Igualdade.

25 NOVEMBRO: DÍA CONTRA A VIOLENCIA DE XENERO

Igualdade.

25 NOVEMBRO:DÍA CONTRA A VIOLENCIA DE XÉNERO

Este curso quixemos incidir, ademais das situacións de violencia explicita que todas e todos recoñecemos fácilmente, nas formas cotidianas de exercer a violencia en nenas e adolescentes que se asumen como normais na sociedade e que aínda hoxe en día acéptanse socialmente.Micromachismos que en moitos casos son igualmente violentos e perigosos.

Estas accións violentas as acompañamos de pictogramas para que a mensaxe chegue a todas e todos.

8 M, PON OS LENTES VIOLETAS

Igualdade.

Os lentes violetas son unha metáfora para explicar como se ve a vida con perspectiva de xénero, e dicir, proporcionar unha mirada crítica para descubrir as desigualdades entre homes e mulleres no día a día.

Co lema "Pon os lentes violetas para ver as desigualdades entre homes e mulleres" no mes de marzo realizamos diferentes actividades.

" Pon os lentes violetas (para cambiar os titulares de prensa)": En educación infantil contamos o número de homes e de mulleres que aparecen nas fotografías que acompañan as noticias. En educación primaria analizamos titulares de prensa e tras a reflexión da mensaxe que lanzan e onde identifican o sexismo, redactaron titulares alternativos non discriminatorios que representan a mensaxe real.

" Obradoiro de contrapublicidade feminista" impartido por A Morada ao alumnado de 6º de primaria. Despois da análise e reflexión sobre a imaxe das mulleres na publicidade compuseron colectivamente anuncios contrapublicitarios mediante a colaxe colectiva.

" Desde peques moi diverXos": obradoiro de diversidade afectivo-sexual, de xénero e familias, impartido pola Asociación Nós Mesmas ao alumnado de 1º, 3º e 5º de primaria.

Visita do Comando Igualdade, do IES Alexandre Bóveda, para contarnos a súa experiencia.

CONMEMORACIÓN 25 N

Igualdade.

Con motivo da conmemoración do 25 de novembro, Día internacional contra a violencia de xénero, levamos a cabo na escola accións de sensibilización e prevención de todas as formas de vioLeoncia contra as mulleres e a importancia de alcanzar a igualdade total.

Esta ano inspirámonos na canción "Que non mo neguen" das Tanxugueiras para elaborar os carteis e deixar os nosos lemas e imaxes de repulsa nas ventás.

Ademáis contamos coa colaboración do alumnado de 6º, 5º e 4º de primaria que leron aos seus compañeiros e compañeiras do cole contos pola igualdade e contra a violencia de xénero.

8 DE MARZO DIA DA MULLER TRABALLADORA

Igualdade.

Hoxe, 8 de marzo, día da muller traballadora, dende o Ceip Balaidos queremos homenaxear esta data facendo a nosa representación dunha imaxe icónica deste día:

Aquí está o noso video:

EVA CASAIS

Igualdade.

Este ano traballamos no cole á ilustradora Eva Casais. Hoxe tivemos a sorte de que veu visitarnos e levou a cabo o mural que nos fai na fachada do cole. Baixamos en tandas para facernos unha foto con ela diante do mural que ela comezou e que rematarán os alumnos do cole. Vai quedar espectacular!!!!