Skip to Content

CAMPAÑA SOLIDARIA

Por iniciativa dun grupo de alumnos de 4º da ESO comenzamos unha campaña de colaboración coa ONG BASSARI ÁFRICA para a construcción dun pozo nuha aldea do Senegal. O martes 26 de novembro o alumnado de 3º e 4º participará en competicións deportivas solidarias, pero solicitamos a colaboración das familias para recaudar o diñeiro necesario para a construcción deste pozo que sen dúbida cambiará a vida das xentes da aldea. Con tal fin desde o día 19 ata o próximo 5 de decembro poderán realizarse as achegas desexadas na secretaría do instituto. Calquera cantidade é importante para un proxecto que pretende educar aos nosos alumnos e alumnas na solidaridade e na confianza na nosa capacidade para realizar pequenas pero imprescindibles actuacións para a mellora da sociedade. Eles traballan con moita ilusión e esperan a colaboración de toda a comunidade educativa do María Casares. Moitas grazas a todos.

    

Nos seguientes enlaces pódese acceder aos vídeos:

https://drive.google.com/open?id=1BANQqGMxSvIAaaJVHflhSE6OB0csXV2D

https://bassariafrica.org/

Colaboración Facultade de Ciencias do Deporte e a Educación Física e o CAS (Club Atletismo Sada).

 

OUTRO ÉXITO DO ALUMNADO STEM

O IGFAE (Instituto Galego de Física de Altas Enerxías) organizou o II Concurso de Comunicación Científica como parte da Semana da Ciencia. Os alumnos Ana Lamas, Luis Barba, Tomás López e Roi Suárez, que cursan o 1º curso do STEMbach no IES María Casares, coordinados pola profesora María José Fernández Yáñez, participaron na categoría: “Experimentos, demostracións ou aplicacións web ou para dispositivos móbiles.”

O proxecto presentado polo IES María Casares foi seleccionado, xunto con outros dous proxectos, para recibir unha aportación de 500 € co fin de elaborar o seu experimento: “Simulador educativo dun acelerador de partículas” .

Estamos seguros que o noso equipo aproveitará esta oportunidade para desenvolver o proxecto, optar ao premio final e, sobre todo, seguir no camiño que iniciamos o curso pasado: unha ponte entre o Bacharelato e os estudos universitarios cun alumnado altamente cualificado.

Parabéns e moito ánimo ás alumnas/os e á profesora!!!

DISASHOP VISITA O MARÍA CASARES

O pasado 25 de outubro,  os  alumnos de 2º Bacharelato das materias  Economía da Empresa e Fundamentos de Admnistración e Xestión, asistiron no noso centro a unha "Charla de Emprendemento"  impartida por Don Julio López (Director Financeiro), Dona Rosa Arias ( Directora de RRHH) e Lorena Otero ( Responsable de RRHH) da empresa Disashop ubicada en Oleiros.
Dámoslles as grazas por esta experiencia porque foi moi interesante para todos nós.

VISITA AO MUNCYT

O pasado martes 29 de outubro os alumnos de tecnoloxía de 4º da ESO visitaron o Museo de Ciencia e Tecnoloxía (MUNCYT) e participaron nun taller de electrónica realizando diversos circuítos, entre eles a  montaxe dunha radio que puideron probar sintonizando diferentes frecuencias,…

Na visita do museo puideron subir á parte dianteira do Jumbo 747 de Iberia que trouxo o Guernica a España, ver un dos primeiros aceleradores de partículas construídos no noso país,…

 

O ALUMNADO STEM CONTINÚA TRABALLANDO

O pasado verán dúas alumnas do STEMbach  IES María Casares,  Eva Freire e Inés Plaza, participaron no programa “Incrúst@te” organizado polo CICA.  

Durante  este programa tiveron a oportunidade de traballar durante 3 días con investigadores da UDC e coñecer de primeira man o día a día dun proxecto de investigación.  Para completar o traballo presentaron as súas experiencias  nun minicongreso.  

Moitas grazas ao CICA por contar con nós para esta experiencia.

FONDO SOLIDARIO DE LIBROS DE TEXTO

Nos seguintes enlaces poden consultar as listaxes definitivas do alumnado admitido e excluído do Fondo Solidario de Libros de Texto.

Listaxe provisional de alumnado ADMITIDO

Listaxe provisional de alumnado EXCLUÍDO

O ALUMNADO NON DESCANSA NO VERÁN...

Na primeira semana de xullo celebrouse en Valencia o Campionato de España de ximnasia artística no que a nosa alumna Ana Sánchez  Prieto (primeira á dereita) e o seu equipo Ximnasia Tempo, conseguiron o bronce na fase por equipos. Parabéns a Ana polos seus éxitos académicos e deportivos e ás súas compañeiras de equipo! Unha vez máis, orgullosos do noso alumnado!

 

 

CONTINÚA A CADEA DE ÉXITOS DO ALUMNADO DO IES MARÍA CASARES

A pasada fin de semana celebrouse en Parets del Vallès o XXVII Campionato de España Cadete e Xuvenil de patinaxe artística. O alumno do noso centro Lucas Yáñez Pérez proclamouse campión nunha competición tremendamente disputada. Parabéns Lucas!

 

LIBROS DE TEXTO CURSO 2019-2020

MODIFICACIÓNS NA MATERIA DE INGLÉS:

  • Libro de lectura 1º ESO (Anulada)
  • Libro de texto 3º ESO/PMAR (Anulado)

Nos respectivos enlaces pódese consultar a listaxe de libros de texto para o vindeiro curso 2019-2020. Recomendamos non manipular nin marcar os libros ata que sexan confirmados polo correspondente profesor a principio de curso.

1º ESO

2º ESO

3º ESO

4º ESO

FPB

1º BACHARELATO

2º BACHARELATO

IRIA ÁLVAREZ, MEDALLA DE OURO JÚNIOR

O pasado fin de semana celebrouse en Zaragoza o campionato de ximnasia, no que a alumna de 2º de ESO Iria Álvarez logrou quedar campioa de España na categoría júnior cun exercicio de cinta. Desde a comunidade educativa do IES María Casares queremos dar os parabéns a Iria e a todas as compañeiras que competiron no campionato, conscientes do esforzo a maiores que supón   compaxinar unha actividade deportiva a tan alto nivel coas esixencias do curso académico. PARABÉNS, CAMPIOAS!!!

Neste enlace podedes ler a noticia completa que publicou La Opinión.

Distribuir contido


by Dr. Radut