Conmemoracións

21 Febreiro: Día la Lingua Materna

A riqueza da lingua materna 

Os idiomas, coa súa complexa imbricación coa identidade, a comunicación, a integración social, a educación e o desenvolvemento, son factores de importancia estratéxica para as persoas e cartelpara todo o planeta. Con todo, por mor dos procesos de globalización, pesa sobre as linguas unha ameaza cada vez maior de extinguirse; nalgúns casos, algunhas xa están a desaparecer completamente. Coa extinción dos idiomas mingua tamén a rica trama da diversidade cultural. Pérdense posibilidades, tradicións, recordos, modalidades únicas de pensamento e expresión; recursos valiosos e necesarios para lograr un futuro mellor.

Polo menos o 43% das 6000 linguas que se estima que se falan no mundo están en perigo de extinción. Tan só uns poucos centenares de idiomas tiveron o privilexio de incorporarse aos sistemas educativos e ao dominio público, e menos dun centenar utilízanse no mundo dixital.

O uso das linguas maternas no marco dun enfoque plurilingüe é un compoñente esencial da educación de calidade, que é a base para empoderar ás mulleres e aos homes e ás súas sociedades. Debemos recoñecer e promover este potencial das linguas para non deixar a ninguén atrasado e construír un futuro máis xusto e sustentable para todos, como se recolle nos Obxectivos de Desenvolvemento Sustentable (ODS).

A diversidade cultural e o diálogo intercultural, o fomento da educación para todos e a creación das sociedades do coñecemento son factores fundamentais para o labor da UNESCO. Pero eses labores non son posibles sen un amplo compromiso internacional orientado a promover o plurilingüismo e a diversidade idiomática, o que inclúe a preservación das linguas en perigo de desaparición.

Desde 2002, celébrase o Día Internacional da Lingua Materna, co obxectivo de promover o multilingüismo e a diversidade cultural.

A diversidade lingüística atópase cada vez máis ameazada cun maior número de linguas que desaparecen. Como media, cada dúas semanas, unha lingua desaparece, levándose consigo a desaparición tamén de todo un patrimonio cultural e intelectual.

Afortunadamente, e grazas a que se asumiu a importancia que teñen estas linguas, alcanzáronse logros en materia de educación plurilingüe baseada a lingua materna, en particular na educación primaria. Así mesmo, hai un compromiso cada vez maior para que se desenvolvan na vida pública.

As sociedades multilingües e multiculturais existen a través das súas linguas, que transmiten e preservan os coñecementos e as culturas tradicionais de maneira sustentable. Por iso, debemos coidar de todas as linguas. 

http://www.un.org/es/events/motherlanguageday/

 

 

DE AMORIBUS. 14 de febreiro.

 TITORÍAS E MATERIAS

O equipo da Biblioteca ten preparado un concurso adicado ao amor  para todo o alumnado e profesorado.

Esta actividade é un pequeno xogo de coñecemento e investigación no que poden participar de xeito individual ou por equipos (non máis de tres participantes por equipo).

Precisan dun móbil ou dispositivo que teña datos e lector de códigos QR.

 

DESENVOLVEMENTO DO XOGO: 

- Nos corredores do centro están expostos carteis sobre diferentes formas de amor.

- Cada cartel ten un código QR que enlaza co blog da Biblioteca onde está colgada a información sobre a situación ou persona da que se fala.

- Así mesmo, hai dúas preguntas: A primeira é para os niveis de 1º e 2º de ESO e a segunda, para o resto.

- Unha vez se teñan as respostas a todas as preguntas do mesmo nivel de cada cartel, comezarase un Xogo de Breakout on line (ver abaixo os enlaces con QR ou preme na imaxe para acceder).

- Cando o alumnado sexa capaz de rematar o Breakout, deberá pasar pola Biblioteca do IES para acceder ao Concurso.

XOGO PARA 1º E 2º DE ESO XOGO PARA O RESTO DO ALUMNADO

 

No día da PAZ o noso recanto dos oradores

Hoxe, xornada escolar da PAZ, na entrada do instituto recreamos o noso particular Speakers´Corner (coma se estivésemos no Hyde Park londiniense) e non faltaron nin @s espontáne@s nin @s adestrad@s que, ao longo da mañá, ofertaron as súas reflexións, músicas, pensamentos... sobre a PAZ.

Que a choiva non converta en papel mollado os bos propósitos e as boas palabras e que a PAZ sexa a nosa permanente compañeira!

Grazas a tod@s @s participantes, @s que se deixaron ver e @s que traballaron entre bambolinas.

 

DÍA INTERNACIONAL CONTRA A VIOLENCIA CONTRA AS MULLERES

RESUMO DO QUE FOI, DO QUE ACONTECEU, DO GRAN EQUIPO QUE SOMOS. 

E DENDE O IES SAN PAIO DICIMOS:

NON Á VIOLENCIA CONTRA AS MULLERES

25 novembro: Día internacional contra a Violencia contra a Muller

Mañá, venres, imos conmemorar un ano máis o Día contra a Violencia contra a Muller e -engadimos- contra os nenos e nenas das familias desas mulleres.

Despois de traballar nas titorías e en distintas clases, culminamos os actos deste día cunha representación de música e danza de alumnado de 4º ESO e 1º de Bach que terá lugar no SALÓN DE ACTOS no 1º recreo.

Durante toda a mañá poderemos ver o vídeo coas mensaxes do noso alumnado no recibidor do centro.

Ao término do 2º recreo, poderemos sentirnos a PEPA da historia que conta a socióloga Carmen Ruíz Repullo e decidir por onde queremos subir as escaleiras e cales son as consecuencias da nosa escolla.

Theme by Danetsoft and Danang Probo Sayekti inspired by Maksimer