Skip to Content

INICIO DO CURSO ESCOLAR 2021-2022

En aplicación do Plan de Adaptación á situación Covid-19 deseñado polo centro, a incorporación do alumnado o mércores 15 de setembro realizarase de forma escalonada segundo as seguintes quendas:
 
  • 8:30 horas. Alumnado de 1º e 2º de ESO. O transporte escolar das rutas da empresa Eliseo Pita iniciará a ruta habitual ás 7:45 horas e as rutas da empresa Cal Pita, ás 8:00 horas. 
  • 10:30 horas. Alumnado de 3º e 4º ESO. O transporte escolar iniciará todas as rutas ás 10:00 horas.
  • 12:30 horas. Alumnado de Bacharelato e Formación Profesional Básica.
A hora de saída será a habitual, ás 14:10 horas. 

DEVOLUCIÓN LIBROS DO FONDO SOLIDARIO DE LIBROS DE TEXTO

O alumnado que teña algún libro de texto procedente do Fondo Solidario de Libros de texto deberá devolvelos no momento de realizar a matrícula para o curso 2021-2022.

ADMISIÓN CICLOS FORMATIVOS DE FORMACIÓN PROFESIONAL BÁSICA CURSO 2021-2022

Presentación de solicitudes: desde o 1 ao 10 de setembro ás 13:00 h.

Información: http://edu.xunta.gal/fp/fpbasica

VIAXE ÁS ILLAS CÍES

Un grupo de alumnas e alumnos de 2º de Bacharelato A realizou o pasado 23 de agosto unha viaxe ás illas Cíes. Esta viaxe, patrocinada integramente polo Concello de Oleiros, foi o premio ao concurso de recollida de plásticos realizado durante o pasado curso académico.

Xa que estes alumnos inician neste novo curso, a piques de comezar, unha nova andadura persoal e académica, aproveitamos para desexarvos sorte e recordarvos que este será sempre o voso instituto. Botarémosvos de menos e volvede sempre que queirades.

Foi un pracer compartir con vós estes anos!

 

 

 

HORARIO ATENCIÓN AO PÚBLICO DO 16 AO 31 DE AGOSTO

Dende o luns 16 e ata o martes 31 de agosto o horario de atención ao público será de luns a venres entre as 10:00 e as 13:00 horas.

BOLSAS E AXUDAS PARA CURSAR ESTUDOS DE BACHARELATO

Poden acceder á información nos seguintes enlaces:

LIBROS DE TEXTO CURSO 2021-2022

Para consultar a listaxe de libros de texto do vindeiro curso 2021-2022, seleccione no bloque esquerdo O Centro, a sección Secretaría e nesta, Libros de texto

CALENDARIO SETEMBRO 2021

ESO, FPB e 1º BACHARELATO

 

Exames da convocatoria extraordinaria de setembo

  • Mércores 1 e xoves 2 de setembro. Para consultar o horario de exames, prema AQUÍ.

Calendario convocatoria extraordinaria

  • Venres 3 de setembro. Sesións de avaliación e publicación das cualificacións en SIXA ao rematar cada sesión de avaliación.

  • Luns 6 de setembro. Entrega de notas ás 10:00 horas e revisión das cualificacións.

  • Luns 6 e martes 7 de setembro. Reclamacións das cualificacións (ata as 14:00 horas).

  • Mércores 8 de setembro. Resolución das reclamaciónes e comunicación ás famlias (ata as 12:00 horas). 

  • Martes 7 e mércores 8 de setembro. Matrícula para o vindeiro curso (entre as 9:00 e as 13:30 horas). 

FONDO SOLIDARIO DE LIBROS DE TEXTO E AXUDAS PARA LIBROS DE TEXTO E MATERIAL ESCOLAR

Está publicada a listaxe provisional de persoas beneficiarias de libros de texto do fondo solidario e a listaxe provisional de solicitudes excluídas, indicando a causa de exclusión.

Pode consultarse no taboleiro de anuncios situado no interior do recinto escolar

Así mesmo, as persoas solicitantes poderán acceder por vía electrónica ao seu expediente, a través da aplicación fondolibros, empregando a Chave 365 ou o certificado dixital da Fábrica Nacional da Moeda e Timbre.

As persoas interesadas poderán reclamar nos dous (2) días seguintes ao desta publicación.

CLAUSURA DO CLUB DE CIENCIA DO CURSO 2020-2021

O pasado 14 de xuño dimos por rematadas as sesións do club de ciencia cun xantar campestre.
Durante este ano os membros do club puideron traballar nos departamentos de Bioloxía, Matemáticas e Tecnoloxía. A través de diversas prácticas e experiencias nas que se amosaron moi implicados, desenvolveron proxectos como: scape room, criptogramas e fractales con Geogebra en Matemáticas, estudio de estructuras trianguladas e construción dunha cúpula xeodésica no xardín do instituo co departamento de Tecnoloxía e diseción dun corazón e  estudo da saudabilidade de distintos alimentos de consumo habitual por parte do alumnado cuxo resultado foi plasmado nunha serie de videos.
Todos os vídeos e imaxes dos distintos proxectos podedes  consultalos no blog do club de ciencia.
Distribuir contido


by Dr. Radut