Eventos

« Xaneiro 2019 »
LunMarMérXovVenSábDom
123456
78910111213
14151617181920
21222324252627
28293031

AVISO IMPORTANTE

Esta madrugada uns asaltantes, polo de agora descoñecidos, inhabilitaron o vídeo porteiro recentemente instalado no acceso peonil ao centro. Por este motivo, e ata que a avaría sexa reparada, a porta de acceso peonil non dispón de apertura remota. O alumnado pode acceder ao centro á primeira hora polos accesos habituais; se desexan (eles ous as familias) acceder ao longo da xornada lectiva, poden situarse na porta principal (a que dá á Avda. Che Guevara) e/ou chamar ao teléfono 981626344 e o persoal de administración e servizos facilitaralles o acceso ao recinto. Rogamos disculpen as molestias que esta circunstancia poida ocasionar.

Se teñen algunha información que permita ás autoridades competentes identificar aos delincuentes, estamos á súa disposición.

Un saúdo.

A Dirección.

ACCESO AO CENTRO

Por razóns de seguridade do alumnado e de acordo coa normativa vixente, procedeuse a automatizar as portas principais que dan acceso ao recinto escolar. O alumnado entrará e sairá polos accesos habituais ao comezo e ao remate da xornada lectiva. En horas intermedias, tanto o alumnado como os visitantes, tenrán acceso a través da porta peonil que está situada na rampla lateral, dotada dun vídeo porteiro.

OLEIRESAS E OLEIRESES POLO MUNDO

Nesta semana o alumnado de 2º de Bacharelato do IES María Casares cambiou o seu hábitat natural, é dicir, o instituto e, como recompensa tras finalizar a 1ª avaliación, colleron a maleta dispostos a viaxar, a divertirse e tamén a continuar aprendendo.

Un grupo viaxou a Madrid para asistir a unha representación teatral, deleitarse cun musical, visitar a Residencia de Estudiantes, coñecer Alcalá de Henares… e facer algunhas compras.

Outro grupo encamiñouse cara a Suíza, en concreto a Xenebra para, entre outras actividades visitar as instalacións do CERN (Organización Europea para a Investigación Nuclear), que é o maior laboratorio de investigación en física de partículas do mundo, onde probablemente acaben traballando…

REPORTAXE GRÁFICA

Aquí os temos posando para as fotógrafas e traballando duramente no CERN

 

 

TORNEO INTERNACIONAL DE JUDO "VILLA DE AVILÉS"

Esta fin de semana estase a celebrar o Torneo Internacional de Judo "Villa de Avilés", no que participan 12 deportistas do Concello de Oleiros, entre eles numerosos alumnos do noso centro. Desexámoslle éxito a todos e, moi especialmente, ao noso alumnado.

VISITA AO MUNCYT

O martes 23 de outubro, os alumnos de Tecnoloxía de 4º de ESO visitaron o MUNCYT (Museo Nacional de Ciencia e Tecnoloxía), na Coruña. Participaron en diferentes talleres de electricidade e electrónica e montaron diversos circuítos, entre outros dunha radio, que funcionou perfectamente e na que foron capaces de sintonizar diferentes emisoras. Tamén visitaron a sala de robots, o Jumbo e a sala de grandes inventos, onde puideron ver desde un acelerador de partículas ata unha enorme “computadora” dos anos 40. Un verdadeiro paseo polo mundo da tecnoloxía que foi do agrado de todos.

MUNCYT1

Visita á Casa do Queixo

O pasado luns, 15 de outubro, os máis novos do centro compartiron xogos, actividades e bocadillo na granxa-escola Casa do Queixo, en Sobrado dos Monxes; unha excelente maneira de coñecerse mellor e de desfrutar do comezo do outono.

 

Curso 2018-19

Listados de libros de texto para o curso 2018/19

Nos seguintes enlaces pódese consultar a relación dos libros de texto para o curso 2018/19

 

Powered by Drupal - Design by artinet