CONVIVE

Enmarcada no Plan director para a convivencia e mellora da seguridade nos Centros educativos e o seu entorno e impartida pola Garda Civil, o alumnado de 5º e 6º de primaria recibiu hoxe unha nova charla máis que interesante e moi necesaria  sobre este serio problema que é o BULLYNG ou ACOSO ESCOLAR.

Explicaron os tipos de acoso: físico,verbal,psicolóxico e social que busca o illamento da vítima.

Foron desglosando cales son os comportamentos dun acosador/a, deixándolles ver que se manteñen porque os demais que o ven non interveñen.

Para finalizar quixeron facerlles ver que se lles sucede algo do que se explicou deben buscar unha persoa de confianza para contalo e se saben de alguén que o está sufrindo que non se calen, que intenten axudalo ou ofrecerse para falar no seu nome.

O 20 N é un día moi especial para todas as nenas e nenos do mundo.

Ese día no ano 1959 aprobouse a Declaración dos dereitos das nenas e dos nenos por unanimidade por todos os paises da ONU.

É un día que dedicamos a reflexionar sobre os dereitos de nenas e nenos e celebralos, imaxinando novas formas de facelos realidade no mundo e na nosa contorna máis próxima.

O Equipo de Convivencia do Centro deixa estes enlaces para traballar co alumnado :

PARA ED.INFANTIL: 

PARA 1º e 2º CICLO DE PRIMARIA: 

PARA 3º CICLO DE PRIMARIA: 

Imaxinades que se cumpriran todos eses dereitos para todas as nenas e nenos do mundo???

O 30 de xaneiro celébrase o DÍA DA PAZ, unha data moi importante en todos os centros educativos.

Entendemos que a escola é o lugar onde as nosas nenas e nenos deben medrar en igualdade, respecto e entendemento entre todas as persoas que nela conviven, recibindo unha educación baseada na paz e adquirindo actitudes que os forman como persoas comprometidas.

A proposta do Equipo de convivencia, todo o alumnado creou un abecedario de flores con palabras de paz e as aulas de 2ºB e 3º sairon a "sementalas" pola nosa Vila. Atoparédelas en moitos comercios locais, ós que agradecemos a ilusión coa que os recibiron e invitámosvos a buscalas.

Tamén fomos decorando o cole con símbolos de paz e, así vemos,grullas, pombas, mandalas, mochilas e debuxos con traballiños feitos polo noso alumnado.

Aquí deixamos as imaxes:

QUE TODOS OS DÍAS SEXAN DE PAZ!!

Deseñadas polo Equipo de convivencia leváronse  a cabo durante esta semana diferentes actividades:

1) Customización dun paraugas nas sesións de plástica do alumnado de 5º e 6º para unirse á actividade promovida polo San Xerome "Baixo o mesmo paraugas"

E aquí está o noso paraugas!!! Portado por usuarixs do Centro San Xerome no acto que se celebrou en Vigo  no que quixeron reivindicar que:

“A nosa meta é visibilizar unha sociedade diversa e plural, pero con desexos e ilusións por igual. O paraugas simboliza a unión e todos temos cabida baixo o paraugas, sen diferenzas”.

 2) Nas sesións de Educación Física fixéronse obradoiros dem GOALBALL .Trátase dun deporte de equipo creado especificamente para persoas cegas ou con baixa visión.

3) Para rematar, saimos todxs xuntxs ó patio para facer unha foto "baixo os paraugas"

O 3 de decembro conmemórase o Día Internacional das Persoas con Discapacidade, que ten como obxectivo fundamental promover os dereitos e o benestar das persoas con discapacidade, así como concienciar sobre a súa situación en todos os aspectos da vida.

 E é que ás veces necesitamos sentarnos nunha cadeira de rodas ou tapar os nosos ollos para comprobar que un paseo pola vila pode ser unha carreira de obstáculos, ou ben unha proba de alto risco. A nosa vida á carreira impídenos, moitas veces, fixarnos no que nos rodea, aprender dos demais e entender que a discapacidade non é só para outros, que en calquera momento podemos atoparnos nunha situación de discapacidade temporal ou permanente. Unha caída, un accidente, unha enfermidade pode levarnos a esa discapacidade e entón quererás unha sociedade preparada para iso. E por iso debemos loitar. Por unha sociedade inclusiva e preparada para todas e todos. 

Tamén todos os nenos e nenas deben ter as mesmas oportunidades de estudo deseñadas para contemplar as diversas necesidades individuais, ou sexa, unha educación inclusiva ou incluinte.

Durante esta semana celebraremos no Centro esta data con diferentes actividades e unímonos á actividade que propón o San Xerome Emiliani:

Estaremos unidxs  baixo os paraugas formando a palabra INCLUSIÓN pensando que todxs somos diferentes, pero ó mesmo tempo iguais. 

                                    Somos únicos e diversos.