Concurso de slogans do uso da bicicleta

Como é tradicional no IES A Xunqueira II, un ano máis e dentro da campaña “Móvete con pedaladas”, inagurouse a exposición-concurso de carteis sobre a utilización da bicicleta, como medio para desprazarnos dentro das zonas urbanas.

Ao mesmo tempo o que se pretende é dar unha ensinanza didáctica ao noso alumnado sobre os beneficios para a saúde e o baixo custo económico como medio de locomoción.  Outro tema que se salienta é que a bicicleta evita os atascos e a contaminación dos vehículos a motor, favorecendo a presenza de ar limpo na cidade.

Polo que respecta a seguridade esta campaña pretende que o uso do casco estea xeneralizado entre os rapaces.

A participación dos adolescentes foi moi numerosa, como o demostra a cantidade de traballos presentados.  Hai que destacar a calidade artística dos carteis e a participación activa do departamento de Debuxo.

José Daniel Reguera Méndez, coordinador do equipo de dinamización lingüística do IES A Xunqueira II.