Eventos

O luns todo o alumnado e profesorado do Alexandre Bóveda, xuntarémonos no patio para poñer o broche de prata e acibeche a esta marabillosa iniciativa de "Unha Semaniña enteira" lanzada polos IES e o Concello de Redondela e á que agora nos unimos tamén os CEIP no mes das Letras Galegas.

Compartimos convosco este tutorial que preparou a profe Elena para que poidades practicar, tamén, dende a casa coa familia. A bailar!!

"Unha noite no muiño,

unha noite non é nada,

unha semaniña enteira

esa si que é muiñada"

Coma xa sabedes non queda nada para o XXIX Maratón de Letras Galegas en Chapela.

Unha xornada de convivencia e deporte á que agardamos poidades asistir.

CANDO?  O venres 31 de maio

CAL É O HORARIO?  De 10:00 a 14:00h. 

ONDE? No CEIP de Laredo e a súa contorna

QUEN PARTICIPA? Participan o CEIP Plurilingüe Alexandre Bóveda, O CEIP Plurilingüe Igrexa Chapela, o CEIP de Laredo, o IES de Chapela, Discamino e Amicos.

QUEN COLABORA? Colabora o Concello de Redondela, o Banco de Alimentos e Discamino

A QUE HORA SON AS CARREIRAS? A continuación compartimos o programa. Por favor, lembrade que os horarios son orientativos e poden variar

 A vindeira semana celebraremos unha serie de actos en homenaxe a Alexandre Bóveda, con motivo do 121º aniversario do seu nacemento.

Está preparado con moito agarimo e ilusión e agardamos que poidades acompañarnos.

A continuación e adxunto o programa de actos.