Skip to Content

DETECTADO UN CASO POSITIVO EN COVID-19

Estimadas familias e membros da comunidade educativa do IES María Casares:

Onte detectouse un caso positivo por COVID-19 dun alumno do centro. As autoridades sanitarias decidiron NON CONFINAR nin o centro nin a aula, xa que se tomaron todas as medidas preventivas: uso de máscara, distancia de seguiridade, ventilación dos espazos e hixiene de mans. 

Desde a Dirección do centro queremos trasmitir tranquilidade e pedir a colaboración das familias no esforzo común de concienciar sobre a importancia de respectar as medidas establecidas, co fin de frear os posibles contaxios. 

NORMAS COVID CURSO 2020-2021

Para acceder á información relativa ao protocolo que vai aplicar o centro para adaptarse á situación provocada polo COVID, prema AQUÍ.

O alumnado que veña en transporte escolar ou en transporte público debe acceder ao centro pola rampla lateral; o resto do alumnado, accederá pola porta lateral traseira da rúa Uxío Novoneyra.

COMEZO DO CURSO 2020-2021

A Orde do 16 de setembro de 2020 modifica os puntos 2 e 3 do artigo 5 da Orde do 25 de xuño de 2020 pola que se aproba o calendario escolar para o curso 2020/2021 nos centros docentes sostidos con fondos públicos na Comunidade Autónoma de Galicia e  establece a incorporación escalonada do alumnado do seguinte xeito:

  • Mércores 23 de setembro. Incorporación do alumnado de 1º e 2º de ESO e1º de Bacharelato.

  • Xoves 24 de setembro. Incorporación do alumnado de 3º de ESO e 2º de Bacharelato.

  • Venres 25 de setembro. Incorporación do alumnado de 4º de ESO e FPB (1º e 2º).

Desde o mércores 23 de setembro o horario de permanencia no centro será o habitual: 8:30 a 14:10 horas. 

O día da súa incorporación, o alumnado deberá vir provisto cando menos dunha libreta, un bolígrafo e unha máscara de reposto. A partir dese día, seguirán as instrucións do profesorado. 

FONDO SOLIDARIO DE LIBROS DE TEXTO. LISTAXES DEFINITIVAS

As listaxes coa adxudicación definitiva do Fondo solidario de libros de texto están publicadas no Taboleiro do centro. As familias de 1º de ESO poden recoller os lotes de libros a partir do venres 18 de setembro. Os lotes correspondentes a 2º, 3º e 4º de ESO poden ser retirados a partir do luns 21 de setembro.

BOLSAS E AXUDAS PARA DO MINISTERIO DE EDUCACIÓN

O prazo para a presentación de solicitudes de bolsas e axudas do Ministerio de Educación para o alumnado de niveis postobrigratorios remata o 1 de outubro.  ENLACE para o acceso a toda a información.

 

O prazo para a presentación de solicitudes de bolsas e axudas do Ministerio de Educación para o alumnado con necesidades específicas de apoio educativo remata o 30 de setembro. ENLACE para o acceso a toda a información.

AVISO

Ante a inquedanza que suscita o comezo do curso 2020-2021, recordamos ás familias que toda a información relativa ao centro educativo publícase na páxina web. 

No referente ao marco horario do vindeiro curso non está prevista ningunha variación con respecto aos cursos anteriores.

A Dirección

PRESTACIÓN DE APOIO Á ESCOLARIZACIÓN DO CONCELLO DE OLEIROS CURSO 2020/2021.

A Concellería de Servizos Sociais e Igualdade do Concello de Oleiros informa sobre as prestacións de escolarización para o vindeiro curso 2020-2021. Para acceder á información, prema AQUÍ.

FONDO SOLIDARIO DE LIBROS DE TEXTO. LISTAXES PROVISIONAIS

Publicadas no Taboleiro do centro as listaxes provisionais de admitidos e excluídos do fondo solidario de libros de texto. As persoas interesadas poderán reclamar nos dous (2) días seguintes á publicación da listaxe provisional.

LIBROS DE TEXTO CURSO 2020-2021

Para consultar a listaxe de libros de texto para o vindeiro curso seleccione no bloque esquerdo O CENTRO o apartado Secretaría e nel o subapartado "Libros de texto".  

 

ENQUISA SOBRE O COÑECEMENTO E USO DA LINGUA GALEGA

O Grupo de Traballo de Tratamento Integrado das Linguas (TIL), co obxectivo de actualizar o Proxecto Lingüístico do centro, precisa a colaboración do profesorado e o alumnado para coñecer cal é a situación actual de coñecemento e uso da lingua galega no centro.

Con esta finalidade, solicitamos que cubran a seguinte enquisa.

Enlace para a enquisa ao profesorado:https://forms.gle/wYG1Qo5CeiMyz46G9

Enlace para a enquisa ao alumnado:https://forms.gle/nxvuFPKrJXeJSU758

GRAZAS POLA VOSA COLABORACIÓN

Distribuir contido


by Dr. Radut