Coa finalidade de fomentar a orientación-espacial do noso alumnado o EDLG nomeou os corredores do colexio co nome das diferentes zonas da nosa vila para aproximar ás nenas e nenos a súa contorna.
A continuación poderán observar un exemplo do proceso de colocación e o resultado.
No curso 2019/2020 desenvolveuse a I Edición de “Debatendo Aprendo” onde o proceso e resultado obtido foi marabilloso. Por iso, decidimos continuar con dita actividade durante o presente curso académico, xa que o EDLG é consciente da importancia de fomentar o espírito crítico nas nosas nenas e nenos.
Neste caso, a segunda edición de “Debatendo aprendo” está protagonizada polo alumnado de 6º e 2ºA de Educación Primaria.
As temáticas escollidas para o debate do primeiro trimestre foron seleccionadas tendo en conta as inquedanzas do alumnado de ambos grupos. O alumnado de 6º de E.P. debateu sobre “Problemas na convivencia escolar” mentres que o alumnado de 2ºA de E.P. sobre “Xoguetesno patio: tipos de xoguetes e a posibilidade de compartilos antes e durante a pandemia”.
O Equipo de Dinamización da Lingua Galega do CEIP da Sangriña, un ano máis, volve cargado de enerxía e novidades.
Como ben sabedes, xa estamos no outono. Por iso queremos que gocedes do mesmo mediante a seguinte a canción “O Outono” de Uxía Lambona e a Banda Molona.
Por outra banda, queremos transmitirvos que debido á situación excepcional que atravesamos a conmemoración do Día das Letras Galegas 2019/2020 relativa a Ricardo Carballo Calero aprazouse ó mes de outubro de 2020.
Polo que na entrada nomeada “Semana das Letras Galegas” (11-05-2020) atoparedes varios recursos moi interesantes que permitirán coñecer mellor a vida e obra do mesmo.
A Semana das Letras Galegas, culminará este domingo 17 de maio. Por iso, as mestras e mestres do CEIP A Sangriña preparamos con todo o noso cariño un pequeno agasallo para conmemorar o Día das Letras Galegas.
O Equipo de Dinamización da Lingua Galega do CEIP A Sangriña acórdase moito de vós, e queremos axudarvos a pasar este período excepcional do mellor xeito posible. A nosa recomendación e que vexades o videoclip “Todo o día en casiña” que promove a Secretaría Xeral de Política Lingüística.
A continuación queremos dar a coñecer a aplicación do Xabarín Club, nela atoparedes unha morea de vídeos de debuxos animados. Dita APP incorpora o control parental, deste xeito, permite ás familias escoller os contidos axeitados para a súa filla ou fillo. Poden obter máis información, pulsando no seguinte enlace:
XORNADA DE XOGOS TRADICIONAIS – FIN DA FASE I: INDAGACIÓN
A primeira fase do proxecto “Xornada de xogos tradicionais” chegou ao seu fin. E con este comeza a segunda fase que consistirá en recrear o xogo tradicional escollido por cada clase, mediante materiais de reciclaxe.
Posto que dende o Equipo de Dinamización da Lingua Galega temos moi presentes as recomendacións efectuadas polo Equipo da Biblioteca do noso cole a través da PDI “Salvemos o planeta”.
Sen máis, aquí podedes observar as imaxes dos resultados da primeira fase de cada curso do noso cole…ESTADES PREPARADAS E PREPARADOS PARA QUEDAR ABRAIADAS E ABRAIADOS?
Finalmente, dende o EDLG queremos agradecer ao alumnado e aos titores/as do noso cole o seu gran esforzo e colaboración. Se o proceso foi incríbel o resultado non se queda atrás!! ESPECTACULAR!
XORNADA DE XOGOS TRADICIONAIS - FASE 1: INDAGACIÓN
O alumnado do CEIP A Sangriña continúa traballando na primeira fase do proxecto “Xornada de Xogos Tradicionais”. A continuación poden visualizar diferentes imaxes (dalgúns cursos do noso cole) do proceso creativo que lles permitiu reflexar os datos da indagación previa.
