Skip to Content

MOITA SORTE A TODOS!

Hoxe toda a comunidade do IES María Casares está co alumnado de 2º de Bacharelato que comeza as probas de ABAU. Confiamos neles e desexamos que o resultado lles permita realizar os seus soños e/ou ter novos soños. Moitísima sorte a todos!

PARABÉNS, MARTA!

A alumna de 1º ESO A, Marta Fernández Hernández, competiu nos campionatos galegos de atletismo nas modalidades de 80 e 150 metros e salto de lonxitude, nos que obtivo 3 medallas de ouro. Parabéns, Marta! Estamos moi orgullosos de ti!

RESOLUCIÓN DA COMISIÓN DE ESCOLARIZACIÓN

Con data 6 de xuño de 2019, ás 10:00 horas, reuniuse no CEIP Plurilingüe A Rabadeira a Comisión de escolarización de Oleiros para o vindeiro curso 2019-2020. Pódese consultar a resolución neste enlace.

2º BACHARELATO. HORARIO EXAMES CONVOCATORIA EXTRAORDINARIA

Neste curso académico a convocatoria extraordinaria para o alumnado de 2º de Bacharelato terá lugar no mes de xuño, co obxectivo de axilizar o proceso de selección nas distintas facultades universitarias. Acceso ao horario de exames.

CONCURSO CARTEIS TÁBOA PERIÓDICA

O pasado venres 24 de maio tres grupos de alumnos de 3º de ESO do IES María Casares desprazáronse á Facultade de Química da USC co fin de participar na exposición “ A táboa periódica e Galicia” cos seus carteis: “Volframio”; “As minas de Ouro en Galicia”  e “Radón”. Dos 84 carteis presentados, 30 foron seleccionados para ser expostos na Facultade. Todos centros seleccionados recibiron un premio.

OLIMPIADA NA FACULTADE DE ENXEÑARÍA DE CAMIÑOS

O equipo formado polas alumnas de 2º da ESO Nora Khidroun, Ana Marta, Uxía Platas, Marta Plaza e Marta Sotelo participaron o pasado venres  na Olimpiada celebrada na faculdade de Enxeñaría de Camiños, onde competiron con outros cinco equipos galegos en varias probas relacionadas coa Enxeñería Civil (construción dunha ponte en arco, unha ponte de da Vinci, unha torre de latas de refresco…). Aínda que non resultaron gañadoras, demostraron a súa habilidade e a súa capacidade para traballar en equipo.

ALUMNADO 2º DE BACHARELATO

CUALIFICACIÓNS

  • Publicación das cualificacións na aplicación SIXA Familias (ao rematar as sesións de avaliación): martes 21 de maio.
  • Entrega de notas: mércores 22 de maio ás 9:00 horas.
  • Revisión de exames e reclamación das cualificacións: mércores 22 e xoves 23 de maio (ata as 14:00 horas).

ALUMNADO QUE TITULA NA CONVOCATORIA ORDINARIA

Folla de ruta para o alumnado que aprobe todas as materias na convocatoria ordinaria:

  • Solicitude do Título de Bacharel (na Secretaría do centro).
  • Matrícula nas probas de ABAU: entre o 22 e o 27 de maio, ambos incluídos. A matrícula pode facerse efectiva a través da aplicación NERTA ou na Secretaría do centro.

Para consultar calquera dúbida, preguntar na Secretaría.

FONDO SOLIDARIO DE LIBROS DE TEXTO

Aberto o prazo para solicitar as axudas do Fondo Solidario de Libros de Texto e Material Escolar.

Prazo: 21 de maio a 21 de xuño (ambos incluídos).

Os impresos de solicitude están dispoñibles na Secretaría do centro, aínda que tamén se pode formalizar a solicitude por vía telemática.

DESAFÍO 48 HORAS EN GALEGO

O desafío de falar en galego durante 48 horas

Con grande aceptación entre o alumnado, o Equipo de Normalización e Dinamización Lingüística do centro lanzou o reto de falar galego durante dous días seguidos. Así, os días 14 e 15 de maio, arredor de 200 alumnos/as, moitos/as profesores/as e o persoal de administración e servizos participaron no Desafío 48 h, algún deles intentándoo só durante o horario escolar e a maioría procurando facelo tamén fóra, nos diversos ámbitos e contextos en que viven día a día: familia, deporte, grupo de amigos/as... Unha proposta para fomentar a lingua galega entre a mocidade reforzada, ademais, coa actuación do rapeiro García MC e unha charla sobre as propostas de lecer galego que ten a mocidade por parte de Miguel Aquel-e. Pódese saber máis sobre esta acción, a súa repercusión e resultados a través das seguintes ligazóns:

  • 200 escolares de Oleiros aceptan o reto de falar galego durante 48 horas (Telexornal da TVG): https://i.gal/ue00O
  • 48 horas falando galego nun instituto de máis de 600 alumnos castelanfalantes (La Opinión de A Coruña): https://i.gal/1PUmv
  • O reto de falar galego durante dous días seguidos (Sermos Galiza): https://i.gal/8JUtg
  • A rapazada dun instituto de Oleiros comprométese a falar galego (Radio Galega): https://i.gal/R9JxM
  • Este é o desafío que fixo tolear o IES María Casares (La Voz de Galicia): https://t.co/o2IVHGtz32
  • A experiencia de atoparse co galego na adolescencia: "É unha mágoa que non nolo aprendesen antes" (Praza.gal): https://i.gal/njKIg

 

 

 

ADMISIÓN ALUMNADO CURSO 2019-2020. LISTAXES DEFINITIVAS

Listaxe definitiva de admisión de alumnado para o vindeiro curso 2019-2020.

Pódese consultar na Secretaría do centro e neste enlace.

Distribuir contido


by Dr. Radut