Skip to Content

PARABÉNS A MANU TAIBO

Ven, 15/01/2021 - 14:16 — admin

O alumno de 1º de Bacharelato B, Manu Taibo, conseguiu clasificarse para a Copa do Mundo de patinaxe de velocidade. Nestes momentos, e ata o 24 de xaneiro está nun intenso adestramento en Italia. 

Parabéns, Manu, e moitísima sorte!

RESTABLECEMENTO DA CALEFACCIÓN

Mér, 13/01/2021 - 13:35 — admin

Comunícase ás familias e ao alumnado que esta mañá rematou a reparación da avaría no sistema de calefacción. Recordamos que é necesario igualmente acudir ao centro ben abrigados para levar a cabo o protocolo de ventilación, tendo en conta, ademais, os datos tan negativos da evolución da pandemia, tanto na comunidade como no noso concello. 

AVISO URXENTE

Dom, 10/01/2021 - 18:57 — admin

Estimadas familias e estudantes:

Comunicamos que por mor dunha avaría producida no sistema de calefacción do centro, mañá non poderemos dispoñer dela, polo que rogamos que o alumnado acuda ao centro ben abrigado. Sentimos as molestias producidas por esta situación e trataremos de solucionar o problema coa maior celeridade.

Un saúdo.

COMEZAMOS CON FORZA O 2021

Dom, 03/01/2021 - 10:22 — admin

Todos tiñamos gañas de dicirlle adeus ao ano 2020 e desexamos que este 2021 supoña un cambio de rumbo con respecto ao vivido nos últimos meses.

Desde o Equipo de Dinamización da Lingua Galega do IES María Casares, animámosvos a comezar o ano participando no VII Premio Literario "Descubrindo Oleiros", impulsado polo Servizo de Normalización Lingüística do Concello.

O concurso está destinado ao alumnado de ESO e o prazo de presentación dos relatos remata o 11 de xaneiro, así que aínda tedes toda unha semana por diante para elaborar o voso relato.

Podedes acceder ás bases do concurso neste ENLACE.

Aproveitamos para recordarvos que o día 8 de xaneiro ten carácter de non lectivo, xa que foi un dos dous días solicitados polo Claustro e aprobados pola Xefatura Territorial.

PARABÉNS ÁS NOSAS XIMNASTAS!

Dom, 06/12/2020 - 13:22 — admin

Entre o 1 e o 6 de decembro de 2020, estase a celebrar o Campionato de España de Ximnasia Rítmica Individual e Autonomías, Copa da  Raíña e o Campionato de España de equipos, que reúne en Valencia a máis de 800 ximnastas.

A alumna de 4º de ESO, Iria Álvarez Fuentes, obtivo a medalla de bronce na categoría júnior por equipos. Moi orgullosos dos teus logros, Iria!

Ademais tamén compiten a este altísimo nivel outras alumnas do centro. Moitísima sorte e moitos parabéns a todas elas!

DISTRIBUCIÓN DE MASCARILLAS ENTRE O ALUMNADO

Xov, 19/11/2020 - 09:35 — admin

A Consellería de Educación vén de publicar unha orde para regular a distribución de mascarillas entre o alumnado de Educación Secundaria Obrigatoria e educación especial. Os impresos están dispoñibles na sede electrónica, no Anexo da propia convocatoria e na Secretaría do centro. O prazo para realizar a solicitude remata o venres 27 de novembro.

Para acceder ao enlace, prema AQUÍ.

AXUDA PARA A UTILIZACIÓN DAS AULAS VIRTUAIS

Dom, 08/11/2020 - 17:38 — admin

Seguindo as instrucións da Consellería e o propio Plan de Continxencia do centro, comunicamos ás familias que está dispoñible na Aula Virtural do centro (acceso a través da páxina web) un curso denominado AXUDA TIC_ALUMNADO_PROFESORADO onde, na sección ALUMNADO é posible Acceder como convidado a diversas indicacións que tratan de facilitar o acceso ás AV e outras cuestión técnicas para a comunicación co profesorado a través destas.

Enlace directo:

http://www.edu.xunta.gal/centros/iesmariacasares/aulavirtual/

DÍAS NON LECTIVOS

Ven, 23/10/2020 - 11:07 — admin

Os días solicitados á Xefatura Territorial como días non lectivos para o curso 2020-2021 foron:

  • luns 2 de novembro de 2020

  • venres 8 de xaneiro de 2021

EXTRACTOS DAS PROGRAMACIÓNS DIDÁCTICAS

Mar, 20/10/2020 - 18:56 — admin

Na sección correspondente do bloque DEPARTAMENTOS (lateral esquerdo) están publicados os extractos das programacións didácticas de cada departamento didáctico, ordenadas por curso e materia. Estes documentos inclúen os principais contidos e a súa temporalización, así como os criterios e métodos de avaliación e cualificación das distintas materias.

HORARIO DE SAÍDA

Mér, 14/10/2020 - 11:34 — admin

A partir do hoxe, 14 de outubro de 2020, o alumnado sairá escalonadamente a partir das 14:10 horas durante toda a semana e a partir das 18:10 na tarde do luns. Esta medida intenta evitar que se formen aglomeracións mentras esperan o transporte escolar ou que pasen demasiado tempo dentro dos autobuses esperando a saída. 

Aproveitamos para lembrar ás familias que procuren que os alumnos/as veñan ben abrigados ao centro, posto que procuramos manter ventiladas as aulas durante o maior período de tempo posible. 

Distribuir contido


by Dr. Radut