O equipo de Igualdade do IES Primeiro de Marzo, formado por alumnado de todas as etapas educativas do centro, organizou o I Encontro de Equipos de Igualdade da provincia de Pontevedra celebrado na mañá do venres 22 de abril no Parador de Turismo de Baiona.
O encontro,que contou coa presenza do Equipo de Igualdade do IES Primeiro de Marzo, do Club Diversidade do IES Valadares, o Comando Igualdade do IES Alexandre Bóveda, a Brigada Violeta do IES Chapela e a participación especial da Asamblea Coeducativa do IES La Cañuela (Toledo), serviu para que o alumnado debatese sobre feminismo, diversidade e ferramentas para construír centros escolares libres de violencias machistas.
Ao acto, que contou coa colaboración do Parador de Turismo de Baiona, asistiron a Concelleira de Igualdade do Concello de Baiona, Yasmina Moreira, a Deputada de Cultura e Igualdade da Deputación de Pontevedra, María Victoria Alonso, asi como Chis Oliveira, docente xubilada, dinamizadora de espazos libres de violencias machistas e mestra coeducadora referente en todo o país, que acompañaron ao alumnado e amosaron así o seu apoio a proxectos coeducadores realizados desde a escola pública.
As coordinadoras de igualdade dos diferentes institutos concluíron que o acontecido onte en Baiona debe ser un punto de inflexión para seguir tecendo rede coeducativa co gallo de intercambiar propostas e permitir ao alumnado espazos de libre expresión nos que intercambiar ideas entre diferentes puntos da xeografía galega e española. Alumnado e profesorado asistente saíron convencidas de que este foi o primeiro de moitos encontros de Comandos Igualdade.
Apertas!
Alumnado e profesorado do IES Primeiro de Marzo organizaron un espazo de reflexión e boas prácticas para construír espazos escolares seguros e libres de violencias machistas
O equipo de Igualdade do IES Primeiro de Marzo, formado por alumnado de todas as etapas educativas do centro, organizou o I Encontro de Equipos de Igualdade da provincia de Pontevedra celebrado na mañá do venres 22 de abril no Parador de Turismo de Baiona.
O encontro,que contou coa presenza do Equipo de Igualdade do IES Primeiro de Marzo, do Club Diversidade do IES Valadares, o Comando Igualdade do IES Alexandre Bóveda, a Brigada Violeta do IES Chapela e a participación especial da Asamblea Coeducativa do IES La Cañuela (Toledo), serviu para que o alumnado debatese sobre feminismo, diversidade e ferramentas para construír centros escolares libres de violencias machistas.
Ao acto, que contou coa colaboración do Parador de Turismo de Baiona, asistiron a Concelleira de Igualdade do Concello de Baiona, Yasmina Moreira, a Deputada de Cultura e Igualdade da Deputación de Pontevedra, María Victoria Alonso, asi como Chis Oliveira, docente xubilada, dinamizadora de espazos libres de violencias machistas e mestra coeducadora referente en todo o país, que acompañaron ao alumnado e amosaron así o seu apoio a proxectos coeducadores realizados desde a escola pública.
As coordinadoras de igualdade dos diferentes institutos concluíron que o acontecido onte en Baiona debe ser un punto de inflexión para seguir tecendo rede coeducativa co gallo de intercambiar propostas e permitir ao alumnado espazos de libre expresión nos que intercambiar ideas entre diferentes puntos da xeografía galega e española. Alumnado e profesorado asistente saíron convencidas de que este foi o primeiro de moitos encontros de Comandos Igualdade.
Os EDLG dos centros educativos do Val Miñor convocamos o III Certame de Poesía Beatriz da Serra.
O prazo límite para a presentación de traballos será o 17 de maio.
Achegamos arquivo co cartel do certamen
Comunicación conxunta das Consellerías de Sanidade e Educación sobre a recomendación do uso de máscaras nos patios dos centros educativos- 18/03/2022
O subcomité clínico que asesora á Xunta de Galicia na xestión da pandemia pola covid-19, vén de acordar na súa xuntanza de onte, deixar de recomendar o uso das máscaras nos espazos ao aire libre dos centros educativos da comunidade.
O grupo de expertos adoptou esta decisión tras avaliar a situación epidemiolóxica de Galicia así como a grande porcentaxe de poboación pediátrica e xuvenil vacinada. Neste senso, Galicia é a primeira comunidade en porcentaxe de poboación infantil vacinada cun 73,5% dos nenos con alomenos unha dose, o que significa 21 puntos por riba da media do Sistema Nacional de Saúde. Así mesmo, o 41,1% dos menores de 12 anos contan coa pauta completa, 13 puntos por riba da media de España.
Moitas grazas pola súa colaboración,
Xuntamos no arquivo o comunicado conxunto das asociacións, ONGS e Xunta de Galicia sobre a crise humanitaria polo conflito bélico en Ucraína.
SEDE DAS PROBAS: IES DE TEIS
Data e hora DA PROBA PARA CICLOS SUPERIORES
A proba realizarase o 28 de abril de 2022, no seguinte horario:
Presentación: ás 9:00 horas.
Parte común da proba:
–Das 09:30 ás 13:00 horas (Matemáticas, Lingua galega e Lingua castelá).
Parte específica da proba:
–Das 16:00 horas ás 18:30 horas (materias específicas da opción escollida
Documentación que cómpre levar e material para utilizar
O día da proba cómpre levar o documento oficial de identidade e a copia selada da folla da solicitude de inscrición.
Poderanse utilizar os seguintes materiais:
Bolígrafos de tinta negra ou azul (ningunha outra cor).
Calculadora científica, agás que sexa programable, gráfica ou con capacidade para almacenar e transmitir datos. Soamente se pode empregar na proba de Tecnoloxía da parte científico-técnica. Na proba de Matemáticas NON se permite o emprego da calculadora.
Non se admitirá ningún aparello capaz de recibir, transmitir nin almacenar información, como, por exemplo, teléfonos móbiles.
O tribunal dará as instrucións pertinentes para o correcto desenvolvemento das probas. Non seguilas será causa de exclusión.
Estimadas familias:
O sindicato de estudiantes convocou unha folga o vindeiro 8 de marzo de 2022, que afecta ao alumnado do noso centro.
Ante todo, facerlles chegar que a dirección deste centro respeta, como non podería ser doutro modo, o dereito á folga dos estudantes e demais colectivos.
De igual xeito, é a nosa obriga informarlles que, segundo a normativa vixente (Ley orgánica 2/2006, do 3 de maio, disposición final primeira) as decisións colectivas de inasistencia ás clases só poderán afectar ao alumnado a partir do terceiro curso da ESO. Estas inasistencias non terán consideración de falta de conducta nin serán obxecto de sanción por ser resultado do exercicio de dereito á reunión.
O alumnado de 1º e 2º da ESO non poderá participar e debe asistir ao centro no seu horario habitual.
O centro garante o dereito de quen non queira secundar a folga, a permanecer no mesmo debidamente atendido polo profesorado correspondente.
A dirección do centro-
Achegamos arquivos coa cartelería e información sindical sobre a convocatoria
Do calendario escolar para este curso 2021/22, lembramos o seguinte:
Entroido: 28 de febreiro e 1, 2 de marzo
Festivo Local: 4 de marzo
Lembrámoslles que as vacacións de Nadal comenzan o 22 de decembro e finalizan o 9 de xaneiro, voltaremos ás clases o luns, 10 de xaneiro de 2022.
Aproveitamos a ocasión de toda a Comunidade escolar para desexarlles moi Felices Festas e un bo Ano Novo.
Unha aperta.
Para as familias interesadas
Dende o CEIP de Fontes-Bahiña organizan unhas Xornadas de Formación para Familias no marco do proxecto "A igualdade: un mar de oportunidades". Os temas e datas son:
1. Uso seguro e responsable das novas tecnoloxías
Venres 12 de novembro, ás 16.00 h
Charla impartida por persoas expertas das forzas e corpos de seguridade do Estado dirixida ás familias e centrada nunha dos eixes do proxecto: a promoción do uso seguro e responsable das redes sociais e de Internet.
2. As novas masculinidades
Luns 15 de novembro, ás 16.00 h
Dinamo Xestión organiza unha proposta formativa en novas masculinidades para sensibilizar e romper cos micromachismos e previr a violencia de xénero.
Todo isto dende unha metodoloxía lúdica, dinámica e participativa que conformará unha actividade interesante e atractiva para todos os membros da familia.
Lembrar ás familias do noso centro que nos atopamos en período de renovación do Consello Escolar e para aquelas que desexen formar parte do mesmo o prazo de Presentación de Candidaturas remata o 16 deste mes.