada de deporte escolar en colaboración cos nenos/as dese colexio. Moita participación por parte de todo o alumnado, levando sempre por diante valores como o compañeirismo, o traballo en equipo, o xogo limpo..., e como non, aprender a gañar e a perder.

Próxima parada: Forcarei!

Durante os meses de xaneiro e febreiro estivemos coñecendo e practicando iso do "acrosport". Era un terreo moi descoñecido para os nenos e nenas de 5º e 6º pero divertíronse, retáronse e motiváronse a medida que se lles ían propoñendo figuras cada vez máis complexas. Ao final fixeron un gran traballo.

De aquí saen auténticos ximnastas!!!

Recordade que podedes ves todas as foto no álbum de Acrosport.