Skip to Content

25 N

"Os trapos sucios xa non se lavan na casa"

Un ano máis o IES María Casares quixo rendir unha homenaxe a todas as mulleres que seguen sufrindo a violencia machista das súas parellas. Este ano decidimos abrir un camiño á esperanza cunha actitude en positivo, que reflicta os avances que se están producindo, mais sen esquecer todo o camiño que queda por diante. Por iso o noso lema foi "Os trapos sucios xa non se lavan na casa". Deixamos aquí unha mostra da actividade e un vídeo coa primeira actuación en público do noso coro.

 

  

              
   

VIVE A LINGUA-Actividades teatralizadas

O vindeiro venres 26 podes participar nas actividades teatralizadas a través de xogos de pistas para a rapazada de Oleiros na pista polideportiva II República.

ANIMÁDEVOS !!!   Apuntádevos nesta ligazón.

ELECCIÓNS AO CONSELLO ESCOLAR

O luns 22 de novembro de 2021 realizaranse as votacións para a renovación parcial do Consello Escolar. Os representantes legais do alumnado poderán exercer o seu dereito ao voto entre as 17:00 e as 20:00 horas na Biblioteca do centro.

O resto dos sectores elexirán os seus representantes ao longo da xornada do mesmo luns 22 de novembro.

ELECCIÓNS AO CONSELLO ESCOLAR

O venres 5 de novembro foi constituída a Xunta Electoral que vai regular o proceso de renovación do Consello Escolar do IES María Casares. Poden consultar toda a información relativa ao devandito proceso AQUÍ

Recorden que desde hoxe luns 8 de novembro e ata o venres 12 de novembro está aberto o prazo efectivo de presentación das candidaturas. Na Secretaría do centro están dispoñibles os impresos oficiais.

ELECCIÓNS PARA A RENOVACIÓN DO CONSELLO ESCOLAR

Comunícase que o vindeiro mércores 3 de novembro de 2021, ás 11:30 horas, na Biblioteca, realizarase o sorteo público para a designación dos membros da Xunta Electoral establecido no Artigo 30 do Decreto 92/1998 segundo redacción dada polo Decreto 324/1994

EXPOSICIÓN "O SAMAÍN"

O Equipo de Dinamización da Lingua Galega e a biblioteca escolar organizan, con motivo do Samaín, unha exposición de literatura de terror e de carteis, escritos en todas as linguas estudadas no instituto, nos que se explica a orixe celta desta celebración. Ademais, ao longo da semana, proxectarase un vídeo para dar a coñecer máis aspectos relativos a esta festa e os alumnos terán a oportunidade de participar nun concurso de relatos de terror.

Click na imaxe para ampliar

PUNTO LIMPO MÓBIL

A vindeira semana (25 ao 29 de outubro) teremos no aparcadoiro do IES María Casares un punto limpo móbil co obxectivo de concienciar á comunidade educativa das vantaxes da reciclaxe.

Información punto limpo

 

 

DÍA NON LECTIVO

O vindeiro luns 11 de outubro foi o elexido pola Consellería de Cultura, Educación e Universidade como Día do ensino galego non universitario. Por este motivo ten consideración de non lectivo. Retomaremos a actividade lectiva habitual o mércores 13 de outubro.

INICIO DO CURSO ESCOLAR 2021-2022

En aplicación do Plan de Adaptación á situación Covid-19 deseñado polo centro, a incorporación do alumnado o mércores 15 de setembro realizarase de forma escalonada segundo as seguintes quendas:
 
  • 8:30 horas. Alumnado de 1º e 2º de ESO. O transporte escolar das rutas da empresa Eliseo Pita iniciará a ruta habitual ás 7:45 horas e as rutas da empresa Cal Pita, ás 8:00 horas. 
  • 10:30 horas. Alumnado de 3º e 4º ESO. O transporte escolar iniciará todas as rutas ás 10:00 horas.
  • 12:30 horas. Alumnado de Bacharelato e Formación Profesional Básica.
A hora de saída será a habitual, ás 14:10 horas. 

DEVOLUCIÓN LIBROS DO FONDO SOLIDARIO DE LIBROS DE TEXTO

O alumnado que teña algún libro de texto procedente do Fondo Solidario de Libros de texto deberá devolvelos no momento de realizar a matrícula para o curso 2021-2022.

Distribuir contido


by Dr. Radut