Skip to Content

Novas

AVALIACIÓN DA BIBLIOTECA

ESCANEA OU PREME NA FOTO PARA ACCEDER AO CUESTIONARIO

 

Achegándonos ao final de curso cómpre avaliar as actividades deseñadas e desenvolvidas pola biblioteca, así como do funcionamento dos servizos da propia biblioteca en beneficio da comunidade escolar e outras cuestións relativas á vida deste espazo e equipo do noso IES.

O equipo da Biblioteca do noso IES agradécevos que cubrades esta enquisa que non vos levará máis duns minutos.

Moitas grazas pola vosa participación, para nós é moi importante.

Data: 
Lun, 20/05/2024 - 11:35

A Galiña Azul visita a Biblio

 

 

Data: 
Mér, 15/05/2024 - 02:19

BASES Concurso de Fotografía "Contornas Cercanas"

 

 

Bases do Concurso:

O EDLG organiza o Concurso de Fotografía "Contornas Cercanas", que ten como obxectivo principal capturar a beleza e a esencia dos lugares próximos aos que os alumnos e alumnas do IES San Paio de Tui teñen un vínculo emocional. Estes lugares poden ser os seus fogares, as áreas onde xogaban de pequenos, ou incluso persoas ou paisaxes que lles son especialmente queridas.

 

Regras do Concurso:page1image7374912 page1image7374528page1image7374336

1. Participantes: O concurso está aberto a todo o alumnado matriculado no IES San Paio de Tui.

2. Tema: As fotografías deberán centrarse en lugares, persoas ou paisaxes que teñan un significado especial para a alumna ou alumno que as capturou. Os temas poden incluír, pero non se limitan a: o lugar de residencia, lugares de xogo da infancia, lugares de especial significado emocional, ou persoas queridas.

3. Formato: As fotografías deben ser presentadas formato dixital (.jpg, .jpeg ou .png) e teñen que ser acompañadas dun breve texto explicativo en galego (máximo de 150 palabras) que inclúa o lugar retratado, a data da fotografía, o nome do autor/a e unha breve explicación de por que ese lugar ou persoa é importante para o alumno/a.

4. Número de Fotografías: Cada participante pode presentar ata un máximo de tres fotografías.

5. Cualidade Artística: Valorarase tanto a calidade técnica como a creatividade artística das fotografías. A orixinalidade, composición e o impacto visual terán un peso importante na avaliación do xurado.

6. Envío das Entradas: As fotografías xunto cos seus textos explicativos deberán ser enviadas por correo electrónico a edlgsanpaio@gmail.com antes do prazo de peche.

7. Prazo de Envío: O prazo de envío de fotografías comezará o día 15 de Abril e rematará o día 17 de Maio de 2024.

8. Premios: O xurado seleccionará as mellores fotografías tendo en conta a súa calidade artística e a profundidade da conexión emocional co tema. Os premios serán anunciados na ceremonia de entrega de premios. Os tres primeiros premios serán obsequiados cunha camisola do oficial do IES San Paio.

9. Exposición: As fotografías seleccionadas serán expostas no IES San Paio de Tui, na súa web e nas redes sociais do EDLG durante un período de sete días para que toda a comunidade escolar poida aprecialas.page1image7388160 page1image7388352

Xurado:

page1image7388544page2image7360448

O xurado estará composto por 7 membros, escollidos de entre os membros dos EDLG e da Biblioteca do Centro, e do profesorado do Departamento de Artes Plásticas do IES San Paio de Tui. A súa decisión será final e inapelábel.

Nota Final:

O Concurso de Fotografía "Contornas Cercanas" ofrece ao alumnado do IES San Paio de Tui unha oportunidade única para compartir e celebrar os lugares e persoas que lles son máis queridos.

Animamos a todas as persoas participantes a capturar a esencia das súas contornas cercanas e a compartir as súas historias a través da fotografía.

Boa sorte a todos e todas!page2image7363136

Data: 
Mar, 09/04/2024 - 17:55

XVIII Viaxe Clásico-Literaria

XVIII VIAXE CLÁSICO-LITERARIA

 

AS MÉDULAS-ASTURICA AUGUSTA-

LEÓN-BURGOS-CAESARAUGUSTA-

BILBILIS-TURIASO-SORIA-PEÑAFIEL

Teatro greco-latino 2024

Nesta nova edición do Festival de teatro grecolatino poderemos asistir este martes, 20 de febreiro, no Teatro Municipal, a dúas representacións a cargo do grupo Corzos Reunidos, casa de Castilla la Mancha (A Coruña):

Ás 12:00 h. Antígona, de Sófocles e ás 17:00 Mostellaria, de Plauto.

Preme nas imaxes e accederás a unha versión bilingüe de Antígona e a unha versión adaptada para teatro escolar da Mostellaria.

Data: 
Lun, 19/02/2024 - 16:23

O misterio do Castro. Un Escaperoom que non te podes perder.

Entrade na web do xogo para coñecer o Misterio do Castro. Serás quen de coñecer as claves da desaparición do Aurelio? Que papel ten a Joana nesta historia? 

Preme na foto...

Data: 
!dat-abbreviation Dom, 26/11/2023 - 17:04

Samaín

Despois de case dúas semanas, rematamos as nosas contadas. Pincha na imaxe e poderás ver un resumo.

   

                                                                                          

 

 

 

Data: 
Mar, 14/11/2023 - 01:56

Sementeiras de curiosidade científica

Manifesto para a celebración deste novembro como o MES DA CIENCIA EN GALEGO NAS BIBLIOTECAS.  Texto redactado pola ourensá María Elena Vázquez Cendón, doutora en matemáticas, Decana da Facultade de Matemáticas da USC, membro do Consello da Cultura Galega, presidenta do Estalmat-Galicia e Premio María Josefa Wonenburger no 2022.

Sementeiras de curiosidade científica


    O mes de novembro ten moitos sabores, e un deles é o da ciencia. Neste mes, no que celebramos o noso patrón, san Alberte Magno, asumimos o compromiso de compartila. A ciencia é un dos sabores do saber. Para degustala, é moi importante a nosa participación activa, e o grande activador é a curiosidade. Precisamos formular preguntas para saborear a ciencia e a lingua permítenos degustala, e tamén é a canle para contar e escoitar as respostas.
    Na ecuación da curiosidade científica, as persoas son incógnitas ao principio, e parte da solución cando se resolve. Todas estas persoas teñen traxectorias que sementan ciencia polas súas vivencias e polo recoñecemento das súas achegas. A pregunta de onde atopalas ten moitas respostas nas bibliotecas. Elas son sementeiras moi vivas da curiosidade científica, en cada casa, en cada centro educativo ou recreativo, e tamén nos edificios cuxa identidade é ser biblioteca. Cada libro que enche os seus andeis, ao pasar polas nosas mans, convértese nunha semente viva que activa as cores coas que o noso maxín ilustra as persoas que nos permitiron chegar a este momento, e transmiten as vibracións das persoas que os abrimos. Esta conexión cos libros sacia inicialmente a sede de querer entender e deixa unha valiosa semente para ser as científicas e científicos que acharán as solucións aos problemas que hoxe nos formulamos.
    As persoas que traballamos e gozamos no mar da ciencia temos o compromiso de mantela viva, sen edulcorar o esforzo necesario para cada novo achado; os libros son tamén as testemuñas dos tempos e contextos nos que agromaron. Por iso a aposta pola educación, a investigación, a transferencia e a divulgación debe ser un compromiso colectivo que, desde a honra que se me ofrece, asumo. E fágoo extensivo e agradézollelo, entre outras, a todas as persoas que sementaron libros de ciencia en galego: ás que fixeron agromar persoeiros admirables da ciencia galega, unha longa lista que segue medrando no Álbum da Ciencia do Consello da Cultura Galega, como Ánxeles Alvariño, Antonia Ferrín, Domingo Fontán, José Rodríguez, Vicente Vázquez Queipo, María Wonenburger...; ás persoas que, despois de sentir como libros que un día abrimos sementaron en nós a paixón pola ciencia, apostaron pola súa tradución ao galego, e tamén ás persoas que investiron o seu talento e coñecemento na divulgación, poñendo o acento na ciencia que se fixo e na que se está a facer, para axudar a sementar cada libro que está por agromar!

Recursos para este MES DA CIENCIA EN GALEGO (tomados do blog das bibliotecas escolares de Galicia):

https://www.edu.xunta.gal/biblioteca/blog/?q=ciencia

https://www.pinterest.es/bescolaresgal/ciencia-en-galego/

https://www.edu.xunta.gal/biblioteca/maletas/

Data: 
Ven, 03/11/2023 - 12:49

Mollándonos na lectura

O pasado martes, 17 de outubro, a climatoloxía adversa non foi quen de impedir a nosa primeira, neste curso, xuntanza oficial do club de lectura de adultos.
A sesión, duns noventa minutos, dividiuse en dúas partes.
Na principal abordamos distintos aspectos de A muller xabaril: contextualización da novela dentro da obra e das lembranzas da autora; visionado dunha entrevista con Fina Casalderrey; tratamento non tanto da muller concreta Adelina Franco como da muller en xeral vítima do desprezo, o maltrato, a incomprensión ou os aldraxes; o papel da familia da protagonista e das circunstancias históricas vividas; o comportamento de Ramiro; o maxistral uso do xénero epistolográfico no desenvolvemento da estrutura narrativa; a dosificación da información que permite manter a intriga e o interese do lector ata o final; os temas da violencia, o escarnio ou o idadismo; o rexeitamento social ao que resulta diferente e/ou rompe os moldes estabelecidos; o papel da lectura, da formación, da cultura (por algo A Muller Xabaril levaba ao lombo un saco con libros, entre outras pertenzas).
Na última parte presentamos e discutimos distintas propostas de próximas lecturas: a do vindeiro mes será, aproveitando a visita da autora ao noso centro, O ano das mazás (vivencias do pai da escritora nos tempos da posguerra: maltrato infantil na escola, nais solteiras, relixión evanxélica, estraperlo, privacións e fame). Outras suxestións lectoras correspóndense con O estranxeiro de Alex Alonso (un surrealista asasinato da pábulo a unha humorística e mordaz crítica á sociedade actual, aos seus principios e valores e á volubilidade da xustiza); Coa man esquerda de Xabier Quiroga (un escritor recibe un curioso manuscrito no que un ancián conta arrepiantes sucesos vividos cando era neno e que lle deixarán fonda pegada) ou Unha saca da patacas de Francisco Coimbra (onde se xoga coa ambivalencia semántica do termo “pataca”: tubérculo e moeda, cun destacado protagonismo da lingua mais tamén cunha crítica social encarnada no luxo de Macau sostido co traballo precario das distintas profesións que fan posíbel o ouropel dese luxo)
Vémonos o vindeiro mes!

Data: 
Xov, 19/10/2023 - 05:52

Publicidade a prol da lectura (II)

Máis publicidade

Data: 
Mér, 18/10/2023 - 15:27
Distribuir contido


by Dr. Radut