Bo día familias, bo día nenos, bo día nenas:

Aí vai a primeira quenda de actividades para estes días. Ao longo da "cuarentena" ireivos subindo actividades cada dous días (todos os luns, mércores e venres lectivos). Non son para facer todas dunha vez, debedes dosificalas no tempo pois os días na casa son moi "longos" e dan para facer moitas cousas.

Pero como non todo vai ser "escribir", déixovos dous enlaces de xogos para que tamén aprendades xogando.

https://www.cokitos.com/4-primaria

https://www.aulaplaneta.com/2017/05/18/en-familia/doce-plataformas-de-juegos-online-para-aprender-y-divertirse

E agora vai a xusestión de actividades para estes días.

Ánimo familias, nenos e nenas! Xuntos facemos un gran equipo!

Coidádevos moito! 

Unha aperta enorme para todos!

- Repasamos coa frauta a escala musical.

- Practicamos as notas Mi- La- Sol e Si co "Blues oriental".

http://musicaennescania.blogspot.com/2016/01/blues-oriental.html

Pasos: Escoitamos a canción varias veces, miramos as notas da partitura e as escribimos se é necesario. Finalmente, comezamos moi lentamente a practicar a canción.

Durante este curso, os alumnos e alumnas de 4ºA e 4ºB adicamos unha hora semanal a afondar nas matemáticas. Comezamos pola creación, en pequeno grupo, dun "Restaurante". Cada un deseñou a súa carta de menús e os prezos de cada prato. Deste xeito, aproveitamos para traballar con decimais, repartos, cambios, etc.

Tamén xogamos con medidas e pesos (empregando obxectos da aula, alimentos, partes do noso corpo...); esprememos a mente resolvendo crebacabezas e realizamos xogos matemáticos: o dominó, as cartas, o mikado, o tangram,...

Así, as matemáticas resultan moito máis entretidas!

   A semana pasada os alumnos e alumnas de 4º e 5º comezámola falando do lixo; vaia tema para comezar a semana, pensaredes. Pois si, lemos a historia dunha casiña branca e a maioría pensamos que era de ciencia ficción, uns nenos que vivían nun vertedoiro infindo, onde non quedaba nada da nosa realidade, nin coches, nin árbores, nin casas... E aí vén Marcos Calveiro a descubrirnos a crúa realidade: no mundo hai moitos nenos e familias que viven nos e dos vertedoiros, e todo iso cunhas imaxes de distintos lugares do mundo.

    Falamos dos tres R, reducir, reutilizar e reciclar, como única solución de non chegar a crear ese mundo no que estaríamos todos condenados a vivir. De todas maneiras, como dicía el, Unha casiña branca é un “libro filete”, así que aínda cabe a posibilidade de que nós atopemos solucións para non chegar a eses extremos.