Despois da primeira xuntanza...

Volve o noso club de lectura. O mércores, 14 de outubro, tivemos a nosa primeira xuntanza. Falamos de libros, coma sempre. E decidimos que o primeiro que imos ler é o escrito por Ledicia Costa: "Escarlatina, a cociñeira defunta". Como algún dos novos membros do noso club xa coñecen esta historia, van ler a novela, da mesma autora: "O corazón de Xúpiter".

O día 26 de novembro, xoves,  ás 11 horas volvémonos reunir na nosa Biblioteca para falarmos destas lecturas.

Convidámosvos a que esteades connosco e comprobedes que ler e compartir opinións é moi divertido.

Saúdos lectores.