Cando comezou o mes de febreiro, anotamos nos nosos calendarios online, unhas datas moi importantes. O día do desfile do Entroido e o día do obradoiro de disfraces, cando as nosas familias virían ás nosas aulas para axudarnos a facer o disfraz, nun obradoiro que teríamos que organizar antes de que viñeran.

Visionamos na web do colexio todo o que fixeramos na celebración do curso pasado, e descubrimos que este curso, sen restricións COVID-19, poderíamos recuperar o obradoiro de disfraces coas nosas familias.

Cada día da semana do Entroido, o Porcoespín Serafín, a mascota da biblioteca, foinos "mandando" traer posto algo diferente (cada un dos grupos de compañeiros e compañeiras do colexio, foron os encargados de escollelo).

Nós, en infantil, eliximos que viñeran todos co pixama posto o LUNS.

Despois de ir a buscar a "Serafín", escribimos un cartel anunciando a nosa decisión, que pegamos debaixo da mascota, para que todos e todas coñeceran o que mandaba traer.

Cada día, fomos a ver cal era a instrución, elixida polo resto dos compañeiros e compañeiras, anotándoo nunha nota que levamos para casa.

O luns os de infantil escollimos vir con PIXAMA:

O martes en primeiro e segundo decidiron que había que traer ALGO NA CABEZA:

O mércores en terceiro e cuarto acordaron que viñéramos con roupa dun FAMILIAR:

O xoves, os de quinto e sexto, pensaron que o mellor era que cada un trouxera posto un DISFRAZ: 

Cada día fomos pegando a fotografía de grupo, co que traíamos posto, rexistrando e escribindo o nome da instrución. Tan só quedaba o venres, que sería o desfile co noso disfraz de "emoción".

Para participar no desfile do Entroido, este curso todo o colexio iría disfrazado de "emoticonas" con emocións, así pois escollimos dez delas e logo, por sorteo, correspondeunos por parellas unha delas. Ese sería o noso disfraz.

Pero primeiro, antes de que viñeran as nosas familias a participar no obradoiro de disfraces, onde nos axudarían a facelos, tivemos que pintar os dous círculos do noso disfraz de cor amarela. 

Tamén previamente a que viñeran as nosas familias, a participar no obradoiro de disfraces, había que acordar, crear e escribir as instrucións de como facer o disfraz, para que os nosos familiares puideran lelas e seguilas o día do obradoiro. Fixemos unhas instrucións en cada unha das aulas.

Cando chegou o día que tiñamos marcada no calendario online, por fin viñeron as nosas familias a participar no obradoiro de disfraces que xa tiñamos organizado.

Nunha lista puidemos comprobar se nos tocaba na primeira ou na segunda quenda, buscando o noso nome, e vendo se estabamos antes (enriba) ou despois (debaixo) do recreo.

Xunto coas nosas familias, seguindo as instrucións, traballamos reo para facer os nosos disfraces de emocións... usando todo o material que xa tiñamos preparado e o modelo de emoticona que nos correspondera.

Encantounos poder traballar coas nosas familias na clase, e poder explicarlles cales eran os pasos que había que seguir para facer o disfraz.

Había que recrear a emoción, que nos tocara, na parte dianteira, e escribila na parte traseira. decorándoa como quixeramos. 

Grazas á colaboración das nosas familias, xa tiñamos os nosos disfraces listos, e agarandándonos para usalos no desfile.

Así de fantásticos quedaron os nosos difraces, unha vez rematados:

Cando chegou o día do desfile, que tiñamos anotado nos nosos calenadarios online, fomos recollendo os postres do Entroido, que trouxemos da casa para o fin de festa.

Fomos probando un anaco de cada un deles, e coñecendo os nomes dos diferentes postres típicos do Entroido, antes de xuntar os das dúas aulas, para deixalos listos para a festa posterior. Comentamos cales nos gustaban máis ou menos a cada un.

Tamén visionamos o percorrido que faríamos no desfile nun mapa na pantalla, e creamos a nosa pancarta para o desfile.

Quedou divertida.... verdade? 

Despois do recreo, e xa con todo preparado, percorrimos as rúas do concello no desfile do Entroido, acompañados e acompañadas polas nosas familias e os compañeiros e compañeiras de todo o colexio.

Cando rematamos de desfilar, xa de volta no colexio e como fin de festa, degustamos postres típicos do Entroido.

De seguido, podes ver o vídeo de ben que o pasamos durante o desfile polas rúas do concello.

Podes ver tódalas imaxes do desfile, e da festa posterior cos postres do Entroido, no seguinte álbum da galería fotográfica.

Álbum da galería fotográfica: (2022-2023) Desfile do Entroido 2023

Este mes, o noso experimento científico tivo que ver coa electricidade estática. O profe presentounos o material que iamos empregar e, cada quen, foi plantexando a súa hipótese do que se podía facer con el.

Seguindo as instrucións, frotamos o globo coa toalla e descubrimos que, papeis cortados en anacos moi pequiños voaban ata quedar pegados cando se achegaba o globo. Tamén probamos a facelo co noso pelo, que tamén quedaba de punta pegado.

Ata fomos capaces de deixar o globo pegado na porta da clase, despois de "cargalo" frotándoo coa toalla. 

Debatimos sobre cal podería ser a causa de que isto sucedese, e fomos pantexando diferentes hipóteses. O profe contounos finalmente, que cando se frotaba o globo "quedaba cargado" de electricidade estática, que era o que facía que se pegasen as cousas.

Cada un dos equipos cooperativos, repetiu os mesmos pasos para facer o experimento; tras acordar dialogadamente a cor do globo, a cor do folio e como organizar o traballo, para que todos e todas puidesen participar no mesmo.

Todos os equipos conseguiron "cargar os seu globo" e que voasen os papeis, puxera de punta o pelo e ata que quedase pegado na porta.

Unha vez todos e todas deron rematado de repetir o experimento; os integrantes do equipo "CABALO", engados nesta ocasión de crear o vídeo do mesmo puxéronse máns á obra. Recortaron e pegaron as imaxes que buscaron en internet, que logo imprimiron, escribindo a cantidade e o tipo de material ao seu lado.

Usaríamos este panel no vídeo.

Despois da grabación, e de que o profe "montase o vídeo", así quedou unha vez rematado, co equipo CABALO contando como podes facer este experimento... por se queredes repetilo na túa casa.

Tan só nos quedaba plasmar as observacións, e resultado final do experimento no caderno de campo de cada quen.

Lembra que podes acceder ós vídeos de tódolos experimentos que levamos a cabo, neste e nos cursos anteriores, desde aquí.

Nestas primeiras semanas do ano no mes de xaneiro, na nosa aula sucedeu todo isto, que xa vos comentamos en entradas anteriores:

• 30/01/23: [Infantil xuntos] (2022-2023) Organizamos e participamos nunha carreira solidaria polo Día da Paz 
• 27/01/23: [Infantil xuntos] (2022-2023) Celebramos os aniversarios do mes de xaneiro 
• 26/01/23: (2022-2023) Descubrimos o que sabemos, o que queremos saber e comezamos a xuntar información, para a nosa investigación sobre os coches e os camións 
• 25/01/23: (2022-2023) Experimentamos cun globo e bicarbonato. Queres saber que sucedeu?

Pero ademais, tamén tivo lugar todo isto, que vos contamos de seguido:

Os encargados e encargadas, continuaron a desenvolver as súas funcións, entre outras sinalar as datas mas significativas no calendario online, e facer as rutinas e rexistros.

Continuamos a escoller as nosas palabras favoritas completando o "dicionario xigante" e os nosos dicionarios individuais.

Seguimos a empregar a aplicación de préstamo de libros, para anotar os que cada venres levamos para casa da biblioteca de aula.

Comezamos tamén a levar por quendas, xunto co resto de compañeiros e compañeiras do colexio, a "mochila de lecer", que estará nas nosas casas durante unha semana completa.

Organizamos unha lista de quendas por sorteo... menos mal que o Beebot nos axudou a facelo.

Cada semana, a quen lle corresponde levar a mochila, ten tamén que escoller un libro da biblioteca do colexio, para meter dentro da mesma, xuntno a todo o material de lecer que leva dentro.

Desenvolvimos as nosas habilidades creativas, empregando diferentes técnicas de expresión plástica con témpera.

Xogamos a construír palabras con letras móbiles.

Lembra que podes ver e ler todo o que sucedeu neste primeiro mes do ano, nas entradas indicadas ao comezo desta publicación.

Para celebrar o Día da Paz os alumnos e alumnas de Educación Infantil, organizamos a primeira "Carreira solidaria pola Paz", nesta ocasión en solidariedade cos refuxiados da guerra en Ucraína.

Comezamos, días antes da carrreira, dialogando sobre o significado da palabra paz, amizade e como solucionar os conflictos de forma dialogada.

Falamos tamén do que está a suceder en Ucraína, e porque precisaban axuda os refuxiados que fuxían da guerra en Ucraína.

Acordamos, que unha forma de axudalos podería ser facer unha carreira solidaria, para poder recoller doazóns e logo facerllos chegar.

Anotamos nos respectivos calendarios online o día que tería lugar a carreira e, comezamos a deseñar e crear os carteis que usaríamos para dar a coñecer esta carreira.

Así quedaron todos unha vez rematados, listos para pendurar no corredor:

Decoramos pedras, pintadas coas cores da bandeira de Ucraína, con palabras sobre a Paz e a tolerancia, que deixaríamos debaixo de cada un dos carteis que pendurásemos polas rúas.

Descubrimos cal sería o percorrido tanto da marcha como da carreira, que tería lugar no campo de fútbol.

Creamos un mapa representando este camiño, e que tamén empregaríamos para sinalar os lugares onde íamos colgar os carteis.

Para poder penduralos na rúa, fixemos copias dos carteis que metimos en fundas de plástico.

Con todo o material listo, chegou o momento de percorrer as rúas preto do Colexio, para pendurar os carteis e deixar as noas mensaxes de paz.

Comezamos a recoller motísimas doazóns, que dentro dunhas semanas faremos chegar á  "Asociación Galega de Axuda para Ucrania"  (AGA Ucrania) - https://www.agaucraina.org

Penduramos no corredor, enriba das caixas de doazóns, tanto os carteis como o mapa, no que sinalamos os lugares onde deixamos os carteis e as mensaxes de paz, pengando as nosas fotos nos citados lugares.

E finalmente chegou o 30 de xaneiro, o Día da Paz, no que tería lugar a 1ª carreira solidaria pola Paz, como resultado de todo o traballo de organización que levamos a cabo nos días precedentes.

Preparamos os nosos dorsais, que tiñan un número escrito tamén en ucraniano.

Xunto cos compañeiros e compañeiras de todo o colexio, participamos tanto na marcha como na carreira solidaria, na que tamén participaron as nosas familias.

Como agradecemento pola participación, entregamos unha chapa conmemorativa a tódolos participantes, tanto nenos/as como familias.

Posamos para unha foto final por grupo, para recibir os merecidos aplausos de todos e todas.

Podes ver tódalas fotos da "Carreira pola Paz" no seguinte álbum da galería fotográfia, ao que podes acceder de seguido:

GALERÍA FOTOGRÁFICA (ÁLBUM): (2022-2023) 1ª carreira pola Paz polos refuxiados da guerra en Ucraína

No mes de xaneiro, cando comezou o ano cumpriu anos a nosa compañeira VALERIA. Coa axuda de todos e todas ía  preparar unha tarta para convidalos/as a nunha fantástica festa.

Os compañeiros e compañeiras da súa aula, preparáronlle unha camiseta de agasalo. Quedou fantásticas.

A homenaxeada escolleu do libro de receitas a súa tarta favorita e, cos ingredientes que trouxo, un día antes da celebración, preparou a tarta seguindo os pasos da receita elixida, co axuda dos compañeiros e compañeiras de ámbalas dúas aulas.

Despois dun día no frigorífico, na data da celebración, só faltaban uns últimos retoques de decoración na tarta.

Pero antes de probala había que soprar as candeas, e escoitar como lles cantábamos o "cumpleanos feliz" e o "parabéns para ti"

E por fin chegou o momento de que a homenaxeada repartira a tarta entre os seu convidados e convidadas.   

E como remate festa patacas fritidas, gusanitos e zume... e por suposto, aqueles que o preferiron, a súa merenda.

O vindeiro mes celebraremos os aniversarios do mes de febreiro. Xa o contaremos neste blog cando chegue o momento.

Feliz ano novo a todos e a todas! Despois de cargar as pilas durante o Nadal, estamos xa de volta con moitas sorpresas e cousas que facer. O plan este mes foi, retomar as nosas actividades de rutinas, iniciarnos en algunhas combinacións de consoantes e vogais e afianzar o concepto de número... E así é como o fixemos!

A primeira sorpresa chegou xa o primer día de volta ao cole. Despois do recreo, os maiores déronse conta de que a biblioteca estaba chea de agasallos. Así que alí fumos a axudar a abrilos. Os agasallos eran libros super chulos, que xa están dispoñibles na biblioteca do colexio e que pódense coller como préstamo ou ler durante as horas de biblioteca.

Tamén retomamos unha das costumes favoritos dos nenos e nenas da clase: os experimentos. Neste caso, utilizamos unha botella, un globo, vinagre e bicarbonato para que reacción se provoca ao mezclar estes ingredientes. Queres saber ti o que sucedeu? Podes facelo no video que Yara, Manuel e Brais fixeron guiándonos paso a paso.

Tras dedicar o primer trimestre ao repaso das vogais coas que xa traballamos o curso pasado, agora dedicamos este segundo as consoantes. Por agora xa estivemos cantando, aprendendo e xogando coas letras "D" e "B/V" e as súas distintas combinación cando as xuntamos con vogais.

Outro momento que xa agardabamos impacientes, era o de escoller a temática do noso próximo proxecto de investigación. En primer lugar, fixemos unha tormenta de ideas onde puxemos en común todos os temas que nos resultaban interesantes: quads, lume, auga, xoaniñas, tigres... e fixemos unha primeira votación, para decidir cales nos gustaban máis. Así, por falta de votos (que recontamos e comparamos para saber que cantidades eran maiores, e cales menores), eliminamos a meirande parte de temas, quedando só con unos poucos: arco da vella, mans, tigres, zapatos, quads e bolboretas. Neste punto, fixemos unha segunda votación, onde ocurriusenos invitar tamén aos profes do cole, e finalmente tivemos un gañador... O ARCO DA VELLA! Así que, listos para comezar, fixemos unha asamblea onde puxemos en común todo o que sabemos sobre o arco da vella. Así quee stade atentos e atenas familias, porque vós tamén podedes participar no noso camiño a convertirnos en expertos e expertas sobre o arco da vella.

No plano artístico, tamén estivemos traballando, pois entre outras cousas fixemos flores con platos de cartón. Cada alumno e alumna escolleu as cores, as combinacións, as mezclas... e os resultados foron tan varipintos como as propias flores que podemos atopar na natureza.

Tamén completamos o noso calendario de xaneiro, conmemorando diferentes sucesos históricos que tiveron lugar neste mes con actividades como: o deseño da nosa propia roupa sobre unha silueta, búsqueda de cadros de diferentes pintores, xeroglíficos exipcios e, como non, as nosas láminas semanais reimaxinando obras de arte famosas.

Pero non todo e pintar e escribir, tamén temos tempo para contar. Como algúns dos compañeiros e compañeiras coñecen os números a perfección, decidimos introducirnos un pouco máis a fondo en sumas e restas básicas. Como é de agardar, as adaptamos a idade dos nosos nenos e nenas, e a través dun xogo motriz onde poñemos en práctica a habilidade de lanzar, comezamos a explicar en que consisten estas duas operación básicas. E por suposto, creamos e xogamos con algúns dos xogos que a profe Zaira sempre trae e que nos encantan!

E como aínda non temos suficiente con todo isto, tamén estamos facendo xogos en inglés para ampliar o noso vocabulario, ou aprender ven os números. Por poñer un exemplo, este mes, entre outras cousas, estivemos xogando ao bingo coa profe Bea. E sabedes que? O xogo saíu moi ben! Tanto os nenos e nenas como Bea a Pablo o pasamos xenial cantando liña e bingo; e tamén pasamos moitos nervios cando agardabamos que cantasen ese número que faltaba para gañar.

E xa por último, introducimos na aula un novo elemento: a piruleta so arco da vella. Esta piruleta a utilizamos para repartir os turnos de palabra, de xeito que so escoitamos a persoa que ten a piruleta. Esta ferramenta nos foi moi útil tamén para resolver os conflictos que surxen na aula, xa que nos permitiu aprender a escoitar e reflexionar sobre como se sinten as outras persoas cando pelexamos o discutimos con elas.

Podes ver os pasos previos desta investigación nas seguintes entradas publicadas neste mesmo blog:

08/12/22: (2022-2023) Escollemos democráticamente o tema da nosa próxima investigacion... queres saber cal é? 

Co noso tema xa elexido, e o mural preparado, chegou o momento de dar os primeiros pasos na investigación sobre os coches e os camións:

A través de diálogos e confrontación de ideas argumentadas, fomos anotando no mural todo o que xa sabíamos do tema. Nalgúns casos houbo discrepancias.... seguro que unha vez comecemos a investigar, atoparemos a respostas que dea solución ás mesmas.

Anotamos tamén todo o que queríamos saber sobre os coches e camións.

Acordamos tamén que, con todas as respostas que atopemos, faremos un lap-book e un pequeno vídeo-documental.

Tamén lle fixemos un oco para anotar "onde buscamos a información". Entre esas fontes que indicamos, estaban as noas familias, polo que acordamos escribir unha nota que levar para casa.

Días despois fomos traendo e recbindo moita información sobre o tema.

Algunha en papel...

... e outra recibímola no noso correo electrónico.

Respostamos a todos eles agradecendo a información enviada e acompañando a resposta de emoticonas. 

Deste xeito estamos a completar o recanto da información cunha chea de material, listo para comezar a investigar e atopar as primeiras repostas ás preguntas que nos plantexamos. 

Así está o mural agora mesmo, listo para comezar a plasmar nel estas primeiras respostas.

Irémosvos contando neste mesmo blog, como avanzamos nesta investigación.

Este mes experimentamos cun globo, bicarbonato e vinagre. 

Despois de observar, analizar e explorar sensorialmente o material que iríamos empregar, platexamos as nosas hipóteses que suecería, e que poderíamos facer co material disipoñible.

Todos/as xuntos/as, fomos seguindo os pasos do experimento para observar se se cumplían ou non as nosas hipóteses.

Unha vez que comprobamos que o globo se inchaba ao mesturar o bicarbonato co vinagre, cada un dos equipos reproduciu, de forma acordada e dialogada os diferentes pasos do experimento.

Cada un dos equipos deu obsrvado o mesmo resultado na súa experimentación.

Rematado o traballo auto-avaliamos o funcionamento de cada un dos equipos, a través do panel de "avaliación figuroanalóxica" de cada un deles.

Tan só nos quedaba plasmar as observacións e resultado final do experimento no caderno de campo, individual, de cada quen.

Nesta ocasión, foron os compañeiros e compañeiras de Infantil 1, os encargados de crear o vídeo explicando este experimento. Podes ver que ben o fixeron, de seguido.

Lembra que podes acceder ós vídeos de tódolos experimentos que levamos a cabo, neste e nos cursos anteriores, desde aquí.

Ola a todos e todas! Xa estamos en decembro, e iso solo pode significar unha cousa... toca despedir o ano! Pero antes de facelo, falta compartir con vós que é o que pasou na aula de EI1. Comezamos!

Celebramos os cumples do mes de decembro, que neste caso foron de Yara e Nora. Ademais de facerlle unha camiseta con estrelas que representan a cada un dos seus compañeiros e compañeiras; tamén lle fixemos unha coroa e unha tarta de cumple moi rica na que tivemos axuda das alumnas de 5º e 6º de primaria.

No plano artístico, continuamos elaborando o noso dossier de laminas onde pintamos cadros de distintos artistas. Pero ademais, tamén continuamos experimentando coa plasti, practicando distintas técnicas e elaborando cousas como unha estatua de nós mesmos.

Outra das actividades plásticas que fixemos, foi unha pequena árbore de Nadal con cartulina. Con pegatinas, cores, cartulinas e todo o que veu a nosa cabeza, elaboramos estes conos que utilizamos para colaborar na decoración do pasillo do colexio.

Como xa puidechedes ver en outras entradas, elaboramos distintos adornos para colgar do teito. Facelo levounos a ter que organizarnos, repartir as tarefas, decidir que pinta cada cousa, que cores imos a usar, como ían ser os equipos... E o resultado foi chulísimo!

Como xa puidechedes ver, tamén estivemos preparando a nosa obra de teatro, o cal nos levou moitisimo traballo. Dende deseñar o monstruo, a levalo a realidade ou todos os ensaios que fixemos; os nenos e nenas fixeronse responsables de todo, e o máis importante, o pasamos xenial durante todo o proceso.

Tamén participamos no concurso de bolas de nadal do concello. Aínda que seguro que as familias recordades ben ese día, xa que volvimos a casa cheos de prupurina ata as orellas.

Outra das actividades que fixemos, foi a de medirnos para reorganizar os nosos sitios na asamblea. E como xa somos maiores, e coñecemos ben os números, cada neno e nena fixose cargo de medir a un dos seus compañeiros e compañeiras. A continuación rexistramos as medidas na pizarra, e ordenamos as alturas de maior a menor.

Estas postales resultan familiares verdade? Probablemente sexa porque xa estarán nas vosas casas. Este mes tamén elaboramos postais de Nadal que, ademais de cubrir cunha mensaxe as nosas familias, envíamos nos mesmos utilizando o buzón de correos do noso concello.

Un dos días máis divertido chegou coa excursión que fixemos ao cine a Caldas. A película que vemos foi super divertida, pero igual de ben o pasamos no autobus de camiño ao cine.

Outro día moi divertido chegou cun experimento que decidimos facer utilizando: imáns, cereais e auga. E aínda que tiñamos os imáns, faltaban os cereais. Por iso, tras pedir permiso, fomos de excursión ao supermercado para mercar o material que necesitabamos.

No primeiras semanas do mes de decembro, ata a chegada das vacacións do Nadal,  na nosa aula sucedeu todo isto, que xa vos comentamos en entradas anteriores:

• 23/12/22: [Infantil xuntos] (2022-2023) Chegou o Nadal a EI: decoramos o corredor, participamos no Festival... e moito máis. Queres vernos? 
• 23/12/22: [Infantil xuntos] (2022-2023) Celebramos os aniversarios do mes de decembro 
• 08/12/22: (2022-2023) Escollemos democráticamente o tema da nosa próxima investigacion... queres saber cal é?

Pero ademais, tamén tivo lugar todo isto, que vos contamos de seguido:

Anotamos no noso calendario online, os eventos máis relevantes que terían lugar ao longo deste mes. Ademais, cada día o encargado desenvolveu as rutinas diarias no mesmo.

Descubrimos como funciona un novo robot educativo que temos na aula, o True-True.

Empregando a aplicación online do dicionario, escollemos cada semana as nosas palabras favoritas dunha letra, imprimindo unha imaxe en grande que pegamos no dicionario xigante. Tamén imprimimos o número que acordemos da mesma imaxe "en pequeno", para poder usalas no noso dicionario individual.

Participamos nun obradoiro para facer un "marcapáxinas de Nadal".

Continuamos a anotar os libros que levamos para casa os venres, da biblioteca de aula, usando unha aplicación que podes atopar no recanto de infantil.

Elaboramos o boletín de auto-avaliación "As novas da escola" na que contamos ás nosas familias todo o que fixemos ao longo deste trimestre.

E deste xeito rematou este primeiro trimestre.

Vémonos novamente en xaneiro.

Que teñades un bo Nadal e unha boa entrada no ano 2023.